A Tas Sc'ulejnac Eb' Schecab' Jesús Hechos 13:45 - Chuj San Sebastian Bible

⁴⁵ Palta ax xyiln eb' israel, chajtlto til wal 'anma 'ix syam sb'a. Yuj cha, 'ix chichn 'och eb' 'a Pablo cha. 'Ix cob' yalnc eb' to yes. Ton̈j xb'uchwj eb' 'a 'a.

Chuj San Mateo Bible

⁴⁵ Palta axo ix yilan eb' israel to tzijtum anima ix smol sb'a, ix chichonoch sc'ool eb' d'a vin̈aj Pablo chi'. Ix laj yalan eb' to es juntzan̈ syal vin̈ chi'. Ton̈ej ix b'uchvaj eb' d'a vin̈.

A Tas Sc'ulejnac Eb' Schecab' Jesús Hechos 13:45 Referans Kwoze

San Judas 1:10

Ax eb' tic, ton̈j tzcomn b'uchwj eb' 'a junc man̈ yojcoc. 'Ay jun tzo'n̈ tas yojc eb', atn tas yojc xon junc noc' may snab'en. A 'a jun tzo'n̈ tic tzwach' 'a'j juwc 'el sb'a eb'.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.

1 Ts 2:16

A yic tzcaln 'el 'ab'x 'a eb' man̈ israeloc on̈, sec tzcolchj eb', palta ax eb' israel, caw matz chaj eb' cal-l on̈. Yuj cha, yel xo wal tzwach' niwtj smul eb' 'a Dios. Yuj cha, a ticnec tox xya'ch jun niwn yailal 'a yib'n̈ eb' 'a jun 'ejmn̈ej yuj yowl sc'ojol.

A Tas Sc'ulejnac Eb' Schecab' Jesús Hechos 19:9

Palta 'ay jun tzo'n̈ eb' caw pit. Toxn matz nib'j eb' tzya'ch 'a sc'ojol. X'ec' laj yalnc eb' 'a eb' 'anma', chajtlto maysch'olnil jun cuynb'il yic eb' creyente cha. Yuj cha, 'ix yi'n 'el sb'a Pablo 'a eb'. 'Ix yi'n 'at sb'a yet' eb' creyente 'a jun escuela yic jun win Tirano sb'i. Ata xyal-l spaxti Dios 'a eb' 'a junjn c'u.

A Tas Sc'ulejnac Eb' Schecab' Jesús Hechos 5:17

Ax win sat ya'mal 'och sti eb' israel 'a Dios, yet' smasnil ewin yitb'eym winac, atn ewin saduceo, caw xchacb' 'el sat ewin yuj schichnc'ojlal.

A Sb'ab'el Carta San Pedro 4:4

Ax eb' man̈ 'ojtnacoc Dios, tzsat sc'ojl eb' ticnec, yujto man̈xtzac e mol b'oj jun tzo'n̈ caw maysch'olnil chi yet' eb'. Yuj cha, tzb'uchwj eb' 'ayex.

1 Co 3:3

yujto an̈ja a e nab'en tzex 'a'n mandar. 'In an̈ja 'ay e chichnc'ojlal, an̈ja tze nib'j tze pojl e b'a. Yuj cha, tzyal 'el'chi, an̈ja e nab'en tzex 'a'n mandar. Lajnn̈ej tzeyutj e b'a yet' eb' mant 'ojtnacoc Dios.

A Tas Sc'ulejnac Eb' Schecab' Jesús Hechos 17:5

Palta 'ay pax eb' israel ma'ix ya'ch 'a sc'ojol. Yic 'ix yiln eb', caw xcot yowl eb'. 'Ix ya'n eb' syam sb'a jun tzo'n̈ ewin maysch'olnil snab'en. A ewin cha, ton̈j tz'ec' ewin sayc' maysch'olnil 'a caye. Xlajw ya'n eb' sc'ojloc ewinac, 'ix ya'n eb' syam sb'a eb' chon̈b' smasnil. 'Ix ya'n eb' q'ue somnjoc eb' 'anma chi yowxi. Xlajw cha, xya'n ewin yip yecn 'och sb'a 'a yol yatut win Jasón, yujto a snan ewinac, to ata 'ayc' Pablo yet' Silas. 'Ix snib'j ewin yic' 'elt eb', tzya'n 'elt ewin eb' 'a sat eb' chon̈ab'.

Mt 27:18

'Ixta xyal winac, yujto yojc xoni, to yuj schichnc'ojlal ewin sat ya'mal 'och sti eb' 'anma 'a Dios, 'ix ya'n 'och ewin Jesús 'a yol sc'ab'.

Santiago 4:5

¿Tom tze na'a, to may yel'ch tas tzyal spaxti Dios 'a Ch'an̈ U'un̈ 'a 'aj tzyal 'ixtic: A Dios 'ix 'a'n 'och cajn Yespíritu 'ayn̈ junjn on̈. Caw wal tznib'j Yespíritu cha, to yic on̈cn̈ej 'a jun 'ejmn̈ej, xchi.

