A Tas Sc'ulejnac Eb' Schecab' Jesús Hechos 14:22 - Chuj San Sebastian Bible

²² X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Chuj San Mateo Bible

²² Ix laj ec' eb' vin̈ yiptzitej eb' creyente d'a juntzan̈ chon̈ab' chi', ix ec' ac'jican stec'anil spensar eb' yuj eb' vin̈. Ix yalancan eb' vin̈ icha tic d'a eb': —Tec'an tzeyutej e b'a eyac'anoch Cajal Jesús d'a e c'ool, yujto ayic manto on̈ c'och d'a yol sc'ab' Dios, yovalil nivan yaelal ol ja d'a quib'an̈, xchi eb' vin̈.

A Tas Sc'ulejnac Eb' Schecab' Jesús Hechos 14:22 Referans Kwoze

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.

2 Ti 3:12

A eb' tznib'j tojl tzyutj sb'eyb'al, junxn̈ej tz'ajcn eb' yet' Cristo Jesús, wal yel 'oj 'ajxc 'och 'a yib'n̈ eb' yuj eb' yit 'anma'il.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

Apoc 2:10

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

2 Ti 1:8

Yuj cha, man̈ ach q'uixwc aln 'el yab'xil Cajlil. An̈jtona', man̈ ach q'uixwc pax wu'uj, yujto preso waj yuj waln 'el yab'xil. Man̈ ach xiw ab'n pax syal yuj jun wach' 'ab'x yic colnb'il, yujto a Dios wan ya'n spoder 'aych wet'oc.

A Tas Sc'ulejnac Eb' Schecab' Jesús Hechos 18:23

Ata xcan jun tiempoal ta'. Xlajw cha, 'ix 'atx jun 'ejm xo. 'Ix 'ec' 'a junjn chon̈b' 'ay 'a yol yic Galacia yet' 'a Frigia. C'uxn x'ec' yac' ste'nal eb' creyente 'ajtc 'ix laj 'eq'ui.

Mt 10:38

A mach matz yal sc'ojl tzyab' syal wuj 'icha 'oj waj 'a spenc culus, man̈ smojc yoch wico'oc.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.

A Schab'il Carta San Pedro 1:11

Toto 'ixta', caw yelc'ojlal 'oj qui chaxec 'och 'a yol sc'ab' Cajlil Jesucristo, atn qui Colmalec. Ata 'oj qui canc 'a jun 'ejmn̈ej.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

1 Co 1:8

A opiso 'oj 'a'nc ste'nal e nab'en, masnto 'oj jawc jun slajb' c'ual, sec wach' a yic 'oj jawc Cajlil Jesucristo, may jac e maysch'olnilal 'a sat.

A Tas Sc'ulejnac Eb' Schecab' Jesús Hechos 15:41

'Ix 'ec' eb' 'a yol yic Siria yet' 'a yol yic Cilicia. 'Ix 'ec' eb' yac' ste'nal eb' creyente 'a junjn iglesia.

A Tas Sc'ulejnac Eb' Schecab' Jesús Hechos 15:32

Ax Judas yet' Silas, a Dios tz'a'n yal-l eb' spaxti'. Yuj cha, xya'n pax eb' sniwnal sc'ojl eb' creyente cha. Til wal tas 'ix yal eb' 'a scal eb', xya'n eb' ste'nal eb' creyente cha.

Lc 24:26

A Cristo, toxn to yowlal xyab' syal jun tzo'n̈ cha, yic mantzac 'och Yajlil, xchi 'a eb'.

Mt 16:24

Xlajw cha, xyaln pax 'ixtc 'a eb' scuywum: —Toto 'ay mach tznib'j tz'och in cuywumoc, yowlal man̈x yico'oc sb'a sch'ocoj. Yab' cab' syail, toxn̈ej tz'ajx 'och 'a spenc culus. Toto 'ixta', 'och cab' in cuywumoc.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Jn 15:20

Caw tze na cot jun paxti 'ix wal 'ayx tic: May junc moso 'ec'b'al yel'ch 'a yib'n̈ spatron̈, xin chi 'ayex. 'Icha tzya'ch eb' yailal 'a wib'an̈, 'ixta 'oj yutc eb' ya'n 'och 'a eyib'n̈ jun xo. Toto 'ix syiclj eb' in paxti an tic, 'oj syiclc pax eb' eyic jun xo.

Is 35:3

'A'c 'och ste'nal eb' to may yip sc'ab', 'a'c yip eb' 'icha to sicb'nac 'el yoc.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

A Tas Sc'ulejnac Eb' Schecab' Jesús Hechos 13:43

Ax yic xlajw jun culto cha, til wal eb' israel x'at yet' Pablo yet' Bernabé. 'Ay pax eb' 'ochnc 'a scuynb'il eb' israel cha, x'at pax eb' yet' eb'. Yuj cha, xyaln Pablo yet' Bernabé 'a eb', chajtlto te'n tzyutj sb'a eb' ya'n 'och sc'ojl 'a schamc'ojlal Dios.

