A Tas Sc'ulejnac Eb' Schecab' Jesús Hechos 15:28 - Chuj San Sebastian Bible

²⁸ Tzqui na on̈, yel xo wach', man̈ niwnoc checnb'il tzcalb't 'ayx on̈. 'Ixta tzna pax Yespíritu Dios quet' on̈. Yuj cha, cojn jun tzo'n̈ checnb'il tic 'oj calb't 'ayx tic on̈, an̈j yowlal tzeyiclj ta'.

Chuj San Mateo Bible

²⁸ Sco na'a, to man̈ nivanoc co checnab'il scalb'at d'ayex. Icha chi' sna pax Yespíritu Dios qued'oc. Yuj chi', a juntzan̈ checnab'il scalb'at tic d'ayex, an̈ej val yovalil tze c'anab'ajej ta':

A Tas Sc'ulejnac Eb' Schecab' Jesús Hechos 15:28 Referans Kwoze

Jn 16:13

At 'a yic 'oj jawc Yespíritu Dios caw yel, at 'oj 'a'nc nachjc 'el smasnil tas yel eyu'uj, yujto man̈ munoc 'oj yal 'a yol yico'. Jantcn̈ej tas 'oj alxc 'a 'a, an̈j 'oj yala'. 'Oj yal pax 'ayex, yuj tastc tot 'oj jawoc.

Mt 11:30

Yujto a jun 'icha 'ictz tzwac' e cuch tic, man̈ 'aloc, man̈ 'ajltacc in eya'n servil, xchi Jesús 'a eb'.

Apoc 2:24

Palta 'ayx pax 'a Tiatira cha, ma'ix eya'ch e nab'en 'a scuynb'il jun 'ix chi yet' eb'. Tzyal eb' 'ixtic: Atn jun tzo'n̈ cuynb'il yic Satanás ya snachji, ata 'aych qui nab'en, xchi eb'. Palta ax xo, ma'ix eya'ch e b'a yet' eb', may junc xo checnb'il tzwalb't 'ayex.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.

1 Co 14:37

Toto 'ayx tze na'a, to 'ay eyopiso eyaln 'el spaxti Dios, mto tze na'a, to a Yespíritu Dios tzmunlj 'ayex, nachj cab' 'el eyu'uj, atn jun tzo'n̈ schecnb'il Cajlilec tzin tz'ib'j 'at 'ayx tic.

1 Co 7:40

Palta tzin na 'an tic, tecn yel xo 'ay stzaljc'ojlal 'ix, toto man̈xtzac yij 'ix junc xo winac. Tzin na'a a Yespíritu Dios 'aych wet'oc, yic tzwaln jun tic.

A Tas Sc'ulejnac Eb' Schecab' Jesús Hechos 15:19

Yuj cha, tzin na an tic, matz tac' quixtn eb' man̈ israeloc wan ya'n 'och snab'en 'a Dios.

A Tas Sc'ulejnac Eb' Schecab' Jesús Hechos 15:8

A Dios yojtac, tas 'ay 'a snab'en junjn mach. Yuj cha, 'ix yac' Yespíritu 'a eb' man̈ israeloc cha, 'icha xyutj ya'n 'ayn̈ec. 'Ixta xyutj sch'oxni, to wach' eb' 'a sat.

A Tas Sc'ulejnac Eb' Schecab' Jesús Hechos 5:32

An̈ tic on̈, caw tzcac' testigoal qui b'a yuj jun tzo'n̈ tzcal 'ayx tic on̈. An̈jtona', 'ixta pax Yespíritu Dios, tzyac' pax testigoal sb'a quet' on̈. A Dios tz'a'n Yespíritu tic 'a jantcn̈ej mach tzyiclni tas tzyala, xchi eb'.

1 Ts 4:8

Toto 'ay mach tzchichn 'och 'a jun tzo'n̈ checnb'il tic, a 'a Dios wan schichn 'ochi, man̈oc 'a junc 'anma'. Palta atn Dios 'a'jnac 'och Yespíritu 'ayn̈ec.

1 Co 7:25

Ax xo ex cob'stac 'ix mant 'a eyichmil, may junc schecnb'il Cajlil 'oj wal't 'ayex. A tas 'oj wal't 'ayex, mun tzin na'a. Palta a tas tzwala, smoj 'ay yel'ch 'a e sat, yujto x'o'ch sc'ojl Dios 'ayin, 'ix ya'n wopiso tic.

A Tas Sc'ulejnac Eb' Schecab' Jesús Hechos 15:25

Yuj cha, xqui mol alj on̈, xqui si'n 'el jaywn̈ eb' 'a qui cal tic on̈, yic tz'at eb' 'ayx ta'. Moln 'oj 'at eb' yet' cu'tac Bernabé yet' Pablo. Atn eb' tic, chamc'ojlb'il cujec.

Mt 23:4

A jun tzo'n̈ schecnb'il eb', lajn 'icha junc 'ictz caw 'al, toxn matz q'ue xon jac cu'uj. Tztusb'tzej eb', tzya'n eb' qui cuchu'. Palta toxn matz ya'ch eb' jac yune sc'ab' st'un̈n chan̈ jac quictz cha. 'Ixta tzyutj eb' ya'n qui yiclc jun tzo'n̈ checnb'il caw ya.

A Tas Sc'ulejnac Eb' Schecab' Jesús Hechos 16:4

Ax 'a junjn chon̈b' 'ajtc 'ix laj 'ec' eb', xyaln 'el eb' jun tzo'n̈ checnb'il alb'il yuj eb' schecb' Jesús, yet' yuj eb' anciano 'ay 'a Jerusalén. 'Ix yaln Pablo 'a eb' creyente cha, to yowlal tzyiclj eb' tas tzyal jun tzo'n̈ checnb'il cha.