A Tas Sc'ulejnac Eb' Schecab' Jesús Hechos 14:15 - Chuj San Sebastian Bible

¹⁵ —Ex winac, ¿tas yuj tze b'o jun tic 'ixtic? An̈ tic on̈, caw 'anman̈n̈ej on̈, 'icha ex tic. To tzwul 'ajxc cal jun wach' 'ab'x 'ayx on̈, 'actjec eyaln e b'a 'a jun tzo'n̈ comn dios may jac yel'chi. Tzeya'n 'och e nab'en 'a Dios pitzan. A b'ojnac satcha'an̈, yet' lum lum tic. Sb'ojnac pax a mar, yet' smasnil tas 'ay 'a 'a.

Chuj San Mateo Bible

¹⁵ —Ex quetanimail, ¿tas yuj icha tic tzeyutej e b'a? A on̈ tic, anima on̈ icha ex tic. Yuj chi' tzul cal d'ayex to tzeyactejcan juntzan̈ e b'eyb'al tic, yujto nab'an̈ej tzeyixtej e b'a. Q'uexec e b'eyb'al, aq'uec och e pensar d'a jun Dios to d'a val yel pitzan. A' b'ojinac satchaan̈ yed' sat luum tic. Sb'oannac pax a' mar yed' masanil tastac.

A Tas Sc'ulejnac Eb' Schecab' Jesús Hechos 14:15 Referans Kwoze

Santiago 5:17

A 'e'nc Elías 'a pecti', 'anman̈ej win 'icha on̈c tic. A yic sleslwi 'a smasnil sc'ojol, sec matz yac' n̈ab', nan̈l schan̈l ab'il man̈x 'ic yac' n̈ab' yu'uj.

1 Co 8:4

Ax ticnec, 'oj wal yuj jun tzo'n̈ tas tzc'uxxi, yic tox x'ajx xajmb'al-l 'a jun tzo'n̈ tzalx 'och diosal cha. A jun tzo'n̈ tzalx 'och diosal cha, cojquec, may jac yopiso eb' 'a yolyib'n̈q'uinl tic. Yujto cojn jun Dios 'ay, may junc xo.

A Tas Sc'ulejnac Eb' Schecab' Jesús Hechos 10:26

Palta 'ix squetzn chan̈ Pedro cha, 'ix yaln 'a 'ixtic: —Quen̈ lin̈an, yujto quit 'anmal qui b'a, xchi.

A Ch'an̈ B'ab'el Libro Samuel 12:21

Man̈ ex 'och tza'n yuj jun tzo'n̈ comn dios may jac yel'chi, matz tac' scolwj eyet'oc, matz tac' ex scoln paxi.

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Gn 1:1

A 'a yic x'el yich sb'o smasnil, 'ix sb'o Dios satcha'an̈ yet' lum lu'um.

1 Ts 1:9

Yujto smasnil eb', wan laj yalnc eb' eyab'xil, chajtlto wach' e chajnacn̈ on̈, yic quec' 'ayx on̈. Wan yaln pax eb', chajtl eyutjnac eyactn can jun tzo'n̈ eyaljnac 'och e diosaloc, eyamn 'och eya'n servil Dios pitzan, atn Dios caw yel.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Jonás 2:8

A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

A Tas Sc'ulejnac Eb' Schecab' Jesús Hechos 4:24

Yic 'ix yab'n eb' yitb'eym eb' cha, junn̈j xleslwi eb' smasnil 'a Dios. 'Ix yaln eb' 'ixtic: —Mamin, ach qui Diosal on̈, ach a b'ojnac satcha'an̈, yet' lum lum tic, yet' a mar, yet' smasnil tas 'ay 'a 'a.

Mt 16:16

Yuj cha, 'ix ta'w Pedro 'ixtc 'a 'a: —Ach tic Cristo ach, Yunnal ach Dios pitzan, xchi 'a 'a.

Jeremías 32:17

Mamin Jehová, yet' wal a niwn poder yet' pax a jelnal 'ix a b'on satcha'an̈, yet' lum lum tic. Caw may tas 'ajltac sb'o 'ayach.

Salmos 31:6

Caw tzin chac eb' 'anma tzyac' 'ejm sb'a 'a jun tzo'n̈ yechl to may jac yel'chi. Palta an xo tic, cojn ach tzach wa'ch yipc in c'ojol.

