Am 6:7 - Chuj San Sebastian Bible

⁷ Ax tic, 'oj e b'ab'l 'ijx 'at 'icha presoal 'a jun tzo'n̈ chuc chon̈b'al. 'Oj sat 'ejm jun tzo'n̈ e q'uin̈ 'aj tzlaj ex b'uylji cha.

Chuj San Mateo Bible

⁷ A ex tic, b'ab'el ol ex b'atcan preso d'a ch'oc chon̈ab'il, icha chi' ol aj slajviel e q'uin̈ b'aj tzex b'ulb'ulan chi'.

Am 6:7 Referans Kwoze

Am 7:11

Tz'ec' yal-l win 'a qui calc 'ixtic: 'Oj cham Jeroboam yuj q'uen espada, ax yijx can 'at smasnil eb' quit israelal 'icha presoal 'a chuc chon̈b'al, xchi Amós cha, xchi Amasías.

Am 5:5

Man̈ ex 'at 'a chon̈b' Bet-el, yet' 'a Gilgal, man̈ ex 'ec' pax 'a Beerseba. A eb' 'aj Gilgal, yowlal 'oj 'ijxoc 'at eb' 'icha presoal 'a chuc nacion̈al, ax Bet-el, caw 'oj lan̈chjoc can 'ejmi, xchi Dios.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Am 7:17

Yuj cha, atn jun tzo'n̈ tic tzyal Jehová 'ayach: Wal 'a sat eb' chon̈ab' ax yoch 'ix estzil 'ajmul 'ixal. Ax eb' onnal yet' eb' esil, 'oj tzu'xoc cham eb'. 'Oj pojxoc 'ec' lum a lu'um. Ach xo ach tic, a 'a slum eb' chuc chon̈b'al, ata 'oj a chami, ax eb' et israelal, caw najt 'oj 'ijxoc 'at eb' 'icha presoal, xchi Dios 'ayach.

Am 5:27

Yujto xe b'eylb'ej sb'eyb'al eb' cha, yuj cha, 'oj ex wa'cn 'at 'icha presoal 'a spatquil 'at Damasco. 'Ixta wal tzwutj waln an Jehová in b'i tic, tztac' wuj smasnil, xchi Dios.

Is 21:4

Caw somchjnac in nab'en, tu tz'aj in c'ojl yuj tas 'ay smay. May xon tas tzin na 'a junjn yemc'ual yic tzsicb' yoc c'u, palta ax ticnec, 'ix smeltztej 'och sb'a 'a xiwc'ojlal 'ayin.

Ester 5:8

Toto yel 'ay a chamc'ojlal 'ayn mamin rey, tzyaln̈j a c'ojl a'n tas tzin c'ana, scha cab' a c'ojl a cotx q'ui'n jun 'ejm xo yet' win Amán yic tzex wa wet'oc, yujto caw niwn el'ch 'a in sat. At q'ui'n chi 'oj wal 'ayach tas tzin nib'j in c'an 'aych mamin rey, xchi 'ix.

Dt 28:41

'Ay eyunnal, ay eyisil, palta may eb' 'oj 'ochwan eyet'oc, yujto 'oj 'ijxoc 'at eb' 'icha presoal 'a junc xo nacion̈.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Is 24:8

Man̈x 'a q'uin̈ 'a 'aj tzlaj c'an̈ tinab', yet' arpa, caw man̈x 'a stzaljc'ojlal eb' tzsonn yet' jun tzo'n̈ yamc'ab' cha.

Am 4:3

An Jehová in, an tzwala, to caw stzol-l 'oj eyaj eyijx 'el 'a 'aj 'oj ma'xoc 'ejm lan̈chjoc jun tzo'n̈ n̈a cha, ax e julx can 'at 'a caw najt cha.