Am 1:12 - Chuj San Sebastian Bible

¹² Yuj cha, 'oj wac' n̈usxoc tz'a chon̈b' Temán, ax jun c'ac' chi 'oj satnc 'el jun tzo'n̈ scuartel eb' 'aj Bosra, xchi.

Chuj San Mateo Bible

¹² Yuj chi' ol vac'och sc'ac'al chon̈ab' Temán. A jun c'ac' chi' ol ac'an lajvoquel scuartel eb' aj Bosra, xchi Jehová.

Am 1:12 Referans Kwoze

Jeremías 49:20

'Ab'c wal tas tox xin na 'an Jehová in tic 'a yib'n̈ chon̈b' Edom, a wal tas xin na 'a yib'n̈ eb' cajn 'a Temán, to 'oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Jeremías 49:7

A Jehová tztac' yuj smasnil, yaljnac can 'el spaxti 'ixtc 'a yib'n̈ chon̈b' Edom: ¿Tom man̈x 'a jelnal 'a chon̈b' Temán? ¿Tom man̈xtzac nachj tas tzyutj sb'a eb' jeln snab'en? ¿Tom tox 'ix satl smasnil sjelnal eb' cha?

Jeremías 49:22

A eb' 'ajc'ojl cha, caw yajn̈ej ax sc'och eb' yac' owl 'a chon̈b' Bosra, 'icha sc'och jen̈n̈oc junc no c'uc'um. A wal 'a jun c'u cha, a eb' soldado 'aj Edom, caw 'oj 'ib'xoc eb' yuj xiwlal 'icha junc 'ix 'ix wan yalj yune', xchi Dios.

Jeremías 49:13

An Jehová in, an tzwac' in ti': A chon̈b' Bosra, 'oj cancn 'a cusltaquil, caw 'oj xiw eb' 'anma yiln 'ochi, 'oj b'uchxoc yuj eb', ax scatb'tzan can eb'. Ax jun tzo'n̈ xo chon̈b' 'a yol yic Edom, 'oj ma'xoc can 'ejm lan̈chjoc eb' 'a jun 'ejmn̈ej, xchi.

Is 34:6

Chi'ctac 'oj 'aj yespada Jehová, xeputac pax 'oj 'ajoc, 'icha tzyac' q'uen cuchlub' yic tzmilx no quelm calnelu yet' no chiwo xajmb'alil. A 'a lum Bosra 'oj sb'o Jehová junc xajmb'al, caw niwn eb' 'aj Edom 'oj chamoc.

Gn 36:33

A yic xcham win Bela, ax win Jobab x'ochx can yajlil, win yunnal Zera, Bosra sb'i schon̈b' winac.

Gn 36:11

Ax eb' yunnal Elifaz atn pax eb' tic: Temán, Omar, Zefo, Gatam yet' Cenaz.

Is 34:5

A 'a satcha'an̈ ata 'oj sch'ox cot Jehová yespada, ax 'a yib'n̈ Edom 'oj 'emoc, yujto a jun chon̈b' cha, tox 'ix 'ajx 'och chaml 'a yib'an̈.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Ez 25:13

Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Abdías 1:1

An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom: 'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi. Yuj cha, tzyaln Jehová 'ixtc 'a Edom:

Habacuc 3:3

Ach Dios Cojxn̈ej ach Niwn El'chi, ach cot 'a lum tzaln tzcuch Parán 'a yol yic Temán. Xmacchj 'el smasnil satchan̈ yuj a tzictznial, ax smasnil tas 'ay 'a yolyib'n̈q'uinl tic, c'uxn xyal eb' swach' paxti 'ayach.

1 Cr 1:44

A yic 'ix cham Bela, ax Jobab yunnal Zera, 'aj chon̈b' Bosra, a x'ochcn yajlil sjeloc.