Abdías 1:18 - Chuj San Sebastian Bible

¹⁸ A eb' yin̈tl Jacob, yet' eb' yic José, a eb' cha, lajn 'oj 'aj eb' 'icha te snich c'ac'. Ax eb' yin̈tl Esaú, lajn 'oj 'aj eb' 'icha te jach'b'en tzlajw stz'a 'ejm yuj te c'ac' cha. An Jehová in, an tzwala, to man̈x 'a junc eb' yin̈tl Esaú 'oj colchjoc can 'eli, xchi Dios.

Chuj San Mateo Bible

¹⁸ A eb' yin̈tilal Jacob chi', aton eb' yin̈tilal José, a eb' chi', lajan ol aj eb' icha yoc te' c'ac' sq'ue n̈iln̈onoc. Axo eb' yin̈tilal Esaú, lajan ol aj eb' icha an̈ ac stz'ab'at yuj c'ac' d'a juneln̈ej. A in Jehová in svala' to man̈xa junoc eb' yin̈tilal Esaú ol colchajcaneloc.

Abdías 1:18 Referans Kwoze

Zacarías 12:6

A 'a yic jun c'ul cha, a eb' syajlil Judá, lajn 'oj wutc eb' 'icha junc cuxc'ac' caw xexni tz'och 'a scal te c'atzitz. Lajn pax 'oj wutc eb' 'icha jun topc taj tzn̈iln̈ni sc'aq'uil yic tz'ajx 'och 'a scal nan̈loc 'ixm trigo syuchn̈al xo yaji. 'Oj ya'cn lajwc 'el eb' smasnil jun tzo'n̈ nacion̈ 'ay 'a stz'ey. Ax eb' cajn 'a Jerusalén, wach' 'oj 'aj yaj cajn eb' 'a schon̈b' jun 'ejm xo.

Is 10:17

A Dios cojxn̈ej toni, a sacq'uinl yaj 'a yib'n̈ chon̈b' Israel. Lajn wal 'icha snich c'ac', junn̈j c'u 'oj yac' lajwc 'ejm eb' 'aj Asiria, 'icha tz'aj stz'a 'ejm te q'uix yuj c'ac'.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Ez 37:19

tzaln 'a eb' 'ixtic: A Jehová 'ix aln 'ayin, to tzwij cot te te yic yin̈tl Efraín yet' eb' israel junn̈j yaj yet'oc, tzwa'n scha sb'a te yet' te yic eb' yin̈tl Judá sec junxn̈ej tz'aj te schab'l 'a yol in c'ab', xa chi 'a eb'.

Is 5:24

Yuj cha, 'icha wal tz'aj stz'a 'ejm te 'ac yuj c'ac', c'uxn tz'a te xil chi smasnil, 'ixta 'oj 'aj slajw 'el eb' tic, 'oj tacjoc 'el eb' 'icha te te c'al xo sch'an̈lyib', munxoj tzpucl snich, 'icha xoj pococ tz'ajcni. Yujto tzpatquiljcan 'el eb' sley Jehová tztac' yuj smasnil, atn qui Diosal to Cojxni.

1 Co 3:12

Ax eb' tzmunlj 'a jun munljel tic, 'ay eb' caw wach' smunljel. 'Icha to a q'uen oro, q'uen plata, yet' jun tzo'n̈ xo q'uen chan̈ stojol, a tzyac' q'ue eb' 'a yib'n̈ jun yipnub'al yich cha, yujto caw wach' smunljel eb'. 'Ay pax eb' man̈ wach'c smunljel. 'Icha to te tzc'an eb'. 'Icha 'ac, mto 'icha 'aj 'ixta jun tzo'n̈ chi tzyac' q'ue eb' 'a yib'an̈.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Abdías 1:16

'Icha wal ex 'aj eyu'w 'an̈ 'a lum tzaln 'aj tz'och 'emmquilal 'ayin, 'ixta wal 'oj wutc wa'n eyuc' yowl in c'ojl yet' jun tzo'n̈ xo nacion̈. 'Oj eyuc' masnto 'oj e satl 'a jun 'ejmn̈ej.

Am 6:6

A 'a yol niwc vaso tzeyu'j yal uva jawnc sti', a wal perjuma caw chan̈ stojol a tze c'ana, palta matz ex 'och 'il jab'oc, toto wan yixtx 'el yol qui nacion̈ec tic.

