A Tas Sc'ulejnac Eb' Schecab' Jesús Hechos 9:36 - Chuj San Sebastian Bible

³⁶ A 'a chon̈b' Jope, 'ay jun 'ix creyente Tabita sb'i. Ax 'a griego, Dorcas sb'i 'ix. Til wal tas wach' tzb'o'o, tzcolwj 'ix 'a eb' meb'a'.

Chuj San Mateo Bible

³⁶ A d'a chon̈ab' Jope, ay jun ix creyente scuchan Tabita. Axo d'a ti' griego Dorcas sb'i ix. Te vach' ix, scolvaj ix d'a eb' meb'a'.

A Tas Sc'ulejnac Eb' Schecab' Jesús Hechos 9:36 Referans Kwoze

Tito 3:8

A jun tzo'n̈ tic, caw yel. Tzin nib'j caw te'n tzotj a b'a aln 'el jun tzo'n̈ cuynb'il tic, sec wach' a eb' tzya'ch sc'ojl 'a Dios, 'oj ya'ch wal eb' snab'en sb'on jun tzo'n̈ tas wach'. A jun tzo'n̈ cuynb'il tic, caw wach'. Caw 'ay yopiso 'ayon̈ yet' 'a smasnil 'anma'.

Tito 2:7

Ach xo, caw wach' tzotj a b'eyb'al yil eb' ta'. Cojn jun tzo'n̈ cuynb'il caw yel tzal 'a eb'. Man̈toc ton̈j tzach molamani, yic tza cuyn eb'.

2 Cr 2:16

Ya' sb'a cha, 'oj wal 'a eb' in munljum tic to axn tzu'l eb' te te chi 'a Líbano, jantcn̈ej te 'oj 'och yopiso o'oj. 'Oj sjal eb' te', ax ya'n 'och eb' 'a yib'n̈ a mar, masnto 'oj c'och te 'a chon̈b' Jope. Ax eb' a munljum chi 'oj 'i'nc q'ue te 'a Jerusalén, xchi Hiram sreyl Tiro 'a Salomón.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

A Tas Sc'ulejnac Eb' Schecab' Jesús Hechos 10:31

'Ix yaln 'ayn 'ixtic: Cornelio, 'ix yab' Dios a lesal, 'ix snan cot pax jun tzo'n̈ a siylab' tzac' 'a eb' meb'a'.

Esdras 3:7

Xya'n eb' tumn 'a eb' albanil yet' 'a eb' josmte', xya'n pax eb' tas tzc'uxxi yet' tas tz'u'xi yet' pax aceite 'a eb' 'aj Sidón yet' 'a eb' 'aj Tiro, yuj yi'n cot eb' te c'ute 'a Líbano yic tzc'anx 'a yatut Dios. 'Ix 'och te 'a yib'n̈ a mar masnto 'ix jaw te 'a Jope. Atn jun tzo'n̈ chi sta'wjnac win Ciro ya'ni, atn win sreyl Persia.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

1 Ts 4:10

'In 'ixta wan eyutn e chamc'ojlan smasnil eb' eyit creyenteal 'a yol yic Macedonia. Palta ex wu'tac, ex wanab', tzon̈ tew 'at 'ayx on̈, sec tzwach' niwtj e chamc'ojlal ta'.

A Scarta San Pablo D'a Eb' Aj Filipos 1:11

'Oj wach' 'och wal Jesucristo eyet'oc, sec wach' tojln̈ej 'oj eyutc e b'eyb'al. Toto 'ixta', eyu'uj 'oj checljoc 'eli, chajtlto caw niwn swach'l Dios, ax yalx wach' paxti 'a 'a.

Jn 15:8

Toto niwn 'oj e satni, 'oj checljoc 'el eyu'uj, to niwn yel'ch in Mam. 'Ixta 'oj eyutc e ch'oxn 'eli, chajtlto yel in cuywum ex.

Jn 15:5

An tic, 'icha junc snun 'awb'ente', 'ixta 'in. Ax xo tic, 'icha te sc'ab', 'ixta 'ex. A eb' junn̈j tz'ajcn wet'oc, junn̈j tzin 'ajcn yet' eb' jun xo. A eb' cha, 'icha junc te caw niwn sat tzyac'a, 'ixta 'oj 'aj eb' jun xo. Toto man̈toc 'ayn 'och eyet'oc, may xon jac tztac' eyuj e ch'ocoj.

