A Tas Sc'ulejnac Eb' Schecab' Jesús Hechos 3:20 - Chuj San Sebastian Bible

²⁰ A 'oj checnc paxt Jesús 'a scha'ejmal, atn Cristo, jun sic'b'il 'el yuj Dios 'a pecti', yuj qui wach'loquec.

Chuj San Mateo Bible

²⁰ A Dios ol checanxicot Jesús d'a schaelal, yujto a ac'jinac yopisio yoch Cristoal d'ayex yed' d'ayon̈.

A Tas Sc'ulejnac Eb' Schecab' Jesús Hechos 3:20 Referans Kwoze

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

2 Ts 2:8

At wal ta 'oj checljoc can 'el jun win syajlil maysch'olnil cha. Palta a Cajlilec, 'oj yutz'c cham yet' yic'. A yic 'oj jawc Cajlilec 'a scal stzictznial, ax satcn 'ejm win yu'uj.

2 Ts 2:2

man̈ e comn 'a'c somchjc 'el e nab'en, toto 'ay eb' tzaln 'ayex, to jawnacx Cajlilec. Wach'xam tzyal eb' to a Yespíritu Dios xch'oxn 'a eb', mto mun tzyal eb' sch'ocoj, man̈ ex 'och 'il yuj eb'. Toxn̈ej tzyal eb', to xc'och qui carta 'a eb' on̈, man̈ e cha eyab'i'.

Lc 19:11

Yic wan yab'n eb' tas tzyal Jesús, 'ay jun 'ab'x 'ix yal 'a eb', yujto wan sc'och eb' 'a sla'nil Jerusalén. A snan eb', to 'oj yac' Dios Yajlil 'a yolyib'n̈q'uinl tic muc'uc.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

A Tas Sc'ulejnac Eb' Schecab' Jesús Hechos 17:31

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

Lc 21:27

'Oj lajwc cha, ax yiln q'ue eb' 'anma', to an 'Ochnc in 'Anmal tic, 'oj weml 'a scal jun 'asun, man̈ jantcoc in poder yet' in tzictznial, ax in jawi.

Mr 13:26

'Oj lajwc cha, ax yiln q'ue eb' 'anma', to an 'Ochnc in 'Anmal tic 'oj weml 'a scal 'asun. Man̈ jantcoc in poder yet' in tzictznial, ax in jawi.

Mt 24:3

Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

A Tas Sc'ulejnac Eb' Schecab' Jesús Hechos 3:21

Palta a ticnec, yowlal 'oj can Jesucristo 'a satcha'an̈, masnto 'oj jawc jun tiempoal, ax sb'o yaj smasnil tas yu'uj. A Dios ya'jnac yal-l eb' schecb' pecti'. A eb' cha, caw yicn̈ej yaj eb'.