Am 5:15

Yajc 'el tas maysch'olnil, ax tas wach' a tze chamc'ojlej. Tzcham wal e maclni eyila', toto wach' xo tz'aj sb'oyaj junc mach 'a despacho. To 'ixta', toq'ue a Jehová Dios tztac' yuj smasnil, 'oj 'o'ch sc'ojl 'ayx ax yin̈tl ex to can José.

Jl 2:5

'Icha sc'an̈ sb'ey jun tzo'n̈ caruaje tz'at 'a owal, mto 'icha sc'an̈ te tacn̈ xilte' yic tz'a te yuj c'ac', 'ixta wal sc'an̈ scot no 'a lum jolmctac witz. 'Icha pax jun b'ulc eb' soldado to caw 'ay yip, latz'tz'i s'at eb' 'a owal, 'ixta wal no'.

Ez 37:16

Ach 'anma', say chab'oc te te', ax a tz'ib'n eb' te'. A te b'ab'el, 'ixtc tzotj a tz'ib'ni: Te yic eb' yin̈tl Judá yet' eb' israel yitb'eym sb'a yet'oc, xchi. Ax te schab'il, 'ixtc pax tzotj a tz'ib'ni: Te yic yin̈tl Efraín, win yunnal José yet' eb' israel yitb'eym sb'a yet'oc, xchi junx cha.

Is 47:14

Palta a eb' cha, lajn eb' yet' te 'ac, a te c'ac' 'oj n̈usnctz'a eb', ma'oj stac' scoln 'el sb'a eb' a jun cha. Yujto a jun c'ac' cha, man̈ lajnoc 'icha junc comn c'ac' to a te c'atztz tz'och 'a 'a, wach' qui c'achn 'a sti'.

Is 31:9

Yuj wal jun xiwlal cha, ax s'at win rey yet' eb' scapitan̈il eb' soldado 'eloc, ax yactn can eb' sbandera. A Jehová a tzaln jun tic, atn jun 'ay yic jun yet'l xajmb'al 'aych sc'a'l 'a tzaln Sión, a sc'a'l yowl sc'ojol, caw tzn̈ilchj 'a Jerusalén, yic tzya'n 'och yailal 'a eb' 'ajc'ojl yajch 'a 'a.

A Ch'an̈ Schab'l Libro Samuel 19:20

A ticnec xwojquej 'eli, chajtlto maysch'olnil 'ix wutj in b'a. Yuj cha, a 'a scal smasnil eb' yin̈tl José, an in b'ab'l jaw wul ach in cha mamin rey, xchi Simei cha.

Is 9:18

Yujto a maysch'olnil 'a scal 'anma', lajn wal 'icha junc c'ac' tz'ec' 'a tzalan, c'uxn tz'a te q'uix yu'uj, lum waymtac, te niwc te', tzch'umn sb'a yic'l 'a scal tab'.

Is 9:19

Yujn̈ej yowl sc'ojl Jehová tztac' yuj smasnil, yuj cha, ax slajw 'el jun chon̈b' tic. 'Icha n̈ej stz'a te 'ac yuj c'ac', 'ixtan̈ej 'oj 'aj slajw 'ejm eb' 'anma tic, man̈x 'oj sna eb' yit 'anma'il.

Jeremías 11:23

Man̈x 'a junc eb' 'aj Anatot chi 'oj canoc, yujto 'oj jawc sc'ul in b'eyc'ojlan eb' yuj tas tzb'o'o, caw 'oj jawc yailal 'a yib'n̈ eb', xchi Dios.

Am 1:8

'Oj in satl eb' cajn 'a chon̈b' Asdod, yet' eb' yajl yaj 'a chon̈b' Ascalón. Yet' wal smasnil in poder 'oj in c'och tza'njoc 'a chon̈b' Ecrón, man̈x 'a junc eb' filisteo chi 'oj canoc, xchi Jehová.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Ex 5:12

Xlajw cha, sactzicnac s'at eb' israel chi 'a smasnil yol yic Egipto sayj yoc trigo, sec a tzya'ch eb' sjelc te 'ac chi 'a scal lum b'i'ch cha.