A Tas Sc'ulejnac Eb' Schecab' Jesús Hechos 2:2 - Chuj San Sebastian Bible

² Yajn̈j wal cha, 'ix c'an̈ jun tas 'a satcha'an̈, 'icha junc 'ic' caw ow sc'an̈i. 'Ix c'an̈ yec' 'a yol jun n̈a 'aj wocn 'ejm eb' cha.

Chuj San Mateo Bible

² Axo d'a jun rato chi', ix c'an̈ jun d'a satchaan̈, icha sc'an̈ junoc ic' te ov. Ix laj c'an̈ yec' d'a yol jun pat b'aj c'ojanem eb' chi'.

A Tas Sc'ulejnac Eb' Schecab' Jesús Hechos 2:2 Referans Kwoze

A Tas Sc'ulejnac Eb' Schecab' Jesús Hechos 4:31

Yic 'ix lajw sleslwi eb', ax jun n̈a 'aj 'ayc' eb' cha, caw 'ix tzicb'tan̈x yuj Dios. 'Ix wach' 'och Yespíritu 'a junjn eb'. Yuj cha, caw te'n xyutj sb'a eb' yaln 'el spaxti Dios.

A Ch'an̈ B'ab'el Libro Yic Yab'ixal Eb' Rey 19:11

'Ix yaln Jehová 'a 'ixtic: 'Eln̈ta, tzach jaw lin̈n 'a wojltac an Jehová in 'a lum jolm witz tic, yujto 'oj wec' 'a tic, xchi. —'Ix ya'n cot jun niwquil 'ic', 'ix laj jat eb' q'uen niwc tenam, palta man̈ 'ayc 'och Jehová 'a scal 'ic' cha. Xya'n cot pax Jehová jun quixcab', palta man̈ 'ayc 'och Jehová 'a scal jun quixcab' cha.

Salmos 18:10

Ach q'ue 'a yib'n̈ jun querubín, 'ix 'at jen̈n̈oc; 'ix 'at jen̈n̈oc 'a yib'n̈ 'ic'.

Jn 3:8

A 'ic', tz'atn̈j 'a 'aj tz'ati. Tzcab'c sc'an̈i, palta man̈ cojcoquec 'aj tzcoti, yet' 'aj tzc'ochi. 'Icha jun 'ic' cha, 'ixta pax eb' tz'alj yuj Yespíritu Dios, xchi Jesús 'a winac.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Cantares 4:16

A 'ic' 'ay 'a stojlal norte, yet' 'ic' 'ay 'a stojlal sur, 'ec' cab' xummoc 'a scal te wawb'en te tic, sec wach' tzpucl sjab' te'. Ach quelm chamc'ojlb'il wu'uj, cotn̈ 'a 'aj 'ay te 'awb'ente tic, wul lo sat te', caw wal chi eb' te sat tic, xchi 'ix.

Lc 2:13

Yajn̈j wal cha, til wal eb' ángel xcot 'a satcha'an̈, xwul sch'oxnc sb'a eb' yet' junx ángel cha, xyaln eb' wach' paxti 'a Dios, xlaj yalnc eb' 'ixtic:

A Tas Sc'ulejnac Eb' Schecab' Jesús Hechos 2:3

'Ix yiln eb' jun tzo'n̈ tas 'icha snich c'ac', xpucb't 'a scal eb'. 'Ix 'ejm 'a yib'n̈ junjn eb'.

A Tas Sc'ulejnac Eb' Schecab' Jesús Hechos 2:6

A yic 'ix c'an̈ jun cha, til wal 'anma 'ix syam sb'a 'a jun n̈a cha. 'Ix somchj chan̈ snab'en eb', yujto xlaj yab'lac eb' sti', a eb' creyente cha, xlaj yal eb' sti junjn chon̈b'al eb' 'anma'.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.