Am 9:5 - Chuj San Sebastian Bible

⁵ A Jehová Cajlil tztac' yuj smasnil, a yic tz'och yamn 'a lum lum tic, yajn̈ej tz'ulb'x 'ejm lu'um, ax eb' cajn 'a sat lu'um, caw tz'oc' eb'. Tzq'ue wan lum 'a cha'an̈, tz'ejm paxi, 'icha tzyac' a Nilo, tzq'ue wa'an, tz'ejm pax a'.

Chuj San Mateo Bible

⁵ Ayic syaman lum luum tic Jehová Yajal d'a Smasanil, tz'ib'xiq'ue luum, axo eb' anima smasanil, tz'oc'q'ue eb'. Toxon̈ej sq'uei tz'em lum yuj spoder, icha val syutej sb'a a' Nilo.

Am 9:5 Referans Kwoze

Am 8:8

'Oj 'ib'xoc lum lum yuj smasnil jun tzo'n̈ tic, 'oj 'oc' smasnil eb' cajn 'a 'a. 'Oj q'ue wan lum 'a cha'an̈, ax yejm paxi, 'icha tzyac' a Nilo, tzq'ue wa'an, tz'ejm pax a'.

Salmos 46:6

'Oj 'el yaw jun tzo'n̈ niwc nacion̈ yuj owal, ax laj yib'x chan̈ eb' 'aych yajlil, ax yulb'x pax 'ejm lum lum tic, yic 'oj 'ab'xoc spaxtin Dios.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Is 64:1

Comnoc 'ay tz'aj a jatn satcha'an̈, yic tzach 'eml 'a yolyib'n̈q'uinl tic, sec tzlaj 'ib'x lum niwc witz 'a ojltac.

Mt 7:27

Ax yic xya'n jun yaxn̈ab', 'ix jaw a 'elmal a', xjaw jun 'ic' caw ow 'a yatut cha. Yuj cha, caw xc'an̈ yem junnjoc jun yatut cha, xchi Jesús 'a eb'.

Habacuc 3:10

A yic xa ch'oxn a b'a, caw x'ib'x chan̈ eb' lum niwc witz yuj xiwlal. 'Ix cot yaxn̈ab' 'a satcha'an̈, ax a mar, til wal sc'an̈ chan̈ a', yic xq'ue wan chel-loc a 'a cha'an̈.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Os 4:3

Yuj cha, caw wal cusltac 'oj 'ajcn slum jun nacion̈ tic. 'Oj laj 'el yip eb' 'anma cajn 'a 'a. 'Oj laj cham no calte'al noc', no ch'ic, yet' smasnil e no chay 'ay 'a yojl a mar.

Jeremías 12:4

¿B'a'n̈ wal 'oj 'och wan stacj lum lum tic, yet' te c'ultc tzlo e no noc'? A e no noc', yet' e no ch'ic, wan laj scham e no yuj smaysch'olnilal eb' 'anma 'a jun nacion̈ tic. A snan eb' to matz el tas tzb'o eb', xin chi 'a Dios.

Salmos 144:5

Mamin, jacw cab' satcha'an̈, tzlajw cha, tzach 'emta. 'Emn̈ wul 'a eb' lum jolmctac witz, ax sq'ue wan stab'l eb' lum o'oj.

Salmos 32:6

A eb' yiclum, yal cab' sb'a eb' 'ayach, a yic tzjaw niwc yailal 'a eb'. Wach'xam tzjaw 'icha a 'elmal a', palta ma'oj c'och 'a eb'.

Salmos 97:5

A eb' lum niwc witz, ton̈j tz'ulb'x 'ejm eb' lum 'a yojltac Jehová, atn syajlil smasnil yolyib'n̈q'uinal. 'Icha yulb'x no chab'ic', 'ixta tz'aj eb' lum yu'uj.

Salmos 104:32

A yic tzach 'och q'ueln 'a lum lum tic, yajn̈ej tz'ib'x chan̈ lum o'oj; a yic tzach 'och yamn 'a eb' lum niwc witz, yajn̈ej tzq'ue wan stab'l eb' lum o'oj.

Nahúm 1:5

Caw tz'ib'x eb' lum witz 'a yojltac Dios, caw tz'ulb'x pax 'ejm eb' lum tzaln yu'uj. Smasnil lum lum tic yet' smasnil eb' 'anma cajn ta', caw tz'ib'x eb' yuj xiwlal 'a yic tzch'oxn sb'a Dios.