A Tas Sc'ulejnac Eb' Schecab' Jesús Hechos 1:6 - Chuj San Sebastian Bible

⁶ A 'a yic yamnto yaj Jesús yet' eb' scuywum, 'ix sc'anb'n eb' 'ixtc 'a 'a: —Mamin, ¿am ticnec 'oj a col 'elt eb' quit israelal, sec mun tzca'ch junc yajl 'a qui calc jun 'ejm xo? xchi eb'.

Chuj San Mateo Bible

⁶ Ayic ayto ec' Jesús yed' eb' sc'ayb'um chi', ix sc'anb'an eb' d'ay: —Mamin, ¿am ticnaic ol a colelta eb' quetchon̈ab' israel, yic munil scac'och junoc yajal d'a co cal junelxo? xchi eb'.

A Tas Sc'ulejnac Eb' Schecab' Jesús Hechos 1:6 Referans Kwoze

Lc 19:11

Yic wan yab'n eb' tas tzyal Jesús, 'ay jun 'ab'x 'ix yal 'a eb', yujto wan sc'och eb' 'a sla'nil Jerusalén. A snan eb', to 'oj yac' Dios Yajlil 'a yolyib'n̈q'uinl tic muc'uc.

Lc 17:20

'Ay jun tzo'n̈ ewin fariseo xc'anb'n 'a Jesús 'ixtic: ¿B'a'n̈ wal 'oj jawc stiempoal yoch Dios Cajliloc? xchi ewin 'a 'a. —A yic tz'och Dios Yajlil, matz tac' quiln yet' qui sat.

Dn 7:27

Ax yopiso, yip yet' sb'inab'ilal smasnil nacion̈ 'ayc' 'a yolyib'n̈q'uinl tic, 'oj 'ajxoc can 'a yol sc'ab' eb' schon̈b' jun Dios to cojxn niwn yel'chi. A jun 'opiso tic, 'ayc'n̈ej 'a jun 'ejmn̈ej. Smasnil eb' chon̈b' cajn 'a sat lum lum tic, 'oj yac' eb' 'emmquilal 'a 'a, ax syiclni pax eb' tas 'oj yala', xchi 'ayin.

Mt 24:3

Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Lc 22:29

Yuj cha, 'oj ex wa'ch yajlil, 'icha in 'aj woch yajlil yuj qui Mam Dios.

Mt 17:11

Yuj cha, xyaln pax 'a eb' 'ixtic: —Yel ton tzyal ewinac, to yowlal tzjaw Elías cha, sec tzna sb'a eb' 'anma'.

Mt 20:21

Yuj cha, xyaln 'a 'ix 'ixtic: —¿Tas tza nib'j tza c'an 'ayin? xchi. —A 'a yic 'oj och Yajlil, comnoc tza chaj 'ejm wocn eb' wune tic 'a a tz'ey, junc 'a a wach' c'ab', junc 'a a surito, xchi 'ix 'a 'a.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Am 9:11

'Ix yaln pax Jehová 'ixtic: A yopiso David, satnc 'ejmi, 'icha junc n̈a lan̈chjnac 'ejmi, palta 'ay jun c'ual 'oj in b'ox chan̈ jun 'ejm xo, ax wa'n pax jun 'opiso chi 'a yin̈til, 'icha xon 'a yic yaln̈taxi.

Jeremías 33:26

An̈jtona may b'a'n̈ 'oj jelmjoc jun in trato yet' eb' yin̈tl Jacob, yet' eb' yin̈tl win in checb' David. Yowlal 'oj in sic' 'elt junc yin̈tl David cha, ax ya'n yajlil 'a yib'n̈ eb' yin̈tl Abraham, Isaac, yet' Jacob. Yujto caw tz'o'chn̈ej in c'ojl 'a eb', yuj cha, 'oj wi'xq'ue'ch eb' jun 'ejm xo, xchi Dios.

Is 1:26

Ax wa'n pax 'och eb' juez tojl snab'en 'a e cal jun 'ejm xo, yet' eb' 'a'm nab'en yaj 'a e cal 'icha xon eyaj 'a yic pecti'. Ax yajx sb'ic jun chon̈b' tic, Tojol, Yiclum.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Jn 21:21

Yic 'ix yiln Pedro jun cha, 'ix sc'anb'n 'ixtc 'a Jesús: —Mamin, a jun tzjaw tic, ¿tasm 'oj 'aj scham jun xo? xchi 'a 'a.

Mr 9:12

Yuj cha, xyaln pax 'ixtc 'a eb': —Yel toni, yowlal tzb'ab'l jaw Elías cha, sec tzna sb'a eb' 'anma'. Palta ¿tas tzyal 'a Ch'an̈ Un̈ wuj an 'Ochnc in 'Anmal tic? Ata tzyala, chajtlto 'oj wab' syail, 'oj in patquilx can 'el yuj eb' 'anma'.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.