Biblia Todo Logo
Bib sou entènèt

- Piblisite -




A Tas Sc'ulejnac Eb' Schecab' Jesús Hechos 15:32 - Chuj San Sebastian Bible

32 Ax Judas yet' Silas, a Dios tz'a'n yal-l eb' spaxti'. Yuj cha, xya'n pax eb' sniwnal sc'ojl eb' creyente cha. Til wal tas 'ix yal eb' 'a scal eb', xya'n eb' ste'nal eb' creyente cha.

Gade chapit la Kopi

Chuj San Mateo Bible

32 Axo vin̈aj Judas yed' vin̈aj Silas chi', aton eb' vin̈ yalumalel slolonel Dios, ix yac' snivanil sc'ool eb' creyente eb' vin̈. Tzijtum tas ix yal eb' vin̈ d'a scal eb', ix yac'ancan stec'anil eb' creyente chi' eb' vin̈.

Gade chapit la Kopi




A Tas Sc'ulejnac Eb' Schecab' Jesús Hechos 15:32
39 Referans Kwoze  

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.


X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.


A 'a scal eb' creyente 'a chon̈b' Antioquía, ata 'ay jun tzo'n̈ eb' tzyac' Dios yal-l spaxti', 'ayc' pax jun tzo'n̈ eb' cuywjum: atn Bernabé, yet' Simón tzcuch pax Niger, Lucio 'aj chon̈b' Cirene, Saulo, yet' pax Manaén, atn jun q'uib'nc chan̈ yet' win Herodes, win ya'jnac yajil 'a Galilea.


A cu'tac Silvano tic, wojc xon snab'en, caw yiclum. A 'oj 'i'nc 'at jun in carta tic 'ayex. A jayb'eln̈ paxti xwalb't tic, yu'uj ax swach' jaw e nab'en ta'. A jun tzo'n̈ tic tzalni, tas tzyutj Dios ya'n swach'c'ojlal 'ayn̈ec 'a yel. Caw te'n tzeyutj e b'a 'a swach'c'ojlal tic.


A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.


A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.


Caw tzal-l spaxti Dios 'a scal eb' 'anma'. Toxn̈ej tznib'j eb' yab'i', toxn̈ej ma'ay, palta caw tzaln̈ej, caw tza montj eb'. Tza tench wan eb' 'a maysch'olnil, tza'n wal snab'enoc eb'. Caw niwn tzotj a c'ojl 'a eb', tza cuyn pax eb' 'a spaxti Dios.


A ticnec, tzin b'ab'l alj 'at jun tic 'ayach. Yowlal tzon̈ tew 'a Dios, tzon̈ leslwi yuj smasnil 'anma'. Yowlal tzqui c'an 'a Dios, tzca'n pax yuj diosal yuj eb'.


Ax 'ixta tzeyutj e b'a, a 'ayx tzcalb't jun checnb'il tic on̈. Yuj Cajlil Jesucristo tzcham caln 'at 'ayx on̈, caw tzex munlj 'a tzaljc'ojlal, sec 'ay e gasto.


A eb' tz'ajx yal-l spaxti Dios 'ayex, man̈ cot eyowl 'a tas tzyal eb'.


Ex wu'tac, ex wanab', tzcham wal caln 'at 'ayx on̈, to tze xib'tj chan̈ eb' matz nib'j sb'o smunljel. Tzeya'n pax sniwnal sc'ojl eb' 'ay scusc'ojlal. Tzeyac' ste'nal eb' mant 'a yip 'a screyenteal. Caw niwn tzeyutj e c'ojl 'a eb' smasnil.


Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.


Ax cu'tac Timoteo tic xqui checb't 'ayex, yujto ya'mal pax servil Dios. Tzyaln 'el wach' 'ab'x yic Cristo quet' on̈. A xit' 'a'nc e te'nal. Xit' ya'nc e nab'enoc, sec tze wach' 'a'j 'och Cristo 'a e c'ojol.


Eyojc paxi, 'icha tzyutj junc winc ya'n cuenta yunnal, 'ixta cutjnac ca'n e nab'enoc, ca'n pax sniwnal e c'ojl on̈.


A 'a yic pecti', mant 'ic 'ajx 'ojcaxc 'el wal jun tzo'n̈ tic. Al ticnec, yuj Yespíritu xwach' 'ajx cojcoc 'el an̈ sic'b'iln̈ 'el schecb'oc tic on̈, yet' jun tzo'n̈ xo eb' schecab'.


Junjn ex tz'ajx eyal-l spaxti Dios, caw tzeyac' cuenta e b'a yet' e nab'en, sec junjnal tzeyal eyico'.


An̈jtona', toto 'ayx tzeyal-l spaxti Dios, cojxn cab' chawn̈oc, mto 'oxwn̈oc ex tzeyal-li. Ax xo e masnil, caw tzeya'ch e chicn 'a spaxti Dios chi tzalx 'ayx cha.


Palta a mach tzaln 'el spaxti Dios, a 'a eb' yit 'anmal tzyal-li, sec tz'och ste'nal eb'. Toto 'ixta', caw tzjaw snab'en eb', tz'ajx sniwnal sc'ojl eb' yu'uj.


