A Tas Sc'ulejnac Eb' Schecab' Jesús Hechos 10:38 - Chuj San Sebastian Bible

³⁸ Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

Chuj San Mateo Bible

³⁸ Eyojtac to a Dios yac'nac Yespíritu d'a Jesús aj Nazaret, yac'annacpax spoder d'ay. Eyojtac paxi to a Jesús ix colvaj d'a eb' anima. Jantacn̈ej eb' ixtab'il yuj vin̈ diablo, ix laj yac' b'oxoc sc'ool eb'. Icha chi' yutejnac sb'a yujto a Dios ayoch yed'oc.

A Tas Sc'ulejnac Eb' Schecab' Jesús Hechos 10:38 Referans Kwoze

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

A Tas Sc'ulejnac Eb' Schecab' Jesús Hechos 2:22

Ex wit israelal, 'a'c 'och e chicn 'a jun tzo'n̈ xo tic 'oj wal 'ayex. A Dios 'ix ch'oxn yopiso Jesús 'ayex, yic 'ix sb'on jun tzo'n̈ milagro, jun tzo'n̈ may 'aj tzquila, yet' jun tzo'n̈ xo tas tzch'oxn 'el spoder. A jun tzo'n̈ tic sb'o Dios yet' Jesús. 'In caw eyojc xon jun tzo'n̈ tic.

Is 11:2

A jun cha, 'aychn̈ej Yespíritu Jehová yet'oc, 'oj yac' sjelnal, 'oj yac' wach' nab'enal 'a 'a, 'oj yac' tojlal, 'oj yac' yip, 'oj yac' spoder, 'oj ya'n yojcoc 'el tas tznib'j Jehová, ax syiclni.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

A Ch'an̈ Carta D'a Eb' Hebreo 1:9

Tza chamc'ojlej tas tojol, ax maysch'olnil, caw yajb'il 'el o'oj. Yuj cha, ach si'n 'elt Dios, atn jun a Diosal. 'Ix yac' jun a tzaljc'ojlal to 'ec'b'al 'a yib'n̈ yic eb' et yajlil, xchi 'a Ch'an̈ U'un̈.

Salmos 45:7

A jun tojl nab'enal, caw wach' 'a a sat, ax jun tzo'n̈ tas maysch'olnil, caw yajb'il o'oj. Yuj cha, a Dios, atn a Diosal 'ix ya' jun niwn tzaljc'ojlal 'ayach. Yel xo niwn a tzaljc'ojlal 'ay 'a yib'n̈ eb' ajun et'oc.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Mt 12:28

Palta yujn̈ej Yespíritu Dios, tzin pechn 'el ewin demonio cha. Yuj cha, tzcheclji, to tox 'ix syamch Dios ya'n Yajlil 'a e cal.

Lc 3:22

'Ix 'eml Yespíritu Dios 'a yib'n̈ 'icha yilx no parama, caw checl 'ix 'emli. 'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Ach ton tic Wunnal ach, chamc'ojlb'ilch wu'uj, caw tzin tzalj et'oc, xchi.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Jn 10:32

Palta xyaln pax 'ixtc 'a eb': —Til wal tas wach' xin b'o yuj spoder in Mam 'a e cal. ¿'Aja junc chi 'i'n tzin e nib'n in e jul chamoc? xchi 'a eb'.

Jn 16:32

Palta wan xo sjaw stiempoal 'oj e sactziqui. 'Oj e 'at 'elc junjn ex, ax in eyactn can in ch'ocoj. Palta man̈ in ch'ocjoc 'oj in cani, 'ayc' qui Mam Dios wet'oc.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

Mt 9:35

Ax Jesús c'uxn x'ec' 'a jun tzo'n̈ chon̈ab', yet' 'a jun tzo'n̈ aldea. 'Ix 'ec' cuywjoc 'a eb' 'anma 'a yoltc jun tzo'n̈ scapiya eb'. 'Ix yaln 'el wach' 'ab'ix, chajtl tz'aj eb' 'anma yoch 'a yol sc'ab' Dios. Tzann̈j jun tzo'n̈ yab'il tz'i'n eb' 'anma', c'uxn xlaj ya'cn b'oxc sc'ojl eb'.

2 Cr 17:9

'Ix checx 'at eb' tic yet' ch'an̈ libro yic sley Jehová, yic tz'at cuyxc eb' 'anma 'a smasnil chon̈b' 'a yol yic Judá cha.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

Lc 9:42

Palta ax yic xjaw jun 'unn cha, xtelw 'at t'ocnjoc 'a sat lum yuj win demonio cha. Caw xwach' cot 'a sjolm jun 'unn cha. Palta ax Jesús, xtumwj 'a win demonio cha, 'ix ya'n can b'oxc sc'ojl jun 'unn cha. Xlajw cha, xya'n can pax 'a smam.

Mt 12:15

A yic xyojcan 'el Jesús tas tznib'j ewin xyutej, 'ix yi'n 'el sb'a ta'. Til wal 'anma x'at yet'oc. Jantcn̈ej eb' ya'ay, c'uxn xb'ox can sc'ojl eb' yu'uj.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Mr 6:6

'Ix sat sc'ojol yujto ma'ix ya'ch eb' sc'ojl 'a 'a. Xlajw cha, x'ec' cuywjoc 'a jun tzo'n̈ aldea 'a sla'nil schon̈ab'.

Lc 9:56

An 'Ochnc in 'Anmal tic man̈ yujoc wa'n cham eb' 'anma in jawi, palta yuj wa'n colchjoc eb', xchi 'a eb'.] Xlajw cha, x'at eb' 'a junx aldea.

A Tas Sc'ulejnac Eb' Schecab' Jesús Hechos 10:37

Ax xo tic, 'in eyojtac, tas 'ix sb'o Dios 'a qui lugar an̈ israel on̈ tic on̈. A 'a Galilea 'elnc yich, yic slajw yaln can 'el Juan spaxti Dios, yic slajw ya'n bautisar eb' 'anma'.

1 Jn 2:20

Palta a Cristo 'a'jnac Yespíritu Dios 'ayx quet' on̈. Yuj cha, cojquec qui masnil jun cuynb'il caw yel.

Mt 9:19

Yuj cha, xq'ue wan Jesús, 'ix 'at yet'oc. 'Ix 'at pax eb' scuywum yet'oc.