Am 5:2 - Chuj San Sebastian Bible

² A qui chon̈b'ec tic, lajn wal 'icha junc 'ix cob's 'ix tzecx can telwoc. Man̈x 'a tz'aj sq'ue wa'an. Yujto x'actx can sch'ocoj, man̈x 'a mach tz'i'n chan̈ 'a sat lu'um.

Chuj San Mateo Bible

² A co chon̈ab' tic, toxo ix lajviel yuj oval. Lajan icha junoc ix cob'es ix, ix lajvi yuj q'uen espada, ix can telan d'a sat sluum, malaj mach scolani yic sq'ue vaan. Ix actajcan sch'ocoj d'a slugar, malaj mach tz'ic'anq'ue vaan.

Am 5:2 Referans Kwoze

Jeremías 14:17

Yuj cha, al jun tzo'n̈ a cusc'ojlal tic 'a eb' chon̈b' chi 'ixtic: Sc'ual, yac'wlil cab' yel yal in sat woq'ui, matz 'och wan xon cab' yeli, yuj wal jun yailal 'ay xo smay xjaw 'a yib'n̈ eb' wit chon̈ab', yuj jun yailal tz'a'n lajwc eb'.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Am 8:14

'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Jeremías 51:64

tzaln 'ixtic: 'Ixtc wal 'oj 'aj yejm Babilonia. Man̈x 'a b'a'n̈ 'oj q'uex wan jun 'ejm xo, yuj jantc yailal 'oj jawc 'a yib'n̈ yuj Jehová, xa chi, xchi Jeremías. Atn 'a tic tzlajw can c'och spaxti Jeremías.

Jeremías 50:32

Ex 'anma to cob' tzeyij chan̈ e b'a, 'oj e telwi. Man̈x 'a mach 'oj e si'n cha'an̈. 'Oj in n̈us smasnil e chon̈ab', ax jun c'ac' chi 'oj n̈usnc smasnil tas 'ay 'a spatquil 'eli, xchi Dios.

Jeremías 31:4

'Oj ex wi' chan̈ jun 'ejm xo. 'Oj e b'atj chan̈ pax yuj tzaljc'ojlal jun 'ejm xo yet' e pandereta.

Jeremías 18:13

Xlajw cha, 'ix yaln pax Jehová 'ixtic: C'anb'j 'ec' 'a scal jun tzo'n̈ nacion̈, toto 'ay 'aj tox 'ix 'ab'x jun tzo'n̈oc paxti 'icha jun tic. A eb' et israelal tic, 'ay wal jun tas yel xo tu 'ix sb'o eb'.

Jeremías 4:20

Caw tzoltzni sjaw yab'xil yailal tzlaj uji. Smasnil jun nacion̈ tic, caw tox 'ix 'ixtx 'eli. Wal 'a yajn̈ej xma'x 'ejm lan̈chjoc watut, caw x'ixtx 'el 'aj tzin 'ec' cajan.

Jeremías 2:27

'In tzeyal 'a junc te te 'ixtic: Ach tic, qui mam ach, xe chi. Tzeyaln pax 'a junc q'uen q'ue'en: Ach tic, qui nun ach, xe chi paxi. Ax 'ayin, a yich e patc tzeya'cn coti, man̈xtzac ex cot q'ueln 'ayin. Ax 'a yic tzjaw tzann̈j yab'ilal 'a eyib'an̈, tzeyaln 'ayn 'ixtic: ¡Cotan̈, colwjan̈ quet' on̈! xe chi.

Is 43:17

'Ix yac' 'eltoc jun b'uln̈ eb' soldado, yet' eb' scaruaje, yet' pax eb' schej, palta 'ix satl eb' yu'uj. 'Ix telw can 'ejm eb', man̈x 'ic stac' sq'uex wan eb', 'ix satl eb' 'icha tz'aj stup sc'a'l junc cantil.

Is 37:22

Yuj cha, xyaln Jehová jun tzo'n̈ paxti tic 'ixtc 'a yib'n̈ win sreyl Asiria cha: A eb' 'ix cob's 'ix 'aj Sión, ton̈j 'oj tzewjc eb' 'ix 'aych ach Senaquerib. A eb' 'aj Jerusalén 'oj ach sb'uch eb', ax spax ch'umnjoc eb' 'ayach, yic 'oj a meltzj 'a a patquil.

Is 24:20

'Oj 'ec' ch'umch'noc lum 'icha junc 'u'm 'an̈. 'Oj 'ib'xoc lum 'icha junc pat tz'ib'x yuj 'ic'. Yujto a smul eb' 'anma', caw 'ec'b'al xo 'a yib'n̈ lu'um, yuj cha, 'oj telwc can 'ejmi, man̈x 'a b'a'n̈ 'oj q'uex wa'an.

Is 14:21

B'o cab' yet'l 'aj tzmilx cham eb' yunnal, 'oj cham eb' 'unnab'il chi yuj smul smam yicham, man̈x 'oj scaj eb' lum lum tic, sec wach' man̈x 'a 'anma 'oj yixtc eb', man̈x 'a junc chon̈b' 'oj b'ut'joc 'el yuj eb' 'a yolyib'n̈q'uinl tic, xchi jun poesía tic.

Is 3:8

Man̈x 'a swach'l yilx Jerusalén, ax Judá 'oj sat 'ejmi, yujto a tas tzyal eb' 'anma', yet' tas tz'el sb'on eb', a chi tz'och 'ajc'ojlal 'a Jehová. Atn jun tzo'n̈ chi tzuntzn cot yowal.

A Ch'an̈ Schab'il Libro Yic Yab'ixal Eb' Rey 17:16

'Ix yactn can eb' smasnil schecnb'il Jehová sDiosal, sb'on eb' chawn̈ yechl wacx tenb'il b'o'oc, sb'on pax eb' jun sch'oxnb'il sdiosal tzcuch Asera, 'ix 'och eb' 'emmquilal pax 'a jun tzo'n̈ c'anal yet' 'a Baal.

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

Jeremías 8:4

Ach Jeremías, al jun tzo'n̈ in paxti tic 'a eb' et chon̈b' tic, an Jehová in, an tzwal 'ixtic: Q'uinloc 'ay junc mach tztelwi, tzq'uexwan jun 'ejm xo. Q'uinloc 'ay junc mach tzsat 'a junc b'e, tzmeltzj pax 'a spatc jun 'ejm xo.

Jeremías 9:9

¿Tom man̈ smojc wa'n syailal eb' yuj tas tzb'o cha? An Jehová in, an tzwala, to caw smoj wa'n spac 'a junc chon̈b' 'ixta tzb'o'o, xchi Dios.

Jeremías 9:21

A chamel, tox 'ix 'och 'a yol catutec, tox 'ix c'och 'a yol despacho. Tzlaj cham eb' 'unn 'a yoltc caye, ax eb' quelmtac, tzlaj cham eb' 'a yol chon̈ab'.