A Tas Sc'ulejnac Eb' Schecab' Jesús Hechos 16:15 - Chuj San Sebastian Bible

¹⁵ Yuj cha, xya'n 'ajxc bautisar sb'a 'ix, yet' jantcn̈ej eb' jun yaj yet' 'a yol yatut. Xlajw xoj cha, xyaln 'ix 'ayn̈ 'ixtc on̈: —Toto tze na'a, to yel tzwa'ch in c'ojl 'a Cajlil, 'ochn̈ec 'a yol watut. Wach' tzex 'aj ta', xchi 'ix 'ayn̈ on̈. Caw xtew 'och 'ix 'ayn̈ on̈, yuj cha, on̈ 'och wan ta on̈.

Chuj San Mateo Bible

¹⁵ Ix ac'ji bautizar ix yed' jantac eb' junn̈ej yaj yed' ix d'a yol spat. Ix lajvi chi', ix yalan ix d'ayon̈: —Tato tzeyila' to yel svac'och Cajal Jesús d'a in c'ool, ol ex b'at ved' d'a in pat. Vach' tzex aj ta', xchi ix d'ayon̈. Ix tevioch ix d'ayon̈, yuj chi' ix on̈ aj ta'.

A Tas Sc'ulejnac Eb' Schecab' Jesús Hechos 16:15 Referans Kwoze

A Tas Sc'ulejnac Eb' Schecab' Jesús Hechos 11:14

A 'oj wul alnc 'ayach', chajtl 'oj aj a colchji, yet' jantcn̈ej eb' jun aj et' 'a yol atut, xchi ab' jun ángel chi 'a winac.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

A Tas Sc'ulejnac Eb' Schecab' Jesús Hechos 16:33

'A jun 'ac'wl cha, 'ix sb'icn 'el win schic'l spatquil eb' 'aj xlajwi. Xlajw cha, xya'n win 'ajxc bautisar sb'a yet' eb' jun yaj yet' 'a yol yatut cha.

Lc 24:29

Palta xyac' pural eb' syamn 'och wa'an, 'ix yaln eb' 'ixtc 'a 'a: —'Ochn̈ wan quet' on̈, yujto wan yejm c'u, wan sq'uic'b'i, xchi eb' 'a 'a. Yuj cha, x'och Jesús 'a yol n̈a, 'ix 'och wan yet' eb' ta'.

Gn 19:3

Palta ax Lot, 'ix tew 'och 'a eb', c'ojnc'ojnil 'ix 'at eb' 'a yatut Lot cha. 'Ix sb'on tas wach' tzc'ux eb', xya'n pax b'o span eb' may yich; caw wach' 'ix 'aj eb' swa'i.

3 Jn 1:8

Yuj cha, qui cuentaec qui colwj 'a eb'. Toto 'ixta', locn on̈c wan qui munlj pax yet' eb', yic tz'ec' yalnc 'el eb' jun cuynb'il caw yel.

3 Jn 1:5

Ach chamc'ojlb'il wu'uj, caw wach' xon tzotj a nab'en ta tzwab'i. Tzach laj colwj ab' 'a eb' quit creyenteal. Wach'xam man̈ ojcoc eb', palta 'ixta ab' tzotj a b'a 'a eb'.

A Sb'ab'el Carta San Pedro 5:12

A cu'tac Silvano tic, wojc xon snab'en, caw yiclum. A 'oj 'i'nc 'at jun in carta tic 'ayex. A jayb'eln̈ paxti xwalb't tic, yu'uj ax swach' jaw e nab'en ta'. A jun tzo'n̈ tic tzalni, tas tzyutj Dios ya'n swach'c'ojlal 'ayn̈ec 'a yel. Caw te'n tzeyutj e b'a 'a swach'c'ojlal tic.

Filemón 1:17

Toto tza na wet'oc, to qui wach'c'ojl qui b'a, caw tza chaj sc'och ta'. 'Icha to an tzin c'ochi, 'ixta tzotj a chan sc'och ta'.

A Scarta San Pablo D'a Eb' Aj Filipos 1:7

Caw smoj tzin na jun tzo'n̈ tic eyuj e masnil, yujto caw tzex in chamc'ojlej. Wach'xam 'aynto 'och 'a preso tic, wach'xam tzin c'och 'a yojltac eb' yajal, yic tzwalni chajtlto caw yel jun wach' 'ab'x tic, palta junn̈j tzeyutj e chan swach'c'ojlal Dios wet'oc.

Ef 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. Tic tzin tz'ib'j 'at jun in carta tic 'ayx ex yic xo Dios 'a chon̈b' Éfeso. Caw 'aych e c'ojl 'a Cristo Jesús si'mb'il.

Gl 6:10

A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

2 Co 5:14

A schamc'ojlal Cristo tz'a'n yajlil 'ayn̈ on̈. Yujto cojc on̈, 'ay jun xcham qui jelc qui masnil. Yuj cha, qui masnil 'icha to chamnc on̈c yet'oc.

