A Tas Sc'ulejnac Eb' Schecab' Jesús Hechos 28:15 - Chuj San Sebastian Bible

¹⁵ Ax eb' creyente 'aj Roma cha, xyab'n eb', to wan qui c'och on̈, yuj cha, on̈ wul schanc eb' 'a b'e on̈. 'Ay eb' on̈ wul chanc 'a lugar Apio, 'a 'aj 'ay jun mercado, 'ay pax eb' 'a aldea 'Oxe Posada. Ax xyiln 'at Pablo, wan sjaw eb' 'a 'a, 'ix ya'n yuj diosal 'a Dios, caw 'ix tzalji.

Chuj San Mateo Bible

¹⁵ Axo eb' creyente aj Roma chi', ayic ix yab'an eb' to van co c'ochi, ix ul on̈ scha eb' d'a b'e. Ay eb' ix ul on̈ chaan d'a Apio b'aj ay jun mercado, ay pax eb' d'a Oxe' Posado. Axo ix yilanb'at vin̈aj Pablo chi' to van sc'och eb' d'a vin̈, ix yac'an yuj diosal vin̈ d'a Dios. Ix te tzalajq'ue vin̈.

A Tas Sc'ulejnac Eb' Schecab' Jesús Hechos 28:15 Referans Kwoze

A Ch'an̈ Carta D'a Eb' Hebreo 13:3

Qui nac cot eb' 'aych 'a preso, 'icha cab' to preso cajc yet' eb'. Qui nac cot pax eb' tz'ajx syailal, yujto an̈ec tic, lajn on̈ yet' eb'. Lemb'il 'oj 'ajxc pax qui yailal yet' eb' jun xo.

Ro 15:24

Yuj cha, tzin na'a, a yic 'oj in 'at 'a España, 'oj 'ec' ex wila', sec 'oj jawc in tzaljc'ojlal eyet' ta'. 'Oj lajwc in can jaye'oc c'u eyet' ta', tzin nib'j 'oj e colwj 'ayin, sec 'oj in c'och 'a España cha.

Gl 4:14

'Ac'b'ilx prowal yuj jun in yailal cha, palta ma'in e patquilj can 'el yu'uj. May tas eyal paxi, to may wel'ch 'a e sat. 'Icha tzcutj qui chan junc yángel Dios tzjawi, 'ixta eyutjnacn in e chani. 'Icha Jesucristo, 'ixta in 'a e sat in c'ochi.

A Tas Sc'ulejnac Eb' Schecab' Jesús Hechos 21:5

Ax yic xlajw uque c'u cha, on̈ 'atx on̈. Ax eb' creyente chi smasnil, yet' yistl eb', yet' yunnal eb', c'uxn x'at eb' quet' on̈, masnto xit' on̈ ya'cn eb' 'a sti 'el chon̈ab'. Ata on̈ 'em cumn 'a sti a mar, on̈ leslwi yet' eb' on̈.

A Tas Sc'ulejnac Eb' Schecab' Jesús Hechos 10:25

A yic jab'xoj sc'och Pedro cha, 'ix 'elt win Cornelio chi 'a yol yatut. 'Ix chan win sc'ochi. 'Ix 'em cumn 'a yojltac Pedro cha, yic tzya'n 'ejm sb'a 'a 'a.

Jn 12:13

Yuj cha, til wal eb' xtzu'n 'emt xil te q'uib'. 'Ix yi'n 'at eb' x'at schanc eb' Jesús. 'Ix laj yalnc chan̈ eb' 'ixtic: —Yuj wal dios. Calc wach' paxti 'a jun checb'il cot yuj Cajlilec. Calc wach' paxti 'a qui Reyl an̈ israel on̈c tic, xchi eb'.

Salmos 27:14

Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

A Ch'an̈ B'ab'el Libro Samuel 30:6

Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Ex 4:14

Yuj cha, 'ix cot yowl Jehová 'a Moisés, 'ix yaln 'ixtc 'a 'a: —A 'a Egipto cha, ata 'ayc' o'tac Aarón win levita, wojtac to jeln spaxtini. 'Oj cot ach wul scha', yic wan a c'och 'a Egipto cha, caw 'oj tzaljoc yic 'oj ach yilnc 'ochi.

1 Ts 3:7

An̈ xo tic on̈, til wal tas tzjaw 'a quib'n̈ on̈, wan cab'n syal 'a tic on̈. Palta a yic xcab'n on̈, chajtlto an̈ja 'aych e c'ojl 'a Cristo, xcaw japx qui tzaljc'ojlal eyuj on̈.

2 Co 2:14

Palta calc yuj diosal 'a Dios, yujto smasnil tiempo on̈ yac' 'och tza'n yuj Cristo Jesús, yic tzcheclj 'eli to a 'ix a'n ganar. Cujec tzpucb't yab'xil 'a junjn lugar, 'icha tzpucb't sjab' junc incienso.

A Tas Sc'ulejnac Eb' Schecab' Jesús Hechos 1:15

A 'a yic jun tiempoal cha, 'aym junc 120 eb' creyente 'ix syam sb'a. Ax Pedro xq'ue wan lin̈n 'a scal eb'. 'Ix yaln 'ixtic:

A Tas Sc'ulejnac Eb' Schecab' Jesús Hechos 10:23

Yuj cha, x'ijx 'och eb' 'a yol n̈a yuj Pedro. Ata xway eb'. Ax 'a junx c'u, x'at yet' eb'. 'Ix 'at pax jaywn̈ eb' creyente 'aj Jope chi yet' eb'.

A Tas Sc'ulejnac Eb' Schecab' Jesús Hechos 11:1

Ax eb' schecb' Jesucristo, yet' eb' creyente 'ay 'a Judea, 'ix yab' eb' chajtlto 'ay eb' man̈ israeloc xya'ch sc'ojl 'a spaxti Dios.

A Tas Sc'ulejnac Eb' Schecab' Jesús Hechos 11:12

Ax Yespíritu Dios 'ix aln 'ixtc 'ayin: 'Ixc yet' eb'. 'A'ch 'a a c'ojl a 'at yet' eb', xchi. 'Ix xit' pax wacwn̈ eb' cu'tac tic wet'oc. Yic on̈ c'och ta 'on̈, on̈ 'och 'a yol yatut jun winc chi 'on̈.

A Tas Sc'ulejnac Eb' Schecab' Jesús Hechos 12:17

Palta 'ix ya' chan̈ sc'ab' 'a eb', sec sictac tz'aj eb'. Xlajw cha, xyaln 'a eb' chajtl xyutj Cajlil yi'n 'elt 'a preso cha. 'Ix yaln pax 'a eb' 'ixtic: —Tzeyal jun tzo'n̈ tic 'a Jacobo yet' 'a jun tzo'n̈ xo eb' quit creyenteal, xchi. Xlajw cha, x'elt 'a scal eb'. 'Ix 'at 'a junx lugar.

A Tas Sc'ulejnac Eb' Schecab' Jesús Hechos 28:14

Ata x'ilchj jaywn̈ eb' creyente cuj on̈. Snib'n eb' on̈ can yet' on̈. Uque c'u on̈ 'och wan yet' eb' on̈. Xlajw xoj cha, on̈ 'at 'a chon̈b' Roma 'a coc on̈.