Ex 20:11

Yujto an Jehová in, waquen̈ej c'u in munlji yic xin b'on satcha'an̈, lum lu'um, a mar yet' smasnil tas 'ay 'a 'a, ax 'a yucl c'ual, in 'ilji. Yuj cha, a jun yucl c'u cha, wic yaji, niwn yel'ch cab' 'ayex.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.

A Tas Sc'ulejnac Eb' Schecab' Jesús Hechos 14:21

Ata x'ec' yalcn 'el eb' wach' 'ab'x yic colnb'il. Til wal 'anma xya'ch sc'ojl 'a Cajlil yuj eb'. Xlajw cha, x'atx eb'. 'Ix 'e'x eb' 'a chon̈b' Listra, yet' 'a Iconio, yet' 'a Antioquía jun 'ejm xo.

Jn 7:18

A mach tzpaxtin 'a yol yico', ton̈j tzb'an̈ sb'a, sec 'ay yel'ch 'a sat eb' 'anma snani. Palta an tic, tzin nib'ej to a jun checjnacn coti, 'ay yel'ch 'a e sat. Yuj cha, caw yel tzwala. May jac 'es tzwac'a.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Jeremías 8:19

Caw wal tz'ab'x yel yaw eb' wit chon̈b' 'a smasnil yol qui nacion̈ tic. ¿Tom man̈x 'ayc 'ec' Jehová 'a Sión? ¿Tom man̈x 'ayc 'ec' qui Reyl ta'? xchi eb'. 'Ix ta'w Jehová 'a eb' 'ixtic: ¿Tas yuj xe tzuntzj cot yowl in c'ojol, yic xeyaln e b'a 'a jun tzo'n̈ yechel, atn jun tzo'n̈ comn dios may jac yel'chi, chuc 'aj cotnac? xchi 'a eb'.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Is 45:20

Tzyaln pax Dios 'ixtic: Jantcn̈ej mach 'atnc can 'eloc, molb'tzejc e b'a, tzex coti. Caw wal may jac e nab'en, yuj cha, a te te tzeya'ch e diosaloc, tzlaj e b'achnb'eyc'oc, tzeyaln e b'a 'a jun dios to matz tac' scolwji.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Salmos 124:8

A jun qui colnb'ilec tic, ata tzcot 'a Jehová qui Diosalec, atn jun b'ojnac satcha'an̈ yet' lum lum tic.

Salmos 33:6

Yujn̈ej spaxti', 'ix b'o satcha'an̈ yet' smasnil tas 'ay 'a 'a, cojn to 'ix yala, 'ix b'o smasnil.

Dt 5:26

Toc 'ay junc 'anma tz'ab'n spaxtin Dios pitzan, 'icha wal xcutjec cab'n spaxtin 'elt an̈ec tic 'a scal c'ac', to matz chami.

Apoc 22:9

Palta xyaln 'ixtc 'ayin: —Man̈ a b'o 'ixtic, yujto an tic, ya'mal in pax servil Dios et'oc, yet' eb' et creyenteal. Atn eb' schecab', yet' jantcn̈ej eb' tzyiclni tas 'ix tz'ib'x can 'a jun libro tic. A 'a Dios tzal a b'a.

Apoc 19:19

Xlajw cha, xwilni, 'ayc' jun noc' sb'i. 'Ayc' pax eb' rey yic yolyib'n̈q'uinal yet' eb' soldado eb'. 'Ix syamn sb'a eb' smasnil, yic tzya'n eb' owl yet' jun 'ay q'ue 'a yib'n̈ chej, yet' eb' soldado tza'n 'och yu'uj.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.

A Tas Sc'ulejnac Eb' Schecab' Jesús Hechos 27:25

Yuj cha, tzaljan̈c ex wit 'anma'il, yujto tzwa'ch Dios yipc in c'ojol, yowlal 'oj 'el'choc 'icha xyal jun ángel chi 'ayin.

A Tas Sc'ulejnac Eb' Schecab' Jesús Hechos 27:21

Niwn tiempo man̈xtoc on̈ wa 'on̈, ax Pablo xq'ue lin̈n 'a qui cal on̈, 'ix yaln 'ixtic: —Ex wit 'anma'il, octom wal xe chaj eyab' 'ayin tas 'ix wala. Octom ma'on̈ cotc 'a lugar Creta cha, to 'ixta', ma'ix jaw jun tic 'a quib'n̈ec, may pax jac tas 'ix satli.

