A Tas Sc'ulejnac Eb' Schecab' Jesús Hechos 11:24 - Chuj San Sebastian Bible

²⁴ Yujto a Bernabé cha, caw wach' snab'en, caw 'aych Yespíritu Dios 'a 'a. Caw tzya'ch wal sc'ojl 'a Cristo. Yuj cha, til wal eb' 'aj chon̈b' chi xya'ch sc'ojl 'a Cajlil yu'uj.

Chuj San Mateo Bible

²⁴ Icha chi' ix yutej vin̈aj Bernabé chi' yalan d'a eb', yujto te vach' spensar vin̈. Te ayoch Espíritu Santo yed' vin̈. Syac' val och Dios vin̈ d'a sc'ool. Yuj chi' tzijtum val eb' aj chon̈ab' chi' ix ac'anoch Cajal Jesús d'a sc'ool yuj vin̈.

A Tas Sc'ulejnac Eb' Schecab' Jesús Hechos 11:24 Referans Kwoze

A Tas Sc'ulejnac Eb' Schecab' Jesús Hechos 11:21

Ax Cajlilec, caw x'och yet' eb' creyente cha. Yuj cha, til wal 'anma 'ix sjel sb'eyb'al, 'ix ya'n 'och eb' sc'ojl 'a Cajlilec.

A Tas Sc'ulejnac Eb' Schecab' Jesús Hechos 5:14

Til wal eb' winac, yet' eb' 'ix 'ix xya'ch sc'ojl 'a Cajlil.

A Tas Sc'ulejnac Eb' Schecab' Jesús Hechos 6:5

Caw 'ix tzalj eb' smasnil yuj jun paxti cha. Atn eb' tic 'ix si'x 'elt yuj eb': a Esteban, caw 'aych sc'ojl 'a Dios, caw 'aych Yespíritu 'a 'a, yet' Felipe, Prócoro, Nicanor, Timón, Parmenas, yet' pax Nicolás 'aj Antioquía. A Nicolás tic, 'ochnc 'a scuynb'il eb' israel 'a yic yalan̈.

Ro 15:15

Wach'xam 'ixta ex, palta caw matz in xiw in tz'ib'n 'at jun tzo'n̈ cuynb'il tic 'ayex, sec matz sat e c'ojl 'a 'a. 'Ixta tzwutj in b'a, yujto a Dios 'a'jnac jun wopiso tic yuj swach'c'ojlal.

A Tas Sc'ulejnac Eb' Schecab' Jesús Hechos 9:31

'Ixta to b'i'an, 'ix 'och wan jun owl chi 'a yib'n̈ eb' creyente smasnil 'a Judea, 'a Galilea, yet' 'a Samaria. Caw xlaj 'och ste'nal eb'. 'Ay xiwc'ojlal eb' 'a Cajlil. 'Ix 'och Yespíritu Dios yet' eb'. Yuj cha, 'ix niwtj chan̈ sb'isl eb'.

A Tas Sc'ulejnac Eb' Schecab' Jesús Hechos 6:8

Ax Esteban, til wal swach'c'ojlal Dios 'ix scha'aj. Caw x'och Dios yet'oc. Yuj cha, til wal milagro 'ix ch'oxl 'a scal eb' 'anma'.

A Tas Sc'ulejnac Eb' Schecab' Jesús Hechos 6:3

Yuj cha, ex wu'tac, tze say ucwn̈oc winc 'a qui calc tic, tzeya'n 'och yopiso eb' sb'on jun munljel tic. Yowlal caw wach' sb'eyb'al eb', tznachj 'el yic Dios yuj eb', yowlal caw 'aych Yespíritu Dios 'a eb'.

Salmos 112:5

A eb' 'anma wach' snab'en, yet' schamc'ojlal eb' tzya'n eb' junc tas majnil, ax smasnil tas tzb'o eb', wach'n̈j tz'aj 'el'chi.

A Ch'an̈ Schab'l Libro Samuel 18:27

'Ix yaln win 'ilwjum chi jun 'ejm xo: —A jun b'ab'l cha, 'icha wal sb'ey Ahimaas win yunnal Sadoc, 'ixta wal sb'ey tzwila, xchi winac. —Toto a win cha, wach' 'ab'x tzwul yal win 'ayin, yujto wach' snab'en xon winac, xchi win rey cha.

Ro 5:7

Q'uinloc 'ay junc mach wach' sb'eyb'al ticnec, tecn may mach tzyac' cham sb'a sjelc junc xo mach. Cojxn toto 'ay junc mach caw yel xo wach' snab'en, lemb'il 'ay junc tzte'wtzej sb'a ya'n cham sb'a sjelc junc xo mach.

A Tas Sc'ulejnac Eb' Schecab' Jesús Hechos 24:16

Yuj cha, caw tzwac' cuenta in b'a yet' in nab'en, sec matz 'och in mul 'a Dios, sec matz 'och pax in mul 'a eb' wit 'anma'il.

Jn 7:12

Ax 'a scal eb' 'anma', til wal eb' tzlaj aln yu'uj. 'Ay eb' tzaln 'ixtic: Caw wach' winac, xchi eb'. Palta 'ay pax eb' tzcob' alnoc: Ma'ay, to tzlaj yixtc paxti win eb' 'anma', xchi eb'.

Lc 23:50

'Ay jun win José sb'i, 'aj chon̈b' Arimatea 'a yol yic Judea. Caw wach' winac, caw tojl snab'en. Yajl yaj win yet' eb' yit yajlil.

Mt 19:17

—¿Tas yuj tzin al wach'il? Cojxn jun mach wach', [atn Dios] may junc xo. Toto tza nib'j tza chaj a q'uinal, yiclj jun tzo'n̈ schecnb'il Dios, xchi 'a winac.

Mt 12:35

A eb' wach' snab'en, wach' tzyutj sb'a eb', yujto an̈j tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj sb'a eb', yujto an̈j maysch'olnil 'ay 'a snab'en eb'.

Pr 14:14

Toto tu qui nab'enec, maysch'olnil tas 'oj qui cha spacc yuj tas tzqui b'oc cha; ax toto wach' qui nab'enec, wach' tas 'oj qui chac spacoc.

Pr 13:22

Toto wach' qui nab'enec, 'ay tas wach' tzca'c can smacloc eb' quichicnec; ax sricoal eb' maysch'olnil, tzcancn 'a eb' wach' snab'en.

Pr 12:2

A Jehová tzyac' syaxilal 'a eb' wach' snab'en, ax 'a eb' tu snab'en, tzyac' cot yailal 'a yib'n̈ eb'.

Salmos 37:23

A Jehová a tz'i'n b'ey eb' wach' snab'en, tz'ajx can 'och eb' yuj 'a yol jun b'e caw tojol.

A Tas Sc'ulejnac Eb' Schecab' Jesús Hechos 2:4

Caw x'ochcn Yespíritu Dios 'a junjn eb'. 'Ix syamn 'och eb' spaxtin 'a jun tzo'n̈ chucchc ti'al, a tzyal tas 'ix 'ajx yal eb' yuj Yespíritu Dios cha.

A Tas Sc'ulejnac Eb' Schecab' Jesús Hechos 2:47

Tzlaj yalnc eb' wach' paxti 'a Dios. Ax eb' 'anma smasnil, caw tzalj eb' yet' eb'. Ax Cajlil, a tz'a'n q'uib' sb'isl eb' 'a junjn c'u, yuj eb' wan laj scolchj yu'uj.