Am 4:5 - Chuj San Sebastian Bible

⁵ 'A'c tz'a 'ixm pan may yich ofrendail yuj e alj yuj diosal. Alc 'el 'a scal smasnil 'anma', yuj jantc eyofrenda tz'el wal 'a e c'ojl eya'ni, 'in a chi caw tze nib'j e b'o'.

Chuj San Mateo Bible

⁵ N̈usec ixim pan ay yich d'a ofrendail yuj e ac'oj yuj diosal. Alequel d'a scal anima yuj jantac eyofrenda tz'el d'a e c'ool eyac'ani, yujto icha chi' e gana tze c'ulej.

Am 4:5 Referans Kwoze

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.

Salmos 81:12

Yuj cha, xwa'n can 'at eb' 'a scal stenmtaquil, 'ix ya'n eb' sgana 'icha tznib'ej.

Mt 6:2

Yuj cha, a yic tzex colwj 'a eb' meb'a', man̈toc c'uxn tzeyal yab' eb' 'anma yuj tas tze b'o'o. Yujto a eb' chab'sat yaji, 'ixta tzlaj sb'o eb' 'a yol jun tzo'n̈ scapiya, yet' 'a yol caye, sec tzlaj yal eb' 'anma wach'l eb'. Wal yel tzwal 'ayex, tox schaj eb' spac jun swach'l cha, toxn may spac 'oj scha eb' 'a Dios.

Os 9:1

Ex wit israelal, man̈ ex tzaljoc, man̈ ex q'ue b'atnjoc e tzalj 'icha tzyac' eb' chuc chon̈ab', yujto xeyactjcan qui Diosal, 'icha tzyutj eb' 'ix 'ajmul 'ix yactn can yichmil. Caw wal tzex tzalj e ch'oxn e chamc'ojlal 'a Baal, yu'uj wach' tz'aj sat smasnil tas 'awb'il eyuj eyalni.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Mt 23:23

Ax cuywjum ex 'a ley yic Moisés yet' ex fariseo, caw 'oltac ex, caw chab'sat ex. Cob' tzeyac' sdiesmoal jun tzo'n̈ te 'alwena, jun tzo'n̈ te 'anix, yet' jun tzo'n̈ te comino. Palta ax jun tzo'n̈ schecnb'il Dios niwn yel'chi, matz eyiclej. A jun tzo'n̈ checnb'il chi tzalni, to yowlal tojl tzcutjec qui b'a, tz'o'ch qui c'ojlec 'a eb' quit 'anma'il, tzca'nec 'och pax qui c'ojl 'a Dios. Palta 'in may yel'ch jun tzo'n̈ tic 'a e sat. Octom tzeyiclj jun tzo'n̈ tic, tze b'on pax jun tzo'n̈ xo cha.

Mt 15:9

Nab'an̈ej tzcob' yal sb'a eb' 'ayin, palta cojn jun tzo'n̈ checnb'il tzlaj spitz chan̈ eb' 'anma', a chi tzyac' eb' cuyxoc, xchi Dios 'a Ch'an̈ U'un̈, xchi Jesús 'a ewinac.

Lv 23:17

Junjn n̈a'il tzyij cot chab'oc 'ixm niwc pan ofrendail, 'ixm wach' yaj sb'o 'a 'ixm 'ac' harina, tz'em yich, chan̈e libra harina tz'och 'a jun jun. A jun cha, ofrenda tz'ajx 'och 'a wojltac an Jehová in, yuj sb'ab'l sat 'awb'en.

Jeremías 7:9

Tzex 'elc'wi, tzex milw cham 'anma', tze b'on 'ajmulal, tzeya'n cob' e ti 'a tas man̈ yeloc, tzeya'n tz'a incienso 'a jun comn dios tzcuch Baal, tzeya'n 'emmquilal 'a jun tzo'n̈ xo comn dios to may 'aj 'ix colwj 'ayex.

Jeremías 7:10

Tzlajw cha, tzex jab'x 'a wojltac 'a in cajnub', tzeyaln 'ixtic: May 'oj qui'nec, xe chi. Tzeyamn 'och e b'on pax smasnil maysch'olnil to caw matz chaj in c'ojol.

Am 5:21

Yuj cha xyaln Dios 'ixtic: Caw tzin yaj jun tzo'n̈ e q'uin̈ tzlaj eya'chi. Matz in nib'j jun tzo'n̈ eyamnil to caw niwn yel'ch eyalni.

Am 5:22

Matz in nib'j jun tzo'n̈ e xajmb'al tzeyac' 'ayin, yic cob' tzin eyi'n chan̈ eyalni. Matz in nib'j pax 'ixm trigo tzeyac' eyofrendaoc. Matz in chaj pax no quelmtac wacx caw b'a'ch tzeyac' xajmb'al-l 'ayn yic junc'ojlal.

Is 1:1

An Isaías tic, yunnal in Amoz. 'Ix alx jun tzo'n̈ paxti tic 'ayin yuj tas 'oj jawc 'a yib'n̈ eb' 'aj Judá yet' eb' 'aj Jerusalén, atn 'a yic x'ec' ewin tic reyl 'a Judá: Ozías, Jotam, Acaz yet' pax Ezequías, ata 'ix yal Jehová 'ixtic:

Is 1:11

'Ix yal Jehová 'ixtic: A jun tzo'n̈ e xajmb'al tzjaw ch'ucn 'a wojltac, man̈x 'a tz'och wu'uj. 'Ix q'ue syoch'l no calnelu tzeyac' xajmb'al-l 'ayin, yet' xepual no noc' caw b'aq'uech. Man̈xtzac in nib'j schic'l no quelm wacax mto yic no mam calnelu yet' yic no chiwo.