A Tas Sc'ulejnac Eb' Schecab' Jesús Hechos 15:17 - Chuj San Sebastian Bible

¹⁷ sec a eb' man̈ israeloc, 'oj ya'ch eb' snab'en 'ayn an Yajl in tic, atn jantcn̈ej eb' sic'b'il xon 'el wuj wico'oc 'a junjn nacion̈.

Chuj San Mateo Bible

¹⁷ yic vach' a eb' man̈ israeloc ol yac'och spensar eb' d'ayin, a in Yajal in, aton jantac eb' vic sic'b'iltaxonel vuuj d'a junjun nación.

A Tas Sc'ulejnac Eb' Schecab' Jesús Hechos 15:17 Referans Kwoze

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Is 65:1

'Ix yaln Dios 'ixtic: A eb' 'anma man̈ in nanoc yu'uj, a eb' xjaw 'ayin, a eb' matz in c'anb'n 'eq'ui, a eb' 'aj xin ch'ox in b'a. A eb' may 'aj tzyal sb'a 'ayin, a 'a eb' xwal 'ixtic: Waj 'a tic, xin chi 'a eb'.

Os 2:23

'Oj wawc pax 'ejm in chon̈b' 'a sat lum lu'um yic tz'och wico'oc. 'Ayx in chamc'ojlal 'a 'ix Man̈ Chamc'ojlb'iloc, yet' 'a win Man̈ in Chon̈b'oc, ax waln 'a eb' 'ixtic: A ticnec tzex 'ochcn in chon̈b'oc, 'oj in chioc. Ax yaln eb' 'ixtc 'ayin: Ach tic, qui Diosal ach, 'oj schic eb', xchi Dios.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

Jeremías 14:9

¿Tas yuj lajn ach xoj 'icha junc soldado satc'ojlal yaji yic tzyamchji, matz tac' scolwj jab'oc? Palta Mamin Jehová, tic wal pax 'aych 'ec' 'a qui cal on̈. Yojc smasnil 'anma', to a chon̈b' caj on̈, yuj cha, caw man̈ on̈ actc can qui ch'ocj on̈, xin chi 'a Dios.

Is 11:10

A 'a jun tiempoal cha, 'oj sch'oxl sb'a jun yin̈tl Isaí cha. Til wal 'anma 'oj cot 'a jun tzo'n̈ xo nacion̈, ax sayn 'ec' eb' 'aj 'ayc' cha, caw niwn yel'ch 'a sat eb'.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Gn 22:18

Yujto 'ix a yiclj tas 'ix wala, yuj cha, smasnil chon̈b' 'a yolyib'n̈q'uinl tic, 'oj scha eb' in yaxilal o'oj, xchi Dios 'a winac.

Miqueas 5:7

A yic cha, a eb' yin̈tl Jacob 'oj canoc, 'oj yi' cot eb' wach'ilal 'a scal nan̈loc chon̈ab', 'icha tz'aj sya'xb' te c'ultc yuj n̈ab', mto yuj chicb'chan̈ tz'em 'a 'ac'wal. A Jehová 'oj 'a'nc cot jun wach'ilal cha, man̈oc 'a eb' 'anma 'oj cotoc.

Am 9:12

'Ixta to b'i'an, a jantcto eb' 'aj Edom 'oj to canoc, yet' smasnil jun tzo'n̈ nacion̈ to wic xon yaji, 'oj 'ochcn eb' 'a yol sc'ab' yin̈tl Israel, xchi Dios. A Jehová aljnac jun tic, yowlal 'oj 'el'choc.

Jl 2:32

Palta ax smasnil eb' tzyal sb'a 'ayn an Jehová in, 'oj colchjoc can 'el eb'. 'Icha wal yaj waln cani, to a 'a tzaln Sión 'a Jerusalén, 'ay eb' 'oj colchjoc, a eb' sic'b'il 'el wu'uj, ma'oj cham eb'.

Dn 9:19

Mamin, ach Cajlil, 'ab' wal tas tzwal 'ayach. 'A'n̈ niwnc'ojlal yuj qui mul on̈, pactzej tas tzwal 'aych Mamin, colwjan̈ quet' on̈. Caw wal b'inab'ilch Mamin, man̈ e'c tiempo on̈ a colni, yujto caw 'ojcab'il to ec on̈ an̈ 'aj Jerusalén on̈ tic, xin chi 'a in lesal.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Nm 24:23

Xyaln pax 'ixtic: ¡'Ay! ¿Tom 'ayt mach 'oj can 'a spitznal yic 'oj sb'onc Dios jun tzo'n̈ tic?

Nm 6:27

'Ixta 'oj yutc eb' in sb'inan 'a yib'n̈ eb' eyit israelal, an xo 'oj wac' in yaxilal 'a yib'n̈ eb', xchi Dios.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

Dt 28:10

Toto 'ixta', ax smasnil eb' nacion̈ 'ay 'a yolyib'n̈q'uinl tic, 'oj yojcoc 'el eb' chajtlto sic'b'ilx 'el yuj Jehová, yuj cha, caw 'oj xiw eb' 'ayex.

Is 63:19

'Icha xo wal to man̈oc ach tzac' yajlil 'a quib'n̈ on̈, 'icha wal to may 'aj xb'inaxi toto ec on̈ on̈.

Santiago 2:7

A eb' cha, ton̈j tzb'uchwj eb' 'a Cristo, jun niwn yel'chi, atn jun 'ayn̈ec yico'.