Abdías 1:15 - Chuj San Sebastian Bible

¹⁵ 'Icha wal tas x'el e b'oni, 'ixta 'oj ex yutc eb' 'anma', 'oj e cha wal spac 'a 'icha wal smoj e chani. Jab'xoj sjaw jun c'u yic 'oj in ch'oxnc yowl in c'ojl an Jehová in tic 'a yib'n̈ smasnil nacion̈.

Chuj San Mateo Bible

¹⁵ Lac'anxo sjavi jun c'ual ayic ol vac'ancot yoval in c'ol d'a yib'an̈ masanil nación. Icha tas ix e c'ulej, ichaval chi' ol ex yutej juntzan̈xo anima. Ol e chaan spac icha val smojal.

Abdías 1:15 Referans Kwoze

Habacuc 2:8

'Ix laj eyijcan 'ec' tastc 'ay 'a eb' 'anma 'a jun tzo'n̈ nacion̈, palta a eb' xcant cani, 'oj yi'cc eb' tas 'ay 'ayex. 'Ixta wal 'oj eyaj yuj eb', yujto til wal eb' milb'il eyu'uj, ma'ix 'o'ch e c'ojl 'a eb' 'anma cajn 'a jun tzo'n̈ nacion̈ cha, yet' 'a eb' chon̈b' 'ay 'a yol smacb'en eb'.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Ez 30:3

Yujto jab'xoj sjaw jun c'u yic yowl in c'ojl an Jehová in. A 'a jun c'ul cha, 'oj 'och q'uic'q'uinl 'a c'u, caw 'oj yab' syal smasnil nacion̈.

Miqueas 5:15

Yet' wal yowl in c'ojol, ax in pactzan 'a jun tzo'n̈ nacion̈ ma'ix yiclni tas xwala, xchi Dios.

Jeremías 50:29

Tzyaln Dios 'ixtic: 'Awtjec cot smasnil eb' julwjum, 'och cab' eb' julwjoc 'a Babilonia. 'Ochn̈ec oyn 'a spatquil chon̈ab', sec may junc mach tz'at 'eloc. Pactzejc 'a 'icha wal smoj schani. 'Icha wal tas x'el sb'oni, 'ixta pax tzeyutej. Yujto jun 'ejmn̈ej ch'an xyutj sb'a eb' 'ayn an Jehová in, sDiosal in Israel, to Cojxn in.

Salmos 137:8

Ex 'aj Babilonia, jab'xoj wal 'oj e satli. Caw wach' yic eb' 'oj 'a'nc qui pac yuj tas on̈ eyutj on̈.

Jl 1:15

¡'Oltacn̈ec, caw la'nxoj sjaw jun c'u yic yowl sc'ojl Jehová! Atn jun c'u caw 'ay smay yic 'oj satl smasnil nacion̈ yuj Dios tztac' yuj smasnil.

Ez 35:15

Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.

Jeremías 49:12

'Ix yaln Jehová 'ixtic: 'Ay eb' man̈ smojc yab'n syail, a ticnec, yowlal 'oj yab' eb' syal yuj yowl in c'ojol, 'icha to 'oj yuc' eb' yal uva jawnc sti'. Ax xo ax tic, ¿tom ma'oj eyab' syal e nani? Yowlal 'oj eyab' syal yuj yowl in c'ojol.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.

Job 24:1

A Dios tztac' yuj smasnil. ¿Tas yuj matz yac' 'ab'xoc 'aja sc'ul tzb'eyc'ojlwi sec wach' tztan̈wx yuj eb' swach'c'ojl 'a jun c'u cha?

Jeremías 51:56

Tzyal Jehová 'ixtic: 'Oj jawc eb' wul yac' lajwc 'el Babilonia. 'Oj yamchjoc smasnil eb' soldado, ax sma'x can wecchjoc sjul-lab' eb'. Yujto an Jehová in, an ton Dios in, tzwac' spac 'a junjn eb' 'a 'icha wal smoj schani.

Ez 35:11

Yuj cha, an Jehová in, an tzwal 'ixtic: 'Icha wal yowl a c'ojol, a chichnc'ojlal, yet' pax ajc'ojlal 'a chon̈b' Israel, 'ixta 'oj ach wutc ach in b'eyc'ojlani. 'Ixta to b'i'an, ax in yojcan 'el eb' 'anma', to an 'ixta tzach wutej.

Jl 2:1

'Utz'jec q'uen trompeta 'a tzaln Sión. 'Utz'jec q'ue'en yic tzalx yab' eb' cajn 'a lum tzaln yic 'emmquilal yaj 'a Jehová. 'Ib'x cab' chan̈ smasnil eb' cajn 'a Judá, yujto jab'xoj sjaw jun c'u yic 'oj ya'nc Jehová yowl sc'ojol.

Jl 2:11

A Jehová a 'aych 'a yojltac eb' soldado to yico', tzyac' 'ab'xoc yol sjaj 'icha wal sc'an̈ c'u. Caw niwn sb'isl eb' soldado cha, man̈x b'ischjb'enoc eb' tzyiclni schecnb'il. Caw niwn yel'ch jun c'u yic Jehová, 'ay xo smay yalxi. May junc mach tztac' ste'wtzan sb'a 'a yojltac.

Am 5:18

'Oltac wal eb' tznib'j tzjaw jun c'u yic yowl sc'ojl Jehová. ¿Eyojc am wal tas 'oj jawc 'a eyib'n̈ 'a jun c'u cha? A wal 'a jun c'u cha, q'uic'q'uinl xoj 'oj 'ajoc, man̈x 'a sacq'uinal.

Am 5:20

A jun c'u yic yowl sc'ojl Jehová cha, caw q'uic'q'uinl 'oj 'ajoc, man̈x 'a jac sacq'uinl 'oj checljoc.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Pr 5:22

A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Jeremías 12:14

'Ix yaln Jehová yuj jun tzo'n̈ nacion̈ caw wal maysch'olnil cajn 'a stz'ey chon̈b' Israel, eb' x'i'n 'ec' lum lum xyac' Jehová smacloc eb' israel, atn eb' schon̈ab', 'ix yaln 'ixtic: An 'oj wi'l eb' 'a sat slu'um, 'icha 'ix wutj wi'n 'el eb' 'aj Judá.