Jonás 1:3

Palta ax Jonás, ma'ix syiclj 'a Dios, a yico', to 'ix 'at 'elc 'a 'a. 'Ix 'atcn 'a chon̈b' Tarsis yalni, yuj cha, 'ix 'at 'a jun puerto 'ay 'a sti a mar 'a Jope. Ata x'ilchj jun barco yu'uj, wan s'at te 'a Tarsis cha. 'Ix stojn spasaje, xlajw xoj cha, x'och 'a yol barco, 'ix 'ati, yic tz'at 'elc 'a Jehová yalni.

Pr 5:19

Wach'n̈j cab' yilx 'ix 'a a sat; 'icha cab' wal yilx junc no c'ultquil chej. May cab' tz'aj slajw a chamc'ojlal 'a 'ix. 'Ay cab' 'a tzaljc'ojlal yuj schamc'ojlal 'ix 'ayach.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

Cantares 8:14

Ach quelm chamc'ojlb'il wu'uj, carela a cot 'ayin. 'Ac' 'ip a b'ey 'icha no c'ultquil chej, 'icha wal junc no yune no c'ultquil chej 'ay 'a eb' lum tzalctac 'a 'aj 'ay eb' te incienso su'q'ui sjab', xchi 'ix.

Cantares 3:5

Ex cob'stac 'ix 'aj Jerusalén, ta'wjec can e ti'oc, tze locn sb'i e no c'ultquil chej 'a calte', to man̈ e pitzl swayn̈ 'unx cob's chamc'ojlb'il wu'uj, munto 'oj 'el swayan̈, xchi winac.

Cantares 2:9

Lajn sjaw ni 'icha junc no c'ultquil chej. A ni quelm cha, 'ayx 'ec' 'am ni chi nec 'a spatc n̈a, t'an̈n xo 'oxt am ni 'a ventnu.

A Tas Sc'ulejnac Eb' Schecab' Jesús Hechos 9:38

A chon̈b' Jope cha, ata 'ay 'a sla'nil chon̈b' Lida, 'a 'aj 'ayc' Pedro. Ax 'ix yab'n eb' creyente, to ata 'ayq'ui, 'ix checn 'at eb' chawn̈ winc 'a 'a, xit yalnoc eb' 'ixtc 'a 'a: —Coyc 'a chon̈b' Jope wal ticnec, xchi eb' 'a 'a.

A Tas Sc'ulejnac Eb' Schecab' Jesús Hechos 9:42

Ax eb' 'aj Jope cha, c'uxn xyab' eb' speclal jun cha. Yuj cha, til wal eb' xya'ch sc'ojl 'a Cajlil.

A Tas Sc'ulejnac Eb' Schecab' Jesús Hechos 10:8

Jantcn̈ej tas 'ix yal jun ángel cha, c'uxn xyalx win 'a eb'. Xlajw xoj cha, 'ix checn 'at win eb' 'a chon̈b' Jope.

A Tas Sc'ulejnac Eb' Schecab' Jesús Hechos 10:23

Yuj cha, x'ijx 'och eb' 'a yol n̈a yuj Pedro. Ata xway eb'. Ax 'a junx c'u, x'at yet' eb'. 'Ix 'at pax jaywn̈ eb' creyente 'aj Jope chi yet' eb'.

A Tas Sc'ulejnac Eb' Schecab' Jesús Hechos 11:5

—'Ayn 'ec' 'a chon̈b' Jope. Ax 'a jun c'u, yic wan in leslwi, 'icha waychil x'aj wiln yeml jun 'icha niwquil sac nip 'a satcha'an̈. T'un̈b'il chan̈ yisquinyoal schan̈il, 'ix 'eml 'a 'aj 'ayin.

A Tas Sc'ulejnac Eb' Schecab' Jesús Hechos 11:13

'Ix yaln win 'ayn̈ on̈, chajtlto 'ix yil win jun ángel 'a yol yatut, lin̈n 'eq'ui. 'Ix yaln ab' 'a win 'ixtic: Checb't jaywn̈oc a checb' 'a chon̈b' Jope, 'at yi' cab' cot eb' Simón, tzcuch pax Pedro.

Mt 25:17

'Ixta pax win xchan chab' talento, 'ix yac' ganar win chab' xo.