A Tas Sc'ulejnac Eb' Schecab' Jesús Hechos 6:7

A spaxti Cajlilec, caw 'ix wach' pucl 'a scal eb' 'anma'. Yuj cha, caw xwach' niwnb'i sb'isl eb' creyente 'a Jerusalén cha. Ax eb' ya'mal 'och sti eb' israel 'a Dios, caw niwn eb' xya'ch 'a sc'ojol.

Mr 10:30

caw niwn spac 'oj scha'. 'Oj 'ajxoc junc ciente yatut, yu'tac, yanab', snun, yunnal, yet' slum 'a jun tiempoal tic. 'Oj yab' ton eb' syal yuj eb' 'anma', palta ax 'a yic jun tiempoal 'oj jawoc, 'oj scha eb' sq'uinl 'a jun 'ejmn̈ej.

Mr 9:47

Toto yuj junc yol e sat tzjuw 'el e nab'en, yel xo wach' tzeyij 'elta, sec ma'oj juwc 'el e nab'en yuj 'a jun 'ejmn̈ej. Yujto wach'xam junxn̈ej yol e sat, toto 'oj e cha e q'uinl 'a jun 'ejmn̈ej, caw wach' eyico'. Palta wach'xam tz'acn yol e sat, toto 'oj e 'atcn 'a infierno 'a scal c'ac' may b'a'n̈ tztupi, toto 'ixta', caw maysch'olnil eyico'.

Jn 3:5

—Wal yel tzwal 'ayach, a mach matz 'alj 'a a a', yet' yuj Yespíritu Dios, ma'oj stac' yoch 'a yol sc'ab' Dios.

Mt 19:24

Tzwaln pax 'ayex: Q'uinloc 'ay junc no cameyo, ¿tom 'oj stac' yec' no 'a yixl junc 'acxa'? 'Ixta eb' rico, yel xo wal teb'il 'oj 'och eb' 'a yol sc'ab' Dios, xchi 'a eb'.

Jn 15:18

Toto 'ay eb' yic yolyib'n̈q'uinl tic tzchichn 'och 'ayex, nac coti, to a 'ayn tzb'ab'l chichn 'och eb'.

A Tas Sc'ulejnac Eb' Schecab' Jesús Hechos 11:26

Ata x'ec' eb' jun ab'il 'a scal eb' creyente ta'. Til wal mach x'ec' laj scuy eb'. A 'a jun chon̈b' cha, ata xpitzw junx sb'i eb' creyente, 'ix 'ajx sb'ic eb' cristiano.

A Tas Sc'ulejnac Eb' Schecab' Jesús Hechos 11:29

Yuj cha, ax eb' creyente 'aj Antioquía, 'ix 'el 'a sc'ojl eb' scolwj 'a eb' creyente 'aj Judea. A tzyala, jantc tztac' ya'n junjn eb'.

A Tas Sc'ulejnac Eb' Schecab' Jesús Hechos 14:20

Palta ax yic xc'och oynjoc eb' creyente 'a 'a, 'ix q'uex wa'an. 'Ix 'ochx 'a yol chon̈b' jun 'ejm xo. Ax 'a junx c'u, 'ix 'atx yet' Bernabé 'a chon̈b' Derbe.

A Tas Sc'ulejnac Eb' Schecab' Jesús Hechos 14:28

Niwn tiempo 'ix 'och wan eb' yet' eb' creyente ta'.

A Scarta San Pablo D'a Eb' Aj Filipos 1:29

Yuj swach'c'ojlal Cristo sch'ox 'ayn̈ec, man̈ cojnoc on̈ec 'ay caln quic ca'nec 'och qui c'ojl 'a 'a, palta 'ay calnec pax quic cab'n syal yu'uj.

A Sb'ab'el Carta San Pedro 2:21

On̈ yawtjec 'och Dios yico'oc, sec tzcab'c syal yuj qui wach' b'eyb'alec tic. Yujto a Cristo, yab'jnac syal cujec. 'Ixta yutjnac sch'oxn swach' b'eyb'al 'ayn̈ec, sec a tzqui b'eylb'ejec.

A Sb'ab'el Carta San Pedro 5:9

Caw te'n tzcutjec qui coln qui b'a 'a 'a. Te'n tzcutjec ca'n 'och qui c'ojl 'a Dios. Yujto cojquec xo, to a eb' quit creyenteal 'a yolyib'n̈q'uinl tic, wan yab'n pax eb' syal 'icha 'on̈c tic.