Am 1:9 - Chuj San Sebastian Bible

⁹ Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Chuj San Mateo Bible

⁹ A Jehová tz'alan icha tic: Man̈ jantacoc chucal ix sc'ulej eb' aj Tiro, yuj chi' yovalil ol vac'och syaelal eb', yujto masanil anima cajan d'a juntzan̈ chon̈ab' yic Israel ix schon̈b'at eb' checab'vumal d'a Edom, majxo snacot jab'oc sti' yac'nac yed' eb' d'a amigoal.

Am 1:9 Referans Kwoze

A Ch'an̈ Schab'l Libro Samuel 5:11

A Hiram win sreyl Tiro, 'ix ya't eb' smunljum 'a David: atn jun tzo'n̈ eb' josm te', yet' pax jun tzo'n̈ eb' tzeym q'ue'en. Xyi'n eb' jun tzo'n̈ te c'ute', xlajw cha, sb'on chan̈ eb' yatut David.

Mt 11:21

—A wal ex 'aj Corazín, caw 'oltac ex. Yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix snajnac sb'a eb'. Tox 'ix ya'ch eb' jun tzo'n̈ pichl n̈achtac. Tox am 'ix yac' q'ue eb' stan̈l c'ac' 'a sjolom, sec tzcheclji, to caw tzcus eb' yuj smul.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Am 1:6

Xyaln pax Jehová 'ixtic: A wal eb' 'aj chon̈b' Gaza, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto xyij 'at eb' smasnil eb' chon̈ab', axta schon̈ch eb' mosoal eb' 'a Edom.

Jeremías 47:4

Yujto xc'och sc'ul slajw 'el eb' filisteo, atn eb' tzcolwj to 'a chon̈b' Tiro yet' 'a Sidón, xchi Dios. A Jehová 'oj satnc 'el eb' filisteo, atn smasnil eb' cotnc 'a chon̈b' Creta 'a snan̈l a mar.

Jeremías 25:22

smasnil eb' rey 'a Tiro, 'a Sidón, yet' smasnil eb' rey 'ay 'a jun tzo'n̈ nacion̈ 'ay 'a sti 'a mar Mediterráneo.

Mt 11:22

Yuj cha, tzwal 'ayex, at 'a yic 'oj jawc jun c'u yic sb'eyc'ojlal Dios, yel xo wal niwn yailal 'oj 'ajxc 'ayx 'a yib'n̈ eb' 'aj Tiro yet' eb' 'aj Sidón.

Lc 10:13

A wal ex 'aj Corazín, caw 'oltac ex, yet' ex 'aj Betsaida, caw 'oltacx paxi. Octom a 'a Tiro yet' 'a Sidón b'ob'il jun tzo'n̈ milagro 'icha xb'o 'a e cal. Toto 'ixta', pectix am snajnac sb'a eb' 'anma cha. Tox am xya'ch eb' jun tzo'n̈ pichl n̈achtac, yet' stan̈l c'ac' tzyac' q'ue eb' 'a sjolom, sec tzcheclji, to caw tzcus eb' yuj smul.

Lc 10:14

At 'a yic 'oj jawc jun c'u yic sb'eyc'ojlal Dios, yel xo wal niwn yailal 'oj 'ajxc 'ayx 'a yib'n̈ eb' 'aj Tiro yet' eb' 'aj Sidón.

Salmos 83:7

eb' 'aj Gebal, eb' 'aj Amón, eb' yin̈tl Amalec, eb' filisteo, eb' 'aj Tiro,

Ez 28:18

Til wal 'anma xextj yet' tas xlaj a mana, yet' pax tas xlaj a chon̈o, xextn 'el pax jun tzo'n̈ yet'l a diosal. Yuj cha, 'ix wa'n 'elt jun c'ac' tzach 'a'n tz'a'oc, cojxn a tan̈il tzyil eb' 'anma 'a sat lu'um.

Abdías 1:11

A yic xma'x poj spuertail chon̈b' Jerusalén yuj eb' soldado chuc chon̈b'al, yic yijx 'elt smasnil sricoal jun chon̈b' chi yuj eb' 'ajc'ojl cha, ax xo tic, ton̈j ex 'och q'uelan. A yic xya'n 'och eb' 'ajc'ojl chi suerte 'a yib'n̈ smasnil tastc 'ay 'a jun chon̈b' cha, 'ix yi'n 'at eb' smasnil, ax tic, caw lajn xeyutj e b'a yet' eb' 'ajc'ojl cha.

Zacarías 9:1

Atn jun tzo'n̈ paxti tic 'ix yalcn 'el Jehová, chajtlto 'oj ya' cot yailal 'a yol yic lum Hadrac yet' 'a yib'n̈ niwquil chon̈b' Damasco. Man̈ocn̈ej smasnil eb' yin̈tl Israel tzmaclj Dios yila', palta tzmaclj pax yil smasnil eb' chuc nacion̈al.

Ez 27:1

'Ix yaln pax Jehová 'ayn 'ixtic:

Ez 27:27

A yic 'oj a satl cha, a 'a ricoal yet' smasnil chon̈ 'ayc' 'ayach, 'oj atcn 'a yich a mar, yet' eb' tz'i'n b'ey te barco cha, eb' tzch'umni, eb' nipn barco, eb' chon̈wjum, eb' a soldado yet' smasnil eb' ton̈j 'ayc' et'oc.

Ez 28:1

'Ix yaln pax Jehová 'ayn 'ixtic: