A Tas Sc'ulejnac Eb' Schecab' Jesús Hechos 5:2 - Chuj San Sebastian Bible

² 'Ix chan win stojl jun slum cha, palta 'ix sc'ultac 'ij can 'el win nan̈l yico'. Man̈ tz'acnoc xit' yac' 'a eb' schecb' Jesús. Palta ax 'ix yutj win yalni, to tz'acn q'uen tumn chi smasnil. Ax 'ix yistl win cha, locn 'ix yet' win 'a jun nab'en cha.

Chuj San Mateo Bible

² Ix schaan stojol jun sluum vin̈ chi', palta ix yic'canel nan̈al yic vin̈ yed' ix yetb'eyum chi', yuj chi' man̈ tz'acanoc stojol ayic xid' yac'ancan vin̈ d'a eb' schecab' Jesús. Palta axo ix aj yalan vin̈ to tz'acan q'uen tumin chi' smasanil. Yojtac pax ix yetb'eyum vin̈ to icha chi' yaji.

A Tas Sc'ulejnac Eb' Schecab' Jesús Hechos 5:2 Referans Kwoze

A Tas Sc'ulejnac Eb' Schecab' Jesús Hechos 4:37

'Ay jun slum schon̈li. 'Ix yi'n 'at stojol, xit' ya'nc 'a eb' schecb' Jesús.

A Tas Sc'ulejnac Eb' Schecab' Jesús Hechos 5:3

Ax Pedro 'ix aln 'a win 'ixtic: —Ananías, ¿tas yuj xyac' win satanás a c'ojloc, yuj cha, tza'n 'es 'a Yespíritu Dios? 'In 'ix ejcan 'el nan̈l ec 'a stojl jun a lum cha.

Jn 12:6

Palta yes winac. Matz na win jac eb' meb'a cha, yujto a win molm tumn yaji. Yuj cha, a win tzcob' nib'nc molnc stojl cha, sec tzyij can 'el win jac yic 'a 'a, yujto toxn 'elc'm xon winac.

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

A Tas Sc'ulejnac Eb' Schecab' Jesús Hechos 2:44

Jantcn̈ej eb' xya'ch sc'ojl 'a Cristo, caw junxn̈ej x'aj eb'. Jantcn̈ej tastc 'ay 'a eb', junxn̈ej xlaj yutc eb'.

A Tas Sc'ulejnac Eb' Schecab' Jesús Hechos 5:1

'Ay jun winc Ananías sb'i. Safira sb'i yistzil. Schon̈l eb' jun slu'um.

A Tas Sc'ulejnac Eb' Schecab' Jesús Hechos 5:8

Ax Pedro, 'ix sc'anb'n 'ixtc 'a 'ix: —Al 'ayin, ¿tom yel 'ixtcn̈ej xe chon̈ jun e lum cha? xchi 'a 'ix. —N', 'ixtnta', xchi 'ix 'a 'a.