A Tas Sc'ulejnac Eb' Schecab' Jesús Hechos 19:34 - Chuj San Sebastian Bible

³⁴ Palta xyiln eb' 'anma cha, to israel winac. Yuj cha, xwach' q'ue yaw eb' smasnil. 'Aym chab'oc hora xlaj yal eb' 'ixtic: —Caw niwn yel'ch 'ix qui diosal Diana an̈ Efeso on̈c tic, xchi eb'.

Chuj San Mateo Bible

³⁴ Palta ayic ix yilan eb' anima chi' to israel vin̈, yuj chi' ix te vach' q'ue yav eb' smasanil. Ay am chab'oc hora ix avajq'ue eb', ix yalan eb' icha tic: —Te nivan yelc'och ix co diosal Diana a on̈ aj Éfeso on̈ tic, xchi eb'.

A Tas Sc'ulejnac Eb' Schecab' Jesús Hechos 19:34 Referans Kwoze

A Tas Sc'ulejnac Eb' Schecab' Jesús Hechos 19:28

Yic xyab'n ewin jun tzo'n̈ cha, caw wal xcot yowl ewin si'mb'il. 'Ix 'awj chan̈ ewinac, xyaln eb' 'ixtic: —Caw niwn yel'ch 'ix qui diosal Diana an̈ Efeso on̈c tic, xchi eb'.

Apoc 13:4

Caw 'ix yal sb'a eb' 'a win dragón cha, yujto til wal spoder win xyac' 'a jun noc' sb'i cha. 'Ix yaln pax sb'a eb' 'a jun noc' sb'i cha, 'ix laj yalnc eb' 'ixtic: —Toc 'ay wal junc xo tza'wni 'a jun noc' sb'i tic. ¿Tom 'ay junc tztac' ya'n owl yet'oc? xchi eb'.

A Tas Sc'ulejnac Eb' Schecab' Jesús Hechos 16:20

'Ix c'och eb' 'a yojltac ewin juez, 'ix yaln eb' 'ixtic: —A ewin israel tic, ton̈j tzwul yac' ewin somchjc 'el qui chon̈b'ec tic.

Mt 6:7

A yic tzex leslwi, man̈toc ton̈j tzeyalb'tan̈j jun tzo'n̈ tas yet' e ti', 'icha tzyutj sb'a eb' man̈ 'ojtnacoc Dios. A eb' cha, yujn̈ej to najt tzyutj eb' yoc slesal, tzyab'n Dios snan eb'.

Ro 2:22

Tzeyaln paxi, to matz tac' e b'on 'ajmulal. Palta in tzlaj e b'o 'ajmulal cha. A jun tzo'n̈ tzalx 'och diosal, caw yajb'il eyu'uj. Palta 'in tz'at eyelc' 'elt junc tas 'a yol yatutal 'aj 'ayc' eb' cha.

A Tas Sc'ulejnac Eb' Schecab' Jesús Hechos 19:26

Palta 'in tzeyila, tzeyab'n paxi, tas wan sb'on win Pablo. Tzyaln winac, chajtlto a jun tzo'n̈ dios b'ob'il yuj 'anma', man̈ diosoc. Til wal 'anma xyac' win sc'ojloc. Man̈ cojnoc 'a Efeso tic, palta quenxn̈ej ma'ix 'ajx sc'ojloc smasnil eb' 'aj Asia yuj winac.

A Ch'an̈ B'ab'el Libro Yic Yab'ixal Eb' Rey 18:26

Xlajw cha, 'ix smiln cham eb' no quelm wacx cha, 'ix sb'on eb' no'. 'Ix syamn 'och eb' yawtn sb'i sdiosal cha, syamch xon eb' 'a sq'uin̈b'ial masnto x'och chimc'ual. Ta'wan̈ 'ayn̈ ach Baal, xchi eb'. Xlaj b'atj chan̈ eb' yic tzoyy 'ec' eb' 'a spatquil 'el jun yet'l xajmb'al sb'o cha, palta may xon mach xta'w 'a eb'.

A Tas Sc'ulejnac Eb' Schecab' Jesús Hechos 19:24

'Ay jun winc Demetrio sb'i, tzb'o win q'uen plata. Tzb'on win jun tzo'n̈ yechl yatutal jun sdiosal eb' tzcuch Diana. A jun sdiosal eb' cha, tolab' 'ix. A eb' tzb'on jun tzo'n̈ yechl cha, til wal tumn tzyac' ganar eb' 'a spatic.

A Tas Sc'ulejnac Eb' Schecab' Jesús Hechos 19:33

Palta 'ay jun win Alejandro sb'i. 'Ix ecx 'el'ch win 'a sat eb' 'anma chi yuj eb' yit israelal. 'Ix alx 'a 'a, tas yuj tzyam sb'a eb' 'anma'. Xlajw cha, 'ix ya'n chan̈ win sc'ab' 'a eb', toq'ue sictac tz'aj eb'. Yujto tznib'j win tzcol sb'a yet' eb' yit israelal.

A Tas Sc'ulejnac Eb' Schecab' Jesús Hechos 19:35

At win 'ajtz'ib' yic chon̈ab', c'ojnc'ojnil 'ix smontj win eb', sec sictac tz'aj eb'. Xlajw cha, xyaln win 'a eb' 'ixtic: —Ex wit chon̈ab', smasnil 'anma 'ojtnac, an̈ Efeso on̈c tic, 'ay copiso qui tan̈wniec jun yatutal qui diosal Diana niwn yel'chi, yet' jun yechl 'ix Diana chi cotnc 'a satcha'an̈.