Am 8:14 - Chuj San Sebastian Bible

¹⁴ 'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Chuj San Mateo Bible

¹⁴ Icha chi' ol aj eb' syac' sti' d'a juntzan̈ yechel q'uixvelaltac ay d'a Samaria, aton eb' tz'alan icha tic: Svac' in ti' d'a sb'i sdiosal eb' aj Dan, ma d'a sb'i sdiosal eb' aj Beerseba, xchi eb'. Yuj chi' man̈xa b'aq'uin̈ ol q'ue vaan eb', xchi Jehová.

Am 8:14 Referans Kwoze

Am 5:5

Man̈ ex 'at 'a chon̈b' Bet-el, yet' 'a Gilgal, man̈ ex 'ec' pax 'a Beerseba. A eb' 'aj Gilgal, yowlal 'oj 'ijxoc 'at eb' 'icha presoal 'a chuc nacion̈al, ax Bet-el, caw 'oj lan̈chjoc can 'ejmi, xchi Dios.

Dt 9:21

Yuj ton wal jun yechl wacx cha, x'och e mul. Yuj cha, xin tza'n cot jun yechl wacx cha, xin ma'n pojoc, xin juln 'at 'a scal c'ac', xin tenn chojoc, xwa'n 'at 'a yol a a tzcot 'a jolm witz.

A Tas Sc'ulejnac Eb' Schecab' Jesús Hechos 9:2

'Ix sc'ann win jun tzo'n̈ ch'an̈ carta, yic tzyi'n 'at 'a jun tzo'n̈ scapiya eb' yit israelal 'ay 'a chon̈b' Damasco. A jun tzo'n̈ carta chi tz'a'n yopiso win syamn jantcn̈ej eb' tzya'ch snab'en 'a Jesús, eb' winac, yet' eb' 'ix. Tznib'j win tzyij 'at eb' 'a preso 'a Jerusalén.

A Tas Sc'ulejnac Eb' Schecab' Jesús Hechos 24:14

Yel toni, a Dios 'aj yaljnac sb'a eb' qui mam quichm on̈, atn tzwac' servil, 'icha tzyal qui cuynb'il on̈. Atn jun tic tzyal ewin yuj junc'aj xo cuynb'il cha. Palta an tic, tzwa'ch in c'ojl 'a jantcn̈ej tas tz'ib'b'il can 'a ley yic Moisés, yet' 'a jantcn̈ej tas tz'ib'b'il can yuj eb' schecb' Dios.

A Tas Sc'ulejnac Eb' Schecab' Jesús Hechos 19:23

Ax 'a jun tiempoal cha, caw xq'ue somnjoc eb' 'anma scot yowl yuj b'eyb'al yic Cajlil.

A Tas Sc'ulejnac Eb' Schecab' Jesús Hechos 19:9

Palta 'ay jun tzo'n̈ eb' caw pit. Toxn matz nib'j eb' tzya'ch 'a sc'ojol. X'ec' laj yalnc eb' 'a eb' 'anma', chajtlto maysch'olnil jun cuynb'il yic eb' creyente cha. Yuj cha, 'ix yi'n 'el sb'a Pablo 'a eb'. 'Ix yi'n 'at sb'a yet' eb' creyente 'a jun escuela yic jun win Tirano sb'i. Ata xyal-l spaxti Dios 'a eb' 'a junjn c'u.

A Tas Sc'ulejnac Eb' Schecab' Jesús Hechos 18:25

Caw wal cuywnac 'a b'eyb'al yic Cajlil. Caw wach' xyutj yaln el wach' 'ab'x 'a smasnil sc'ojol. Tojl xyutj yaln 'el yab'xil Jesús. Yiptzil to 'ayt wal palta scuychj 'el scuynb'il Jesucristo yu'uj, cojn jun tzo'n̈ scuynb'il Juan Bautista yojtac.

Sofonías 1:5

'Oj in satl pax smasnil eb' tzlaj q'ue 'a yib'n̈ span̈nil yatut yic tzlaj yalnc sb'a eb' 'a jun tzo'n̈ c'anal, yet' eb' tzlaj 'em cuman yic tzlaj slocn eb' in b'i, palta tzloc pax eb' sb'i jun comn dios tzcuch Milcom.

Am 5:2

A qui chon̈b'ec tic, lajn wal 'icha junc 'ix cob's 'ix tzecx can telwoc. Man̈x 'a tz'aj sq'ue wa'an. Yujto x'actx can sch'ocoj, man̈x 'a mach tz'i'n chan̈ 'a sat lu'um.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Os 13:2

An̈ja sniwtj eya'n 'och e mul. Tzlaj e b'onc q'uen plata e diosaloc, a tzyal tas tznachj eyu'uj, 'ixta tzeyutj e b'on junc yechl cha. Tzlajw cha, tzeyaln 'a eb' 'anma 'ixtic: 'A'c e xajmb'al 'a 'a, xe chi. Tzlaj e tz'ub'n 'elt sti jun yechl wacx cha.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Os 4:15

Wach'xam x'och smul chon̈b' Israel, palta comnoc matz 'och smul chon̈b' Judá. May cab' eb' 'anma tz'at yac' 'ejm sb'a 'a Guilgal, mto 'a jolm witz Bet-avén, may cab' mach tz'a'n sti 'a in b'i an Jehová pitzn in tic.

Jeremías 51:64

tzaln 'ixtic: 'Ixtc wal 'oj 'aj yejm Babilonia. Man̈x 'a b'a'n̈ 'oj q'uex wan jun 'ejm xo, yuj jantc yailal 'oj jawc 'a yib'n̈ yuj Jehová, xa chi, xchi Jeremías. Atn 'a tic tzlajw can c'och spaxti Jeremías.

