Am 8:12 - Chuj San Sebastian Bible

¹² 'Oj oyb'xoc 'ec' eb' 'anma sayn 'ec' mach tzaln 'el in paxti'. 'Oj 'at eb' 'a sti a Mar Muerto, masnto 'oj c'och eb' 'a sti a Mar Mediterráneo. 'Oj 'ec' eb' 'a schan̈paq'uil yolyib'n̈q'uinal, palta may mach 'oj 'ilchjoc yuj eb'.

Chuj San Mateo Bible

¹² A eb' anima, toxon̈ej ol b'eyec' eb' sayanec' mach tz'alan in lolonel. Ol b'at eb' d'a stitac a' mar Muerto, masanto ol c'och eb' d'a stitac a' mar Mediterráneo, ol ec'chaj eb' d'a schan̈il pac'an̈ yolyib'an̈q'uinal, palta malaj mach ol ilchaj yuj eb'.

Am 8:12 Referans Kwoze

Mt 12:30

A mach man̈ 'ayc 'och wet'oc, 'ajc'ojl yajch 'ayin. Ax mach matz molb'tzan eb' 'anma wet'oc, a tz'a'n sactzic eb'.

Dn 12:4

Palta ach tic Daniel, 'a'cn 'och seyoal jun libro tic, tza moln cani, masnto 'oj jawc jun slajb' tiempoal cha. Til wal eb' 'anma ji'lti 'oj 'ec' 'a tic, ji'lti 'oj 'ec' 'a cha, yic tzsayn 'ec' eb' tas tzuji, yujto caw 'oj niwtjoc jelnal 'a jun tiempoal cha, xchi jun ángel chi 'ayin.

Pr 14:6

Toto tzqui b'an̈c qui b'a, wach'xam tzqui sayc 'ec' jelnal, palta matz 'ilchj cujec; ax toto wach' qui nab'enec, caw yajn̈j cha, tz'ilchj jelnal chi cujec.

Ez 20:31

A yic tzeya'n e xajmb'al, 'ipn eyixtn 'el e b'a, yujto a eb' eyunnal tzeyac' tz'a xajmb'al-l 'a jun tzo'n̈ yechl comn dios. Ax tz'aji, tzex cob' jawc wul e c'anb'c e b'a 'ayin. Wal yel ma'oj in ta'w xon 'ayex.

Ez 20:3

Ach 'anma', al yab' eb' yichm wincal chon̈b' Israel tic, to an Jehová Yajl in, an tzwal 'ixtc 'a eb': ¿Tom cob' tzex jaw wul e c'anb'c e b'a 'ayin? Palta wal yel an Jehová in, an tzwala, ma'oj in ta'w xon 'ayex, xchi Dios, xa chi 'a eb'.

A Ch'an̈ B'ab'el Libro Samuel 3:1

A quelm Samuel an̈ja ya'n servil Jehová 'a yaln̈ schecnb'il win Elí. A 'a yic jun tiempoal cha, man̈x 'a mach 'aj tzcomn paxtin Jehová; man̈x 'a 'aj tzcomn ch'oxj sb'a 'a 'icha waychil.

Pr 29:18

A 'aj matz 'ab'x spaxtin eb' schecb' Dios, tzb'on̈j eb' 'anma smasnil maysch'olnilal, palta ax eb' yiclum 'a sley Dios, caw wach' yic eb'.

Pr 1:28

A wal 'a jun c'ul cha, 'ojt cob' e c'an in colwal, palta man̈x 'oj in ta'w 'ayex; 'ojt cob' eyal e b'a 'ayin, palta man̈x 'oj wab' tas tzeyala,

Os 5:6

'Oj eyac' e calnelu yet' e wacx xajmb'al-l 'ayn an Jehová in yuj e c'ann in colwal, palta man̈x 'oj wab' tas tzeyala, 'oj wi'l in b'a 'a e cal.