Am 6:3 - Chuj San Sebastian Bible

³ Ax tic matz e na wal jab'oc, toto wan sjaw jun c'u yic yailal. Palta yuj tas tze b'o'o, yuj cha, tzla'nb'i e q'uinal.

Chuj San Mateo Bible

³ A ex tic, malaj e gana tze na'a tato van sja jun sc'ual yaelal, palta a yuj tas tze c'ulej, van slac'anb'i ul jun sc'ual yaelal chi'.

Am 6:3 Referans Kwoze

Am 9:10

Palta smasnil eb' maysch'olnil 'a scal eb' in chon̈b' tic, 'oj tzu'xoc cham eb' yet' q'uen espada, atn smasnil eb' tzaln 'ixtic: A jun tzo'n̈ yailal cha, ma'oj jawc 'a quib'n̈ec, ma'oj qui yamchj yu'uj, xchi cob' eb', xchi Dios.

Is 56:12

Tzlaj yaln eb' 'ixtic: Coyc qui say jac can̈, a cab' te caw ow tzqui sayc 'eq'ui, sec tzq'ue te 'a qui jolmec. Tzcu'nec pax te 'an̈ chi q'uic'an, yab'n 'icha hora tic. 'Oj cu'c 'icha tzcutjec cu'n ticnec, mto yel xo wal 'oj 'ec' 'a yib'n̈ cu'nec ta', xchi eb', xchi Dios.

Ez 12:27

Ach 'anma', a eb' et israelal cha, tzyal eb' 'ixtc yuj tas xin ch'ox ela', mto 'a tas tzwac' al 'a eb'. ¿B'a'n̈ xom yuj jun tzo'n̈ cha? xchi eb'.

A Schab'il Carta San Pedro 3:4

'Oj yal pax eb' 'ixtic: Ya'jnac can Cristo sti', chajtlto 'oj jawc paxi, palta ¿'in 'ajm 'ay ticnec? Niwnoc cob' stan̈wjnac eb' qui mam quichmec, palta chamnc pax eb'. 'Iltec, 'ichan̈ej yaj smasnil tas yictax sb'o yolyib'n̈q'uinl tic, an̈ja 'ixtan̈ej yaj pax ticnec, palta an̈ja may mach tzjawi, 'oj schic cob' eb'.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Mt 24:48

Palta toto maysch'olnil snab'en eb' moso cha, tzcob' sna eb', to ma'oj jawc win patron̈ chi muc'uc.

Am 3:10

A Jehová a tzaln 'ixtic: Caw man̈ yojcoc eb' sb'on jac tas tojol. A 'a yol yatut eb', ata molb'il tas ton̈j tzyij 'ec' eb' 'a eb' 'anma', xchi.

Ez 12:22

Ach 'anma', ¿tas yuj tzyal eb' et israelal jun spaxti tic? 'Ipn yec' tiempo, ax tas alb'il can yuj eb' schecb' Dios, 'in matz 'el'chi, xchi jun spaxti eb' cha.

Apoc 18:17

Palta junn̈j wal rato, c'uxn xlajw 'ejm smasnil sricoal tic, 'oj schic eb'. Jantcn̈ej eb' yajl barco, yet' eb' ajun 'a yojol, yet' eb' tzmunlj yet' syamc'ab'il barco, yet' jantcn̈ej eb' tzmunlj 'a a mar, c'uxn xcan eb' smasnil 'a najat.

Am 6:12

¿Tom tztac' sb'ey q'ue no chej 'a sat tenam? ¿Tom tztac' yoch munljel 'a yib'n̈ a mar yet' q'uen arado? Palta ax xo tic, xe jelmtej 'och tojlal 'a 'ixtj 'anma'il, caw tu tzyab' eb' 'anma yuj tas tzeyutj e b'on yaj eb'.

Am 5:18

'Oltac wal eb' tznib'j tzjaw jun c'u yic yowl sc'ojl Jehová. ¿Eyojc am wal tas 'oj jawc 'a eyib'n̈ 'a jun c'u cha? A wal 'a jun c'u cha, q'uic'q'uinl xoj 'oj 'ajoc, man̈x 'a sacq'uinal.

Am 5:12

Wojtac jantc maysch'olnil tz'el e b'oni. Man̈x 'a slajb' jun tzo'n̈ e mul cha. Caw tzeyixtj eb' wach' snab'en, tze chan q'uen c'ultac tumn yuj junc tas man̈ wach'c tzeyutj e b'onyaji. A 'a e despacho, ata tzeya'cn 'och 'a yib'n̈ eb' meb'a 'anma to wach' snab'en.

Is 47:7

'Ix aln 'ixtic: An tic yajl in 'a smasnil tiempo, xa chi. May wal jac xa na 'a yib'n̈ jun tzo'n̈ tic, ma'ix nachj 'el o'oj tas 'oj aj 'el'chi.

Ec 8:11

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Salmos 94:20

Ach tic Mamin, matz a nib'j to junn̈j aj yet' eb' yajl to maysch'olnil tzyutj yiln yopiso. Man̈ wach'c tzyutj eb' sb'on yaj junc tas 'icha yaln ley.

Lm 4:5

'Ay wal eb' 'anma caw 'ay tas tzc'ux xon 'a pecti', ax ticnec, wan scham eb' yuj wejl 'a yoltc caye. A eb' xq'uib' 'a yol n̈a caw wach' yilxi, ax ticnec, ata cajn eb' 'a 'aj tzjulx 'el c'alem.

Ez 23:42

'Ay pax nan̈l eb' 'anma xchan sq'uin̈l jun chi yet' eb' 'ix, til wal yel yaw eb', atn eb' comn winc 'u'm 'an̈ xlaj cot 'a lum cusltac lu'um. 'Ix ya'ch ewin jun tzo'n̈ q'uen brazalete 'a sc'ab' eb' 'ix, xya'n q'ue ewin jun tzo'n̈ corona wach' yilx 'a sjolm eb' 'ix.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Am 3:9

Alc 'el jun tzo'n̈ tic 'a scuartel Asdod, yet' 'a jun tzo'n̈ cuartel 'a Egipto: Cotn̈ec 'a lum jolmctac witz 'a Samaria. 'Iltec wal tz'aj somchj chan̈ eb' 'anma yuj yixtm 'anma'il, xe chi.