A Tas Sc'ulejnac Eb' Schecab' Jesús Hechos 27:10

'Ix yaln 'ixtc 'a eb': —Ex wit 'anma'il, tzwila, caw wal 'ay smay tzon̈ 'at ticnec. 'Oj satl te barco yet' yictz smasnil. 'Ay pax smay 'oj qui chamec, xchi 'a eb'.

A Tas Sc'ulejnac Eb' Schecab' Jesús Hechos 16:30

Xlajwn̈ej cha, xyi'n 'elt win eb'. 'Ix sc'anb'n win 'ixtc 'a eb': —Ex winac, ¿tas wal 'oj wutc in b'a, sec tzin colchji? xchi win 'a eb'.

A Tas Sc'ulejnac Eb' Schecab' Jesús Hechos 14:7

Ata x'ec' yalcn 'el eb' wach' 'ab'x yic colnb'il.

A Tas Sc'ulejnac Eb' Schecab' Jesús Hechos 13:32

'Ixta on̈ pax an̈ tic on̈, wan caln pax 'el jun wach' 'ab'x tic 'ayx on̈, chajtlto a Dios ya'jnac can sti 'a eb' qui mam quichmec.

A Tas Sc'ulejnac Eb' Schecab' Jesús Hechos 7:26

Ax 'a yic junx c'u, 'ix c'och 'a chawn̈ xo eb' yit chon̈ab'. 'Ix yilni, wan ya'n eb' owal. Tznib'j Moisés tzcan eb' 'a junc'ojlal. Yuj cha, xyaln 'a eb' 'ixtic: Ex winac, ¿tas yuj tzeyac' owal? 'In eyit chon̈b' e b'a, xchi 'a eb'.

Jn 5:26

Yujto a 'in Mam, 'ay spoder ya'n sq'uinl eb' 'anma'. Ya'jnac can pax jun spoder chi 'ayn an Yunnaln tic. Yuj cha, an̈jtona 'in, tztac' wa'n pax sq'uinl eb'.

Am 2:4

A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

A Ch'an̈ Schab'il Libro Yic Yab'ixal Eb' Rey 19:16

Mamin Jehová, comnoc wal tza maclj ab'i', tzel wal jun tic yet' a sat. Mamin Jehová tzab'n tas 'ix yal cot Senaquerib 'ayin, caw tu 'ix yal 'ayach, ach qui Diosal on̈, pitzn ach.

A Ch'an̈ Schab'il Libro Yic Yab'ixal Eb' Rey 19:4

Comnoc wal 'ix yab' Jehová qui Diosalec jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj on̈, yuj jaywn̈ on̈ to tzon̈ cani, xchi Ezequías, xchi eb'.

A Ch'an̈ B'ab'el Libro Yic Yab'ixal Eb' Rey 16:26

'Ix sb'eylb'ej win sb'eyb'al win Jeroboam yunnal Nabat, atn win 'ix jucb'tzan eb' yit israelal 'a maysch'olnil. 'Ix yij cot eb' yowl sc'ojl Jehová Dios 'a yib'an̈, yujto xyal sb'a eb' 'a jun tzo'n̈ comn dios.

A Ch'an̈ B'ab'el Libro Yic Yab'ixal Eb' Rey 16:13

Yuj wal smasnil smul Baasa yet' yic win Ela, 'ix 'och smul eb' sjucb'tzan eb' yit israelal 'a maysch'olnil, x'at yi'nc 'ejm sb'a eb' 'a jun tzo'n̈ comn dios, caw 'ix yij cot eb' yowl sc'ojl Jehová 'a yib'an̈, yuj cha, 'ix satl eb'.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

Gn 41:16

Xta'w José chi 'ixtic: —Man̈ munoc wico' tznachj 'el wu'uj, palta a Dios 'oj alnoc tas tzyal 'el'ch a waych cha, yic tz'och a wach'loc, xchi José cha.

Salmos 115:15

A Jehová b'ojnac satcha'an̈ yet' lum lum tic, ya' cab' swach'c'ojlal 'a quib'n̈ec.

Jeremías 51:15

A Jehová 'ix b'on lum lum tic yet' spoder, yet' sjelnal 'ix sb'on yolyib'n̈q'uinl tic, yet' swach' nab'enal, 'ix sb'on satcha'an̈.

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.