A Tas Sc'ulejnac Eb' Schecab' Jesús Hechos 23:11 - Chuj San Sebastian Bible

¹¹ Ax 'a jun 'ac'wl cha, 'ix wul sch'oxnc sb'a Cajlilec 'a Pablo cha, 'ix yaln 'ixtc 'a 'a: Pablo, man̈ ach 'och 'il, 'icha xotj aln 'el wab'xil 'a Jerusalén tic, 'ixta 'oj otc aln 'el 'a Roma, xchi Cajlilec 'a 'a.

Chuj San Mateo Bible

¹¹ Axo d'a jun ac'val chi' ix ul sch'ox sb'a Cajal Jesús d'a vin̈aj Pablo chi'. Ix yalan d'a vin̈: —Pablo, man̈ ach och ilc'olal, yujto icha ix utej alanel vab'ixal d'a Jerusalén tic, icha pax chi' ol utoc alanel d'a chon̈ab' Roma, xchi d'a vin̈.

A Tas Sc'ulejnac Eb' Schecab' Jesús Hechos 23:11 Referans Kwoze

A Tas Sc'ulejnac Eb' Schecab' Jesús Hechos 19:21

Xlajw jun tzo'n̈ cha, 'ix snan Pablo, to 'oj 'ec' 'a yol yic Macedonia yet' 'a yol yic Acaya, ax sc'och 'a Jerusalén, 'ix yaln 'ixtic: —'Oj lajwc cha, yowlal 'oj in c'och 'a Roma, xchi.

A Tas Sc'ulejnac Eb' Schecab' Jesús Hechos 18:9

Ax 'a jun 'ac'wal, 'icha waychil xyutj Cajlil yaln 'a Pablo 'ixtic: —Man̈ ach xiwoc. Man̈ ach 'och wan aln 'el in paxti',

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

Mt 14:27

—Te'n tzeyutj e b'a. An Jesús in. Man̈ ex xiwoc, xchi 'a eb'.

A Scarta San Pablo D'a Eb' Aj Filipos 1:13

Yujto jantcn̈ej eb' soldado yic win yajal, yet' jun tzo'n̈ xo eb' 'anma smasnil 'a tic, c'uxn xyab' eb', chajtlto yujn̈ej to 'aych in nab'en 'a Cristo, yuj cha, preso waji.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Mt 9:2

Ata 'ay jun winc sicb'nac 'eli. C'otn 'ec' win 'a swaynub'. 'Ay eb' 'anma x'i'n 'at win 'a Jesús. Ax 'ix yilni to xya'ch eb' sc'ojl 'a 'a, yuj cha, xyaln 'a win sicb'nac 'el chi 'ixtic: —Tzaljan̈ ach winac, tic 'ix 'ajx can lajwc a mul, xchi 'a winac.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

A Tas Sc'ulejnac Eb' Schecab' Jesús Hechos 22:18

'Ix wiln Cajlilec, 'ix yaln 'ayn 'ixtic: Caw tza c'ol ep el 'a Jerusalén tic, yujto toxn ma'oj scha eb' yab' jun wab'xil 'oj ala', xchi.

A Tas Sc'ulejnac Eb' Schecab' Jesús Hechos 20:22

Al ticnec, 'oj in 'at 'a Jerusalén, yujto tzin 'ijx 'at yuj Yespíritu Dios. Man̈ wojcoc tas 'oj jawc 'a wib'n̈ ta'.

A Tas Sc'ulejnac Eb' Schecab' Jesús Hechos 2:25

A rey David, yaljnac can yab'xil Jesús, chajtlto 'oj pitzwc paxi. Yaljnac can 'ixtic: Smasnil tiempo caw nab'ilchn̈ej wu'uj. 'Aych 'ec' 'a in tz'ey, yuj cha matz somchj 'el in nab'en.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

Jn 14:18

An tic, ma'oj ex wactc can e ch'ocoj, 'oj in japx eyet' jun 'ejm xo.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Salmos 109:31

Yujto ach tza col eb' 'oltac tz'aji, tza coln 'el eb' 'a yol sc'ab' eb' tz'a'n queja eb' cha.

Lc 16:28

'a 'aj 'ay own̈ wu'tac. Tzyaln yab' eb', sec toq'ue ma'oj jawc eb' wet' 'a scal yailal 'aj 'ayn 'ec' tic, xchi winac.

A Tas Sc'ulejnac Eb' Schecab' Jesús Hechos 22:15

A ticnec, 'oj al-l yab'xil Jesús 'a scal smasnil 'anma', 'oj ala', tas 'ix ela, yet' tas 'ix ab'i.

1 Co 9:1

An tic, wal yel, schecb' in Jesucristo. Wiljnac Cajlil Jesús cha. Yuj cha, 'ay waln wic 'icha eb' schecb' smasnil. Ax xo, 'ochnc ex creyenteal yuj in munljel 'a yic Cajlil cha.