Ro 16:23

A cu'tac Gayo, tzya't pax stzatzl e c'ojol. A 'a yatut tic 'ayn̈ 'ec' on̈. A 'a tic, tzyam sb'a eb' creyente smasnil. A cu'tac Erasto, molm tumn yaj 'a jun chon̈b' tic, yet' cu'tac Cuarto, tic tzya't pax eb' stzatzl e c'ojol.

2 Jn 1:10

Toto 'ay eb' tzc'och 'ayex, to chuc cuynb'ilal tz'ec' yal eb', man̈ e chach eb' 'a yol eyatut. Man̈ e c'an swachc'ojlal Dios 'a yibn̈ eb'.

A Tas Sc'ulejnac Eb' Schecab' Jesús Hechos 18:8

'Ay jun win Crispo sb'i, yajl yaj 'a jun capiya cha. 'Ix ya'ch win sc'ojl 'a Cajlil, yet' jantcn̈ej eb' jun yaj yet' 'a yol yatut. Til to wal eb' 'aj Corinto x'ab'n to spaxti Dios, 'ix ya'ch eb' sc'ojl 'a 'a. 'Ix ya'n 'ajxc bautisar sb'a eb'.

A Tas Sc'ulejnac Eb' Schecab' Jesús Hechos 8:38

Xlajwn̈ej cha, xya'n win 'ijxc 'och wan jun scaruaje cha. 'Ix 'at win yet' Felipe 'a jun a cha. Ata xyac' 'ajxc can bautisar sb'a win ta'.

A Tas Sc'ulejnac Eb' Schecab' Jesús Hechos 8:12

Ax Felipe xaln 'el 'a scal eb', tas tz'aj eb' yoch 'a yol sc'ab' Dios. 'Ix yaln 'el yab'xil Jesucristo 'a eb'. Yuj cha, 'ay eb' winac, 'ay eb' 'ix, xlaj ya'ch eb' sc'ojl 'a tas 'ix yala. Xlajw cha, 'ix laj ya'n 'ajxc bautisar sb'a eb'.

Lc 14:23

Yuj cha, xyaln pax win spatron̈ chi 'ixtc 'a 'a: A ticnec, 'ixc 'a jun tzo'n̈ xo caye, yet' 'a jun tzo'n̈ xo b'e. 'At 'ac' pural eb' laj e'n coti, sec wach' 'oj b'ut'joc 'el yol watut tic yuj eb'.

Mt 10:41

A eb' tzchan junc schecb' Dios, yujn̈ej to schecb' Dios yaji, 'oj scha eb' spac 'icha yic eb' schecb' Dios cha. A eb' tzchan junc mach tojl sb'eyb'al, yujn̈ej to tojl sb'eyb'al, 'oj scha eb' spac 'icha yic eb' tojl sb'eyb'al cha.

A Ch'an̈ Schab'il Libro Yic Yab'ixal Eb' Rey 4:8

'Ay jun c'ual 'ix 'ec' Eliseo 'a chon̈b' Sunem, ata 'ay jun 'ix 'ix caw wal rico si'mb'il, 'ix yac' pural 'ix win Eliseo chi swa yet' 'a yatut. Yuj cha, ax yic tz'ec' 'a jun lugar chi 'a junjn 'ejem, tz'e'n̈j wac 'a yatut 'ix.

A Ch'an̈ B'ab'el Libro Samuel 28:23

A Saúl ma'ix yal sc'ojl xwa'i, ax eb' schecab', yet' jun 'ix cha, 'ix yac' pural eb' swa'i. 'Ix schan sc'ojl Saúl cha. 'Ix q'ue wa'an, xlajw cha, 'ix 'em chotn 'a sti jun ch'at.

Gn 33:11

Tzin tew 'ayach, chaj jun tzo'n̈ siylab' xwij cot 'aych tic, yujto a Dios x'el 'a sc'ojl ya'n in ricoal, may jac tas tzyac' palta 'ayin, xchi. Syamn 'och Jacob wal stew 'och 'a Esaú, ax x'aji c'ojnc'ojnil schaj jun tzo'n̈ siylab' cha.

Mt 3:6

'Ix laj yal q'uet eb' smul 'a Dios. Xlajw cha, xya'n 'ajxc bautisar sb'a eb' yuj Juan 'a yojl a Jordán cha.

A Tas Sc'ulejnac Eb' Schecab' Jesús Hechos 16:31

—'A'ch a c'ojl 'a Cajlil Jesucristo, sec 'oj a colchji, yet' jantcn̈ej eb' jun aj yet' 'a yol atut, xchi eb'.

A Tas Sc'ulejnac Eb' Schecab' Jesús Hechos 16:34

Xlajw xoj cha, xyi'n 'och win eb' 'a yol yatut. 'Ix ya'n wa win eb'. Caw 'ix tzalj win yet' eb' jun yaj yet' cha, yujto xya'ch eb' sc'ojl 'a Dios.