Jeremías 25:27

Xlajw cha, 'ix yaln Jehová 'ayn 'ixtic: Ala, chajtlto an Jehová in, tztac' wuj smasnil, e Diosal in ax israel ex tic, an 'ix wala to yowlal tzyu'j eb', masnto tzq'ue 'a sjolm eb', tzxej eb' yu'uj, telw cab' eb' 'a sat lu'um, man̈x cab' q'ue wan eb'. 'Ixta wal 'oj 'aj eb' yuj jun owl 'oj wa't 'a scal.

Is 43:17

'Ix yac' 'eltoc jun b'uln̈ eb' soldado, yet' eb' scaruaje, yet' pax eb' schej, palta 'ix satl eb' yu'uj. 'Ix telw can 'ejm eb', man̈x 'ic stac' sq'uex wan eb', 'ix satl eb' 'icha tz'aj stup sc'a'l junc cantil.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Salmos 140:10

Cot cab' stzac'ac' 'a yib'n̈ eb', 'ajx cab' 'at eb' a scal c'ac'. Julx cab' 'at eb' 'a yich junc xab' olan, 'a 'aj man̈xtzac stac' sq'uet eb'.

Salmos 36:12

Ex wit chon̈ab', 'iltec wal 'aj tzlajw can 'ejm eb' tzb'on maysch'olnil. Tzlajw can 'ejm eb', sec wach' man̈x 'a b'a'n̈ 'oj q'ue wan eb'.

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

A Ch'an̈ Schab'il Libro Yic Yab'ixal Eb' Rey 10:29

Palta ma'ix satl jun 'emmquilal 'ix 'elcn yich yuj Jeroboam yunnal Nabat, atn jun xjucb'tzan eb' yit israelal 'a maysch'olnil, yuj 'emmquilal tz'och 'a jun tzo'n̈ yechl wacx to nab'a oro 'a Bet-el yet' 'a Dan.

A Ch'an̈ B'ab'el Libro Yic Yab'ixal Eb' Rey 16:24

Xlajw cha, 'ix smann win jun lum tzaln 'a win Semer sb'i. 136 libra q'uen plata xyac' win stojloc lu'um, ax 'a lum tzaln cha, ata 'ix yac' win b'o jun chon̈ab', ata 'ix yac' reyl junx waque ab'il. 'Ix ya'n sb'ic Samaria, yujto Semer sb'i win 'ay yic lum 'a yic mantzac chon̈x lu'um.

A Ch'an̈ B'ab'el Libro Yic Yab'ixal Eb' Rey 14:16

Yuj cha, 'oj on̈ ya'c 'och Jehová 'a yol sc'ab' jun tzo'n̈ xo chon̈ab', yuj wal smul win Jeroboam 'ix ya'chi. Yuj winac, 'ix 'och qui mulec, xchi win Ahías.

A Ch'an̈ B'ab'el Libro Yic Yab'ixal Eb' Rey 12:32

Xlajw cha, snan Jeroboam jun q'uin̈ 'a yic olajn̈e yoch swajxquil 'uj yic junjn ab'il, 'icha jun q'uin̈ tz'ec' 'a chon̈b' Judá. 'Ix ya'n q'ue xajmb'al 'a yib'n̈ yet'l xajmb'al. 'Ixta pax sb'o 'a chon̈b' Betel, 'ix yac' xajmb'al 'a jun tzo'n̈ yechl quelm wacx 'ix sb'o'o. An̈jtona si'n pax 'och eb' yit chon̈b' ya'malc 'och sti eb' 'anma chi 'a jun tzo'n̈ yechl scomn diosal cha, sec a eb' tztan̈wni sdiosal eb' chi 'a yatutal 'a lum jolmctac witz cha.

Dt 33:11

Mamin Jehová, 'ac' a yaxilal 'a yib'n̈ eb', tzchan cab' a c'ojl tas tzyac' eb' 'ayach. Tza mac' wecchjoc sb'acl yich spatc eb' 'ajc'ojl yajch 'a eb', sec man̈xtzac stac' yi'nchan̈ sb'a eb' tzchichn 'och 'a eb' cha, xchi.

Is 24:20

'Oj 'ec' ch'umch'noc lum 'icha junc 'u'm 'an̈. 'Oj 'ib'xoc lum 'icha junc pat tz'ib'x yuj 'ic'. Yujto a smul eb' 'anma', caw 'ec'b'al xo 'a yib'n̈ lu'um, yuj cha, 'oj telwc can 'ejmi, man̈x 'a b'a'n̈ 'oj q'uex wa'an.

Miqueas 1:5

'Oj ujc smasnil jun tzo'n̈ tic, yuj wal spitl eb' yin̈tl Jacob, yuj pax tas maysch'olnil 'ay 'a yol smacb'en Israel. Yujto 'a stenmtacl eb' yin̈tl Jacob cha, ata tzcheclj 'a chon̈b' Samaria. Ax 'a Jerusalén ata tzcheclj smul eb' 'aj Judá yic tz'och eb' 'emmquilal 'a jun tzo'n̈ comn dios.

Pr 24:16

yujto wach'xam tzcotcn 'a yib'n̈ eb' uc 'ejmoc, an̈jtona uc 'ejm 'oj q'uex wan eb'; a pax eb' tzb'on maysch'olnil jun, 'oj cotcn 'a yib'n̈ eb' 'a jun 'ejmn̈ej.

Am 5:1

Ex wit israelal, 'ab'c wal in paxti yic cusc'ojlal tzwalcn 'el 'a eyib'an̈: