3 Jn 1:12 - Chuj San Sebastian Bible

¹² Ax cu'tac Demetrio, wan yaln eb' smasnil yuj swach'il, yujto chequel to caw tzyiclj jun cuynb'il caw yel. An̈jtona', an̈ tic on̈, tzcal wach'l on̈. Eyojtac a tas tzcal on̈, caw yel.

Chuj San Mateo Bible

¹² Axo vin̈ cuc'tac Demetrio, van yalan eb' smasanil yuj svach'il vin̈, chequel to sc'anab'ajej jun ab'ix te yel vin̈. An̈ejtona' on̈ tic, scal pax vin̈ vach'il. Eyojtac, a tas scala', te yel.

3 Jn 1:12 Referans Kwoze

1 Ti 3:7

A eb' 'ay yopiso, yowlal wach' tzyutj eb' sb'eyb'al 'a sat eb' man̈ creyenteoc, sec ma'oj b'uchxoc eb', yic ma'oj 'ajxc ganar eb' yuj win diablo.

Jn 21:24

Atn jun scuywum tic tzyac' testigoal sb'a yuj jun tzo'n̈ tic, tz'ib'n can paxi. An̈ tic on̈ cojc on̈, caw yel jun tzo'n̈ tic 'ix tz'ib'x can tic.

A Tas Sc'ulejnac Eb' Schecab' Jesús Hechos 22:12

Ata 'ay jun winc Ananías sb'i, caw yelc'ojlal yiclum win 'a ley yic Moisés. Caw wach' sb'eyb'al win 'a sat eb' quit israelal smasnil 'a Damasco cha.

A Tas Sc'ulejnac Eb' Schecab' Jesús Hechos 10:22

'Ix yaln eb' 'a 'ixtic: —'Ay jun win syajlil eb' soldado Cornelio sb'i. Caw wach' sb'eyb'al. 'Ay pax xiwc'ojlal 'a Dios. Caw wach' a sat smasnil eb' et israelal. 'Ay schamc'ojlal eb' 'a 'a. Ax jun yángel Dios 'ix aln 'a 'a, to tzchec cot eb' schecb' tic ach wul yi't 'a yatut, sec wach' 'oj yab' tas 'oj al 'a 'a, xchi eb' 'a Pedro cha.

Jn 19:35

An tic, caw 'ix wil jun tzo'n̈ tic. Yuj cha, tzwa'n testigoal in b'a yu'uj, sec 'oj eya'ch pax 'a e c'ojol. A jun tzo'n̈ tas tzin tz'ib'j can tic, caw yel. An tic, wojtac caw yel tzwala.

1 Ts 4:12

sec wach' 'ay eyel'ch 'a sat eb' comn 'anma'. Toto 'ixta tzeyutj e munlji, colb'il tzyab' e gasto.

A Tas Sc'ulejnac Eb' Schecab' Jesús Hechos 6:3

Yuj cha, ex wu'tac, tze say ucwn̈oc winc 'a qui calc tic, tzeya'n 'och yopiso eb' sb'on jun munljel tic. Yowlal caw wach' sb'eyb'al eb', tznachj 'el yic Dios yuj eb', yowlal caw 'aych Yespíritu Dios 'a eb'.

A Ch'an̈ B'ab'el Libro Samuel 12:4

Yuj cha, xyaln eb' chon̈b' chi 'ixtic: May jun 'ejmoc x'och a mul 'ayn̈ on̈, may 'aj on̈ extej, may pax 'ajtil a chajnac q'uen c'ultac tumn 'ayon̈, xchi eb'.