Am 1:14 - Chuj San Sebastian Bible

¹⁴ Yuj cha, 'oj wac' n̈usxoc tz'a smuroal chon̈b' Rabá, ax jun c'ac' chi 'oj satnc 'el scuartel eb'. Caw 'oj 'el yaw eb' yuj owal. A jun owl cha, 'icha wal junc niwquil 'ic', 'ixta 'oj 'aj sjawi.

Chuj San Mateo Bible

^14-15 Yuj chi' ol vac'och sc'ac'al muro d'a Rabá. A jun c'ac' chi' ol ac'an lajvoquel scuartel eb'. Ol el yav eb' van yac'an oval. A d'a scal oval chi' yed' oval ic' ol yamchaj vin̈ sreyal eb' yed' eb' soldado nivac yelc'ochi. Ol ic'jocb'at eb' preso d'a ch'oc chon̈ab'il, xchi Jehová.

Am 1:14 Referans Kwoze

Am 2:2

Yuj cha, 'oj wac' n̈usxoc tz'a chon̈b' Moab, ax jun c'ac' chi 'oj satnc 'el jun tzo'n̈ cuartel 'a Queriot. 'A scal 'aw yic owal, yet' 'a yic wan yutz'x trompeta, ax scham eb' 'aj Moab.

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Dt 3:11

(Cojxn win Og chi yin̈tl eb' 'anma niwc stel 'aycn 'a jun lugar cha. A scaxail b'ob'il, q'uenn̈ej smasnil, chan̈e metro yoc, jab'xoj man̈toc chab' metro sat, checl to yaj jun chi 'a chon̈b' Rabá 'a yol slugar eb' amonita.)

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

A Ch'an̈ Schab'l Libro Samuel 12:26

Ya' sb'a cha, ax Joab 'ix yac' owl yet' eb' amonita cajn 'a chon̈b' Rabá. A yic wan xo yoch 'a yol chon̈b' cha,

Zacarías 7:14

Yuj wal cha, xwa'n sactzic eb' 'icha tzyutj chacxuxm'ic' junc tas. 'Ix 'atcn eb' 'a jun tzo'n̈ nacion̈ to man̈ yojcoc eb'. Ax schon̈b' eb', cusltac x'ajcni. Man̈x 'a junc mach xcan cajn 'a 'a. A schon̈b' eb' cha, caw wach' yilxi, palta yuj smul eb' 'ix cancn 'a cusltaquil, xchi Dios.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Ez 25:5

A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.

Is 9:5

Ax smasnil xan̈b' eb' soldado yet' spichl eb' b'on̈xnac yuj chic', 'oj n̈usxoc tz'a smasnil.

Salmos 83:15

'Icha cab' sb'ey chacxuxm 'ic', 'ixta cab' tzotj a pechn b'ey eb' yet' yowl a c'ojol.

Job 39:25

A yic tz'oc' no cacha cha, tz'oc' pax no chej cha; najt to wal sc'och no', tzyab'n no' to 'ay owal, tzyab'n pax no yel yaw eb' capitan̈.

A Ch'an̈ Schab'l Libro Samuel 11:1

Ax 'a junx ab'il cha, yic stiempoal s'at eb' rey 'a owal, 'ix schecn 'at David win Joab syajlil eb' soldado, yet' pax smasnil eb' soldado israel. 'Ix schecn win eb' yac' owl 'a Amón. 'Ix lajw can 'el eb' amonita chi yuj eb', 'ix yoyn sb'a eb' 'a chon̈b' Rabá. Palta ax win rey David, 'ix can win 'a Jerusalén.

1 Cr 20:1

Ax 'a junx ab'il, atn 'a yic stiempoal s'at eb' rey 'a owal, a Joab 'ix smolb'tzan eb' soldado, 'ix 'at sjunc slum eb' amonita. 'Ix 'at yoync pax 'och sb'a eb' 'a spatquil chon̈b' Rabá, 'ix ya'n owl yet'oc, masnto xlajw can 'ejm yu'uj, ya' sb'a a David 'aycn 'a Jerusalén.

Jeremías 23:19

Caw maysch'olnil eb', yuj cha, 'oj wic' 'ejm eb' yet' yowl in c'ojol, lajn yowl in c'ojl chi 'icha junc niwquil yaxn̈ab' to caw 'aych yic'al, caw ji'lti sjawi.

Ez 21:20

Tza'n 'och yechl junc b'e chi 'aj 'oj b'ey win sreyl Babilonia chi yet' yespada cha. Jun b'e chi tzc'och 'a chon̈b' Rabá 'a yol yic eb' amonita, ax junx tzc'och 'a Jerusalén 'a yol yic Judá, jun caw wach' yajch smuroal.

Ez 21:22

Ax 'oj 'ajoc, a 'a swach' c'ab', ata 'oj sch'ox jun sjul-lab' cha, to ata tz'at yac' owl 'a Jerusalén, yic tz'at smilnc eb' 'anma'. 'Oj ya'l yaw ax yoch owal. 'Oj sma'cn poj spuertail jun chon̈b' cha, ax yoch oyn eb' soldado 'a spatquil 'eli. 'Oj sb'o eb' sb'achte 'a spatquil smuroal cha.

Ez 25:7

Yuj cha, 'oj wi' chan̈ in c'ab', ax wa'n 'och eyailal. 'Oj ex wac' 'a yol sc'ab' jun tzo'n̈ xo nacion̈, sec 'oj 'ijxoc 'ec' smasnil tas 'ay 'ayx yuj eb'. Ax ex in satn 'el 'a scal jun tzo'n̈ xo chon̈ab', 'oj e lajw 'el 'a jun 'ejmn̈ej, sec 'oj eyojcoc 'eli, to an Jehová in, an 'ixta tzex wutej.

A Ch'an̈ Schab'l Libro Samuel 12:31

Xyi'n pax 'elt eb' 'anma xcan 'a yol chon̈b' cha, 'ix ya'n munljoc eb' yet' q'uen serucho, q'uen piyocha, q'uen ch'acab', 'ay pax eb' x'och n̈usj ladrillo 'a lum jorna. 'Ixtan̈ej x'aj eb' 'anma chi smasnil 'a junjn chon̈b'al eb' amonita cha. Xlajw cha, 'ix meltzj David 'a chon̈b' Jerusalén yet' smasnil eb' soldado cha.

Ez 21:25

Ach sreyl Israel, tecb'il ach, caw may a ch'olnil. A ticnec xc'och sc'ul ajx 'och 'a yol sc'ab' yailal yuj a mul.