Am 1:7 - Chuj San Sebastian Bible

⁷ Yuj cha, 'oj wac' n̈usxoc tz'a smuroal Gaza cha. Ax jun c'ac' chi 'oj satnc 'el jun tzo'n̈ scuartel eb' soldado.

Chuj San Mateo Bible

⁷ Yuj chi' ol vac'och sc'ac'al smuroal Gaza chi'. A jun c'ac' chi' ol ac'an lajvoquel scuartel eb'.

Am 1:7 Referans Kwoze

Sofonías 2:4

A chon̈b' Gaza 'oj can 'a sictaquil, ax chon̈b' Ascalón, cusltac 'oj 'ajcni. C'ul wali, ax spechx 'el eb' cajn 'a Asdod, a pax eb' 'aj Ecrón, 'icha sto'x q'uet sch'an̈lyib' junc te', 'ixta 'oj 'aj eb'.

Jeremías 47:1

Atn wal jun tzo'n̈ paxti tic 'ix yal Jehová 'ayn an Jeremías in tic yuj eb' filisteo yic mantzac c'och win sreyl Egipto yac' owl 'a chon̈b' Gaza:

A Ch'an̈ Schab'il Libro Yic Yab'ixal Eb' Rey 18:8

'Ix 'ajx ganar eb' filisteo yu'uj, tz'atn̈j 'a jun tzo'n̈ cotc chon̈ab', masnto 'a jun tzo'n̈ niwc chon̈b' 'aych smuroal. Locn pax chon̈b' Gaza yet' smasnil 'aj tzc'och smacb'en.

Ro 12:19

Ex chamc'ojlb'il wu'uj, caw wal matz tac' qui pacnec qui b'a 'a junc mach. Yowlal tzqui tan̈wjec, sec mun a Dios 'oj 'a'nc syailal. Yujto yaljnac can Dios 'ixtc 'a Ch'an̈ U'un̈: An 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi Cajlilec.

Am 1:4

A ticnec, 'oj wac' n̈usxoc tz'a yatut eb' rey yin̈tl can Hazael. A jun c'ac' chi 'oj satnc 'el jun tzo'n̈ sdespacho win Ben-hadad.

2 Cr 26:6

'Ix 'at Ozías yac' owl yet' eb' filisteo, 'ix sma'n 'ejm lan̈chjoc smuroal chon̈b' Gat, Jabnia yet' Asdod. 'Ix sb'on chan̈ jun tzo'n̈ schon̈b' 'a yol smacb'en eb' 'aj Asdod cha, atn 'a scal eb' filisteo.

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

Jeremías 47:5

A smasnil eb' 'anma 'a chon̈b' Gaza, 'oj sjoxl eb' xil sjolm yuj cusc'ojlal, ax eb' 'ay 'a chon̈b' Ascalón, caw sictac xoj 'oj 'aj eb'. Ax xo cajn ex 'a span̈nil sti a mar, ¿b'a'n̈ 'oj eyoch wan eya'n lajwc e niwnal yuj e ch'oxn 'el e cusc'ojlal?

Ez 30:8

A yic 'oj wa'n 'och sc'a'l jun chon̈b' cha, ax slajw can pax 'ejm smasnil eb' 'anma tzcoln jun nacion̈ cha. 'Ixta to b'i'an, ax yojcan 'el eb' to an ton Jehová in, to cojn in ton Dios in.

Ez 39:6

'Oj wa' cot c'ac' 'a yib'n̈ a nacion̈, atn Magog yet' 'a yib'n̈ eb' chon̈b' tzaljc'ojlal yajc 'a sti a mar. 'Ixta 'oj 'aj yojcan 'el eb' chon̈b' cha, to an Jehová in, to cojn in ton Dios in.

Am 1:6

Xyaln pax Jehová 'ixtic: A wal eb' 'aj chon̈b' Gaza, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto xyij 'at eb' smasnil eb' chon̈ab', axta schon̈ch eb' mosoal eb' 'a Edom.

Am 1:8

'Oj in satl eb' cajn 'a chon̈b' Asdod, yet' eb' yajl yaj 'a chon̈b' Ascalón. Yet' wal smasnil in poder 'oj in c'och tza'njoc 'a chon̈b' Ecrón, man̈x 'a junc eb' filisteo chi 'oj canoc, xchi Jehová.