A Tas Sc'ulejnac Eb' Schecab' Jesús Hechos 7:55 - Chuj San Sebastian Bible

⁵⁵ Palta ax Esteban cha, caw 'aych Yespíritu Dios 'a 'a. Yuj cha, 'ix q'ue q'ueln 'a satcha'an̈, 'ix yiln q'ue stzictznil Dios. 'Ix yilni lin̈n 'ec' Jesús 'a swach' c'ab' Dios.

Chuj San Mateo Bible

⁵⁵ Palta axo vin̈aj Esteban chi', te ay val och Yespíritu Dios yed' vin̈, yuj chi' ix q'ue q'uelan vin̈ d'a satchaan̈, ix yilanq'ue stziquiquial Dios vin̈. Ix yilan vin̈ to lin̈anec' Jesús d'a svach'c'ab' Dios chi'.

A Tas Sc'ulejnac Eb' Schecab' Jesús Hechos 7:55 Referans Kwoze

Mr 16:19

Ax yic xlajw yaln Cajlil Jesús jun tzo'n̈ tic 'a eb' schecb' cha, 'ix 'ijx 'at 'a satcha'an̈. Ata x'em wocn 'a swach' c'ab' Dios.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

A Tas Sc'ulejnac Eb' Schecab' Jesús Hechos 6:10

Palta ma'ix yac' ganar eb', yujto caw jeln xyutj sb'a yalni, yujto x'och Yespíritu Dios yet'oc.

A Tas Sc'ulejnac Eb' Schecab' Jesús Hechos 6:8

Ax Esteban, til wal swach'c'ojlal Dios 'ix scha'aj. Caw x'och Dios yet'oc. Yuj cha, til wal milagro 'ix ch'oxl 'a scal eb' 'anma'.

A Tas Sc'ulejnac Eb' Schecab' Jesús Hechos 6:5

Caw 'ix tzalj eb' smasnil yuj jun paxti cha. Atn eb' tic 'ix si'x 'elt yuj eb': a Esteban, caw 'aych sc'ojl 'a Dios, caw 'aych Yespíritu 'a 'a, yet' Felipe, Prócoro, Nicanor, Timón, Parmenas, yet' pax Nicolás 'aj Antioquía. A Nicolás tic, 'ochnc 'a scuynb'il eb' israel 'a yic yalan̈.

A Ch'an̈ Carta D'a Eb' Hebreo 8:1

Atn jun tic tzin nib'j tznachj 'el eyu'uj, chajtlto 'ixta yaj jun sat ya'mal 'och qui tic 'a Dios. A ticnec, wocn 'ejm 'a swach' c'ab' Dios 'a sdespacho 'a satcha'an̈.

A Tas Sc'ulejnac Eb' Schecab' Jesús Hechos 2:4

Caw x'ochcn Yespíritu Dios 'a junjn eb'. 'Ix syamn 'och eb' spaxtin 'a jun tzo'n̈ chucchc ti'al, a tzyal tas 'ix 'ajx yal eb' yuj Yespíritu Dios cha.

Jn 12:41

Yaljnac can Isaías jun tzo'n̈ tic, yujto yiljnac swach'l Jesús. Yuj cha, atn yab'xil tic yaljnac.

Salmos 109:31

Yujto ach tza col eb' 'oltac tz'aji, tza coln 'el eb' 'a yol sc'ab' eb' tz'a'n queja eb' cha.

A Tas Sc'ulejnac Eb' Schecab' Jesús Hechos 6:3

Yuj cha, ex wu'tac, tze say ucwn̈oc winc 'a qui calc tic, tzeya'n 'och yopiso eb' sb'on jun munljel tic. Yowlal caw wach' sb'eyb'al eb', tznachj 'el yic Dios yuj eb', yowlal caw 'aych Yespíritu Dios 'a eb'.

Miqueas 3:8

An xo pax an tic, 'aych Yespíritu Jehová 'ayin, a tz'a'n wip, tzya'n wojcoc 'aj 'ay tojlal. Yuj wal cha, caw tzin te'wtzej in b'a waln 'och jantc smul eb' wit israelal 'a sat.

Ez 11:23

'Ix yi'n 'el sb'a stzictznil Jehová 'a yib'n̈ chon̈b' Jerusalén, axta xc'ochcn b'achchoc 'a sjolm jun lum witz 'ay 'a sti 'el chon̈b' 'a stojlal 'aj tzq'uel c'u.

Ez 10:4

Xlajw cha, ax Jehová yet' stzictznial, 'ix q'ue wan 'a yib'n̈ yechl eb' querubín cha, axta xq'ue'ch 'a yib'n̈ sjolm puerta. 'Ix sacb'chan̈ jun 'amc' chi yuj stzictznil Jehová, 'ix 'em t'ocn jun 'asn chi 'a yol scajnub' cha.

Apoc 21:11

Caw tzictzni jun chon̈b' chi yuj sacq'uinlal Dios. Caw tzictzni 'icha junc q'uen caw chan̈ stojol, 'icha q'uen jaspe. Lajn yilx yet' junc cristal, tzc'axw 'ec' qui sat 'a spatic.

A Schab'il Carta San Pedro 1:17

Caw quiljnac on̈, yic ya'n qui Mam Dios stzictznil 'a 'a. Cab'n pax yaln Dios on̈, to caw niwn yel'ch Cajlilec cha. Yaln 'emt Dios 'ixtc 'a scal jun sniwn tzictznial: Atn jun tic, Wunnal, chamc'ojlb'il wu'uj, caw tzin tzalj yet'oc, xchi 'emta.

A Tas Sc'ulejnac Eb' Schecab' Jesús Hechos 4:8

Ax Pedro, caw 'aych Yespíritu Dios 'a 'a. Yuj cha, xyaln 'ixtic: —Ex yajl eyaj 'a eb' chon̈ab', yet' ex 'ichmtac winc yic chon̈b' Israel,

Jn 14:3

'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.

Ez 10:18

Xlajw cha, 'ix 'elx stzictznil Jehová 'a yib'n̈ sjolm puerta, 'ix c'ochx can 'a yib'n̈ sjolm eb' querubín cha.

Ez 3:23

Xlajw cha, in q'ue wa'an, in c'och 'a lum 'a'lic cha, axta xwil stzictznil Jehová 'icha xwutj wiln 'a sti a Quebar, in 'em n̈ojnjoc 'a sat lu'um, xin quiln 'ejm in sat.

Jn 11:41

'Ixta to b'i'an, 'ix yi'n 'el eb' q'uen smac chi 'aj 'aycn 'och winac. Ax Jesús, 'ix q'ue q'ueln 'a satcha'an̈, 'ix yaln 'ixtic: —Mamin, yuj wal dios 'ayach, 'ix ab' tas 'ix wala.