A opiso 'oj 'a'nc ste'nal e nab'en, masnto 'oj jawc jun slajb' c'ual, sec wach' a yic 'oj jawc Cajlil Jesucristo, may jac e maysch'olnilal 'a sat.


A mach tztac' ya'n snab'enoc eb', yowlal caw tzmunlj 'a yopiso cha. A mach tztac' scolwj 'a eb' meb'a', yelc'ojlal cab' tzcolwj 'a eb'. A mach 'ay yopiso ya'n cuenta eb' yit creyenteal, caw tzyac' 'ip ya'n cuenta eb'. An̈jtona', a mach tz'o'ch sc'ojl 'a eb' 'aych 'a syailal, yowlal tzcolwj 'a eb' 'a tzaljc'ojlal.


Chucchc copiso junjn on̈ec, a tzyala tastc tz'el 'a sc'ojl Dios tzyac' 'ayn̈ junjn on̈. Yuj cha, yowlal caw tzon̈ munlj junjn on̈ 'a copiso. A mach 'ac'b'il yopiso yaln 'el spaxti Dios, yowlal tzyal-li, a tzyala jantc tzyutj ya'n 'och sc'ojl 'a 'a.


Yic 'ix c'och ta', c'uxn x'ec' yil eb' creyente 'a junjn chon̈ab'. X'ec' ya'nc snab'enoc eb'. Xlajw xoj cha, x'at 'a yol yic Grecia.


Ata xcan jun tiempoal ta'. Xlajw cha, 'ix 'atx jun 'ejm xo. 'Ix 'ec' 'a junjn chon̈b' 'ay 'a yol yic Galacia yet' 'a Frigia. C'uxn x'ec' yac' ste'nal eb' creyente 'ajtc 'ix laj 'eq'ui.


'Ix 'ec' eb' 'a yol yic Siria yet' 'a yol yic Cilicia. 'Ix 'ec' eb' yac' ste'nal eb' creyente 'a junjn iglesia.


Yuj cha, a eb' schecb' Jesús, yet' eb' anciano, 'ix smol alj eb' yet' eb' creyente smasnil. 'Ix snan eb' to tzsi'l eb' jaywn̈oc eb' creyente, yic tz'at eb' 'a chon̈b' Antioquía yet' Pablo yet' Bernabé. Xlajw cha, 'ix si'n 'el eb' Judas, tzcuch pax Barsabás, yet' Silas. A chawn̈ eb' cha, checl yaj eb' 'a sat eb' creyente.


A 'a yic jun tiempoal cha, 'ay jun tzo'n̈ winc 'ix cot 'a yol yic Judea, 'ix c'och eb' 'a chon̈b' Antioquía. 'Ix syamn 'och eb' yaln 'ixtc 'a eb' creyente: —Toto ma'oj e cha jun senya circuncisión 'a e niwnal, 'icha yutjnac yaln can Moisés, toxn ma'oj stac' e colchji, xchi ewinac.


A 'a jun tiempoal cha, 'ay jaywn̈ eb' tzyac' Dios yal-l spaxti'. 'Ix cot eb' 'a Jerusalén, xc'och eb' 'a Antioquía cha.


Til to wal tastc 'ix yal 'a eb'. 'Ix ya'n snab'enoc eb'. 'Ix yaln 'ixtic: —Colc 'elt e b'a 'a jun yailal 'oj jawc 'a yib'n̈ eb' 'anma maysch'olnil tic, xchi Pedro chi 'a eb'.


Yuj cha, yaljnac can Dios 'ixtc yuj sjelnal: 'Oj in checb't jun tzo'n̈ eb' 'oj alnc 'el in paxti 'ayex, yet' jun tzo'n̈ xo eb' in checab'. 'Ay eb' 'oj e mil chamoc. 'Ay pax eb' 'oj e pech b'eyc'oc, xchi Dios.


'Ab'ec, 'oj in checb't jun tzo'n̈ eb' schecb' Dios 'ayex, yet' eb' 'ay sjelnal 'a yic Dios, yet' eb' cuywjum. 'Ay eb' 'oj eyac' q'ue 'a spenc culus, ax scham eb' eyu'uj. 'Ay eb' 'oj e mac' 'a yol jun tzo'n̈ e capiya. 'Ay pax eb' 'oj e pech b'eyc'oc 'a junjn chon̈ab'.


An in colwj pax 'a win Darío sreyl Media 'a yic yab'lil xo yoch win reyal.


Xlajw schecx 'at eb' yuj eb' creyente 'aj Antioquía cha, 'ix 'ec' eb' 'a yol yic Fenicia yet' 'a Samaria. Ata x'ec' yal-l eb' 'a eb' creyente, chajtlto 'ay eb' man̈ israeloc 'ix sjel sb'eyb'al, 'ix ya'ch eb' sc'ojl 'a Dios. Yic 'ix yab'n eb' creyente jun cha, caw 'ix tzalj eb' smasnil.


Ax Judas yet' Silas tic, atn eb' tzqui checb't 'ayx on̈. 'Oj 'at yal eb' 'ayx si'mb'il, tas xqui b'o 'a tic on̈.


A yic 'ix yawtn eb' creyente ch'an̈, caw 'ix tzalj eb', yujto x'ajx sniwnal sc'ojl eb' yu'uj.


Swiv nou:

Piblisite


Piblisite