A Tas Sc'ulejnac Eb' Schecab' Jesús Hechos 5:32 - Chuj San Sebastian Bible

³² An̈ tic on̈, caw tzcac' testigoal qui b'a yuj jun tzo'n̈ tzcal 'ayx tic on̈. An̈jtona', 'ixta pax Yespíritu Dios, tzyac' pax testigoal sb'a quet' on̈. A Dios tz'a'n Yespíritu tic 'a jantcn̈ej mach tzyiclni tas tzyala, xchi eb'.

Chuj San Mateo Bible

³² A on̈ tic, scac' testigoal co b'a yuj juntzan̈ scal tic d'ayex. An̈ejtona' Yespíritu Dios syac' pax testigoal sb'a qued'oc. A Dios tz'ac'an Yespíritu tic d'a jantacn̈ej mach sc'anab'ajan tas syala', xchi eb' vin̈.

A Tas Sc'ulejnac Eb' Schecab' Jesús Hechos 5:32 Referans Kwoze

A Tas Sc'ulejnac Eb' Schecab' Jesús Hechos 1:8

Palta 'oj yac' Dios spoder 'ayex, yic 'oj 'ochcn Yespíritu 'ayx junjn ex. 'Oj lajwc cha, ax eyaln 'el wab'xil 'a Jerusalén tic, 'a smasnil yol yic Judea yet' 'a Samaria, masnto 'a jun tzo'n̈ xo lugar 'a 'aj tzlajw c'och yolyib'n̈q'uinl tic, xchi 'a eb'.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.

A Tas Sc'ulejnac Eb' Schecab' Jesús Hechos 13:31

Xlajw cha, niwn to sc'ul 'ix 'ec' yet' eb' scuywum, atn eb' cotnc yet' 'a Galilea xc'och eb' yet' 'a Jerusalén, yic mantzac chami. A eb' cha, wan yaln 'el eb' yab'xil 'a scal eb' 'anma ticnec.

A Tas Sc'ulejnac Eb' Schecab' Jesús Hechos 5:29

Palta 'ix ta'w Pedro chi 'ixtc yet' jun tzo'n̈ xo eb' schecb' Jesús: —Yowlal a tas tzyal Dios, a tzqui yiclj on̈. Ax jun tzo'n̈ schecnb'il 'anma', toto matz chaj sb'a yet' yic Dios, matz qui yiclj on̈.

A Tas Sc'ulejnac Eb' Schecab' Jesús Hechos 15:28

Tzqui na on̈, yel xo wach', man̈ niwnoc checnb'il tzcalb't 'ayx on̈. 'Ixta tzna pax Yespíritu Dios quet' on̈. Yuj cha, cojn jun tzo'n̈ checnb'il tic 'oj calb't 'ayx tic on̈, an̈j yowlal tzeyiclj ta'.

A Tas Sc'ulejnac Eb' Schecab' Jesús Hechos 2:4

Caw x'ochcn Yespíritu Dios 'a junjn eb'. 'Ix syamn 'och eb' spaxtin 'a jun tzo'n̈ chucchc ti'al, a tzyal tas 'ix 'ajx yal eb' yuj Yespíritu Dios cha.

Jn 7:39

'Ixta xyutj yalni, chajtlto a eb' tzya'ch sc'ojl 'a 'a, 'oj 'ajxc 'och Yespíritu Dios 'a eb'. A 'a jun tiempoal cha, mantzac 'ajx Yespíritu Dios 'a eb', yujto mantzac pax q'ue Jesús chi 'a satcha'an̈.

2 Co 13:1

Yox'ejmal tic 'oj in 'atx ex wila'. Junjn tas 'oj b'o'oc, yowlal 'ay chawn̈oc, mto 'oxwn̈oc testigo 'oj alnoc, ax sb'o'i.

A Tas Sc'ulejnac Eb' Schecab' Jesús Hechos 10:44

Ax yic wan yaln Pedro cha, 'ix 'ochcn Yespíritu Dios 'a jantcn̈ej eb' wan yab'xni cha.

A Tas Sc'ulejnac Eb' Schecab' Jesús Hechos 2:32

A Jesús tic, a Dios x'a'n pitzwc paxi. Qui masnil on̈, tzca'ch qui b'a testigoal yuj jun tic, yujto xquil on̈.

Ro 8:16

Cojc junjn on̈ 'a qui pixan, to yel yunnaln̈ec xo Dios. An̈jtona', tzyaln pax Yespíritu 'ayn̈ec.