Am 6:13 - Chuj San Sebastian Bible

¹³ Ax tic, caw tze b'an̈ e b'a, yujto 'ix 'ejm jun yune chon̈b' Lodebar eyu'uj, palta toc 'ay jac yel'chi, tzeyaln cob'i, to caw tztac' eyu'uj, yic 'ix eyi'n 'ec' chon̈b' Carnaim.

Chuj San Mateo Bible

¹³ A ex tic, toxon̈ej tzeyic'chan̈ e b'a, yujto ix telvi chon̈ab' Lodebar eyuuj, palta tocval ay jab'oc yelc'ochi. Tzeyalanpaxi to syal eyuuj, yujto ix eyic' yune' chon̈ab' Carnaim.

Am 6:13 Referans Kwoze

Santiago 4:16

Palta 'ayx ton̈j tzeyij chan̈ e b'a, tze b'an̈n e b'a. Jantcn̈ej eb' 'ixta tzyutj sb'an̈n sb'a, maysch'olnil tzyutj sb'a eb' 'a sat Dios.

A Ch'an̈ Schab'il Libro Yic Yab'ixal Eb' Rey 14:25

'Ix yi'n can pax 'ec' Jeroboam smasnil lum slum chon̈b' Israel 'e'nc yuj jun tzo'n̈ xo nacion̈ 'a yaln̈taxi, schaj 'at 'a 'aj tzon̈ 'och 'a Hamat, masnto 'a a mar yic Arabá, 'icha yutjnac yaln Jehová sDiosal chon̈b' Israel 'a Jonás atn jun schecab', win yunnal Amitai 'aj Gat-héfer.

Apoc 11:10

C'uxn 'oj laj tzaljc eb' 'anma 'a yolyib'n̈q'uinal, yujto 'ix cham eb'. 'Oj laj ya'lac eb' siylab' 'a scal. Caw 'oj tzaljc eb', yujto caw tzyab' eb' syal yuj chawn̈ eb' schecb' Dios cha.

Jn 16:20

Wal yel tzwal 'ayex, 'oj e cusi, 'oj eyoq'ui. Ax eb' yic yolyib'n̈q'uinl tic, 'oj laj tzaljoc eb'. 'Oj e cus toni, palta a jun e cusc'ojlal cha, 'oj meltzjoc 'och tzaljc'ojlal 'ayex.

Sofonías 3:11

Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Jonás 4:6

Ax Jehová Dios 'ix 'a'n q'uib' jun 'ib'n̈ te tz'usup. A jun te cha, 'ix q'uib'i, xya'n yen̈l 'a Jonás. Caw wal xtzalj yet' jun te cha.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Jeremías 50:11

Ax wal ax tic ex 'aj Babilonia, caw ex tzalji yic xeyelc'n 'at smasnil tas 'ay 'a eb' in chon̈ab'. Caw ex b'atj chan̈ 'icha junc no quelm wacx tzte'w trigo, tzeya'n 'el eyaw 'icha yoc' no chej.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Is 8:6

Yujto 'oj tzaljoc eb' 'anma tic yuj tas 'oj 'aj win Rezín yet' win yunnal Remalías, yuj cha, ax schacn can 'el eb' 'anma tic a a 'ay 'a Siloé, a caw c'un sb'ey lab'b'oc.

Is 7:4

ata tzal 'a win 'ixtic: Tzel wal a b'a, man̈ ach 'och 'il, man̈ a comn xib'tc a b'a yuj win Rezín yet' eb' 'aj Siria, yet' pax win yunnal Remalías, yujto caw wal tzowx 'och eb' 'ayach. A eb' cha, lajn eb' 'icha chab'oc cuxc'ac' ton̈j tztab'lani.

Is 7:1

A yic 'aych win Acaz reyl 'a Judá, win yunnal Jotam, yixchicn Uzías, ata x'och jun owl 'a Jerusalén yuj win Rezín sreyl Siria, yet' yuj win Peka, yunnal Remalías, sreyl chon̈b' Israel. Snib'j ewin to xyac' 'ejm chon̈b' Jerusalén, palta ma'ix stac' yuj ewinac.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Job 31:29

May 'aj in tzalji yic x'och syailal eb' 'ajc'ojl yajch 'ayin, may 'aj in tzalji yic xlaj jaw syailal eb' 'a yib'an̈.

Job 31:25

May xon 'aj xin nib'j tzin 'och ricoal, may 'aj xin nib'j to tzniwtj in tumin.

Job 8:15

Q'uinloc cob' 'ay mach tznib'j can yamn 'a junc ch'alxim cha, toc 'ay yip jun cha; q'uinloc tzon̈ can t'un̈n 'a 'a, ¿tom ma'oj t'ucchjoc?

A Ch'an̈ Schab'il Libro Yic Yab'ixal Eb' Rey 13:25

'Ix yi'n can pax 'ec' Joás jun tzo'n̈ chon̈b' yijnac 'ec' Hazael 'a Joacaz. 'Ox 'ejm 'ix 'ajx ganar Ben-adad yu'uj, 'ixtnta 'ix yutj scoln can 'el jun tzo'n̈ chon̈b' cha.

A Ch'an̈ B'ab'el Libro Samuel 4:5

A yic xc'och eb' yet' te caxa chi 'a camplamento cha, 'ix q'ue b'uynjoc smasnil eb' soldado israel chi ya'n 'el yaw yuj tzaljc'ojlal, caw 'ix ta'w lum lum yuj yaw eb' cha.

Jueces 9:27

'Ix 'elt eb' 'a spatquil chon̈b' chi sayj sat uva, spitz'n 'el eb' yalil te', sb'on eb' te yal uva chi yuc'. Xya'n 'och eb' jun q'uin̈ yet' wa'el. 'Ix 'och pax eb' wac 'a yol yatutal sdiosal eb' cha. Xlaj yu'nc eb' yal uva jawnc sti', axta xyalcn eb' tu paxti 'a yib'n̈ Abimelec.

Job 8:14

A tas cob' 'aych yipc sc'ojl eb' cha, lajn 'icha jun tzo'n̈ ch'alxim.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

Salmos 75:4

Tzwal 'a eb' tzb'an̈ sb'a, yet' 'a eb' maysch'olnil tas tzb'o'o, to matz tac' sb'an̈n sb'a eb', matz tac' pax yi'n chan̈ sb'a eb'.

Salmos 75:5

Matz b'inax cab' eb' yuj tas tz'el sb'oni, man̈ cab' sb'an̈ sb'a eb' spaxtini, xa chi.

Zacarías 1:19

Xlajw cha, xin c'anb'n 'ixtc 'a jun ángel tzpaxtin wet' cha: ¿Tas tzyal 'el'ch chan̈e ch'ac cha? xin chi 'a 'a. 'Ix yaln 'ayn 'ixtic: A chan̈e ch'ac cha, tzch'ox yipl jun tzo'n̈ nacion̈ 'a'jnac sactzic eb' 'aj Judá, eb' 'aj Israel yet' eb' cajn 'a chon̈b' Jerusalén, xchi.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Ez 29:9

'Oj can a chon̈b' chi 'a cusltaquil, ax yojcan 'el eb' 'anma', to an Jehová in, an 'ixta tzach wutej, yujto 'ix ala to ec a Nilo, ach xa b'o a alni.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.