Gl 5:21

Tznib'n 'och eb' tastc 'ay 'a junc xo mach. 'U'm 'an̈ eb'. Toxn̈ej tzlaj b'uylji eb'. Tzb'on pax eb' jun tzo'n̈ xo lajn yet' jun tzo'n̈ tic. Tzwalb't 'ayx ticnec, 'icha wutjnac waln 'ayx 'a jun 'el, a eb' tzb'on jun tzo'n̈ tzwal tic, toxn may xon yaln eb' yic sc'och 'a yol sc'ab' Dios.

Ro 1:29

C'aync eb' yet' jantcn̈ej tu nab'enal, [yet' 'ajmulal]. An̈j maysch'olnil 'aj 'aych snab'en eb'. Tznib'j 'och eb' ricoal. Caw tu eb'. Tznib'n 'och eb' tas 'ay 'a junc xo mach. Ma'm cham 'anma eb'. 'A'm owl eb'. 'Ixtm 'anma eb'. Caw palta sb'eyb'al eb'. Alm peclal pax eb'.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Ec 4:4

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Nm 11:29

'Ix ta'w Moisés, xyaln 'ixtic: —¿Tom tza nib'j cojn in niwn wel'ch 'a scal eb' 'anma tic? Comnoc wal tz'el 'a sc'ojl Jehová, tzyac' Yespíritu 'a smasnil eb' schon̈b' tic, sec wach' tz'ochcn eb' schecb'oc, xchi.

Gn 37:11

'Ixta x'aj swach' chichn 'och eb' yu'tac chi 'a 'a, ax win mamb'il cha, niwn sna yuj jun swaych José cha.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

A Tas Sc'ulejnac Eb' Schecab' Jesús Hechos 13:50

Palta ax eb' israel x'a'n sc'ojloc eb' yajl yaj 'a jun chon̈b' cha. 'Ay pax jun tzo'n̈ eb' x'ochnc 'a scuynb'il eb' israel, checl yaj eb' 'a sat eb' 'anma', 'ix 'ajx pax sc'ojloc eb'. 'Ix syamn 'och eb' ya'n stul 'a Pablo yet' 'a Bernabé. 'Ix spechn 'el eb' 'a jun lugar cha.

A Tas Sc'ulejnac Eb' Schecab' Jesús Hechos 14:2

Palta 'ay eb' israel ma'ix 'a'n 'och 'a sc'ojol. 'Ix ya'n eb' sc'ojloc jun tzo'n̈ eb' man̈ israeloc, sec tzchichn 'och eb' 'a eb' creyente cha.

A Tas Sc'ulejnac Eb' Schecab' Jesús Hechos 14:4

Palta ax eb' 'anma 'a jun chon̈b' cha, chab' x'el eb'. Nan̈l eb' xcan yet' eb' israel. Ax nanl xo eb' x'och yet' eb' schecb' Jesús cha.

A Tas Sc'ulejnac Eb' Schecab' Jesús Hechos 14:5

Ax eb' israel cha, yet' jun tzo'n̈ eb' man̈ israeloc, 'ix slajtin sb'a eb' yet' ewin yajl chon̈ab'. 'Ix smol aln eb', chajtlto 'oj sb'aj eb' Pablo yet' Bernabé, ax sjuln cham eb' yet' q'uen q'uen snani.

A Tas Sc'ulejnac Eb' Schecab' Jesús Hechos 14:19

Palta 'ay jaywn̈ eb' israel 'aj Antioquía xc'ochi, yet' jaywn̈ xo eb' 'aj Iconio. 'Ix ya'n eb' sc'ojloc eb' 'anma cha. Yuj cha, xlaj sjulq'uenan eb' Pablo cha, a snan eb' to xchami. X'at sjucn can 'el eb' 'a sti 'el schon̈ab'.

2 Co 11:26

Til wal 'ajtc b'eync in 'eq'ui. 'Ay 'aj 'ay smay yuj a niwc a', yet' pax yuj eb' 'elc'um. 'Ay 'aj 'ay smay yuj eb' wit chon̈ab', yet' pax yuj eb' man̈ wit chon̈b'oc. 'Ay 'aj 'ay smay 'a jun tzo'n̈ chon̈ab', yet' 'a b'esan, yet' pax 'a yib'n̈ a mar. 'Ay pax 'aj 'ay smay 'a scal eb' tzcob' yalch sb'a cu'tacoquec.

2 Ti 3:11

An̈jtona', lajn pax a te'nal wet' 'a scal jun tzo'n̈ tas tz'ajx 'och 'a wib'an̈, yet' jun tzo'n̈ xo tas tzwab' syail. 'In ojc xo, caw in 'ixtxi, yic wec' 'a chon̈b' Antioquía, 'a Iconio, yet' 'a Listra. Til wal wab'jnac syal 'a jun tzo'n̈ chon̈b' cha, palta a Cajlil, a coljnacn can 'el 'a yol sc'ab' smasnil.