A Tas Sc'ulejnac Eb' Schecab' Jesús Hechos 10:40 - Chuj San Sebastian Bible

⁴⁰ Palta ax 'a schab'jial, 'ix 'ajx pitzwc pax yuj Dios. Yuj spoder Dios, 'ix ch'oxn sb'a 'ayn̈ on̈.

Chuj San Mateo Bible

⁴⁰ Palta axo d'a schab'jial ix pitzvixi yuj Dios. Yuj spoder Dios chi' ix sch'ox sb'a d'ayon̈.

A Tas Sc'ulejnac Eb' Schecab' Jesús Hechos 10:40 Referans Kwoze

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

2 Co 4:14

Cojc on̈, a Dios 'a'jnac pitzwc pax Cajlil Jesús 'a scal eb' chamnac, a 'oj ca'n pax pitzwc on̈, yujto yic on̈ Jesús on̈. 'Oj e pitzw pax quet' on̈, ax on̈ yi'nec 'at 'a 'aj 'ayc' cha.

A Tas Sc'ulejnac Eb' Schecab' Jesús Hechos 2:24

Palta a Dios 'ix 'a'n pitzwc paxi. 'Ix yac' ganar Jesús spitzw paxi, yujto may yel'ch chaml 'a 'a.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Ro 14:9

Yujto 'ix cham Cristo, 'ix pitzw paxi, sec wach' tz'och Yajlil 'a yib'n̈ eb' chamnac, yet' 'a quib'n̈ an̈ pitzn on̈c to tic.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

Ro 1:4

Ax Yespíritu Dios, a ch'oxni to yel Yunnal Dios, to caw 'ay spoder, yujto 'ix 'ajx pitzwc 'a scal eb' chamnac.

A Tas Sc'ulejnac Eb' Schecab' Jesús Hechos 17:31

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

Jn 14:22

'Ay junx Judas sb'i, palta man̈oc Judas 'aj Queriot, a 'ix aln 'ixtc 'a Jesús: —Mamin, ¿tas yuj cojn 'ayn̈ on̈, an̈jta 'oj a ch'ox a b'a? ¿Tas yuj ma'oj a ch'ox a b'a 'a eb' yic yolyib'n̈q'uinl tic? xchi 'a Jesús.

A Tas Sc'ulejnac Eb' Schecab' Jesús Hechos 2:32

A Jesús tic, a Dios x'a'n pitzwc paxi. Qui masnil on̈, tzca'ch qui b'a testigoal yuj jun tic, yujto xquil on̈.