3 Jn 1:11 - Chuj San Sebastian Bible

¹¹ Ach chamc'ojlb'il wu'uj, man̈ a b'eylb'oc sb'eyb'al eb' maysch'olnil. Cojn sb'eyb'al eb' wach' tza b'eylb'ej. Toto wach' tzcutj qui b'eyb'al, yic on̈ xo Dios. Palta a eb' maysch'olnil sb'eyb'al, toxn man̈ yojcoc eb' Dios.

Chuj San Mateo Bible

¹¹ Ach xajanab'il vuuj, man̈ a b'eyb'alej sb'eyb'al eb' chuc sc'ulej. An̈ej tas sc'ulej eb' vach', a tza c'ulej. Tato vach' scutej co b'a, yic on̈xo ton Dios. Palta a eb' chuc syutej sb'a, man̈ yojtacoc Dios eb'.

3 Jn 1:11 Referans Kwoze

Salmos 37:27

Qui'c 'el qui b'a 'a scal maysch'olnil. A tas wach' a tzqui b'o'ec, sec 'oj najtxb'oc qui q'uinlec.

Ef 5:1

An̈ec tic, yunnaln̈ec xo Dios ticnec, chamc'ojlb'iln̈ec xo yu'uj. Yuj cha, yowlal tzqui b'eylb'ejc 'icha sb'eyb'al.

A Sb'ab'el Carta San Pedro 3:11

'Ijec 'el e b'a 'a scal tu'al, ax tas wach' a tze b'o'o; a cab' junc'ojlal tze sayq'ui, tze b'eylb'ani.

Jn 3:20

Jantcn̈ej eb' tzb'on maysch'olnil, may yopiso jun sacq'uinl tic 'a sat eb'. Matz nib'j eb' tzcha'aj, yujto tzxiw eb' scheclj 'el jun tzo'n̈ maysch'olnil chi tzb'o cha.

Salmos 34:14

'Ijec 'el e b'a 'a scal tu'al, ax tas wach' a tze b'o'o; a cab' junc'ojlal tze sayq'ui, tze b'eylb'ani.

A Sb'ab'el Carta San Pedro 3:13

Toto cojn jun wach' b'eyb'al tzqui b'eylb'ejec, ¿mach junc 'oj stac' on̈ sjunec 'eli?

2 Ti 3:10

Palta ach xo, xa b'eylb'ej jun tzo'n̈ in cuynb'il yet' in b'eyb'al. Lajn xotj a nab'en wet'oc. Lajn xotj a'n 'och a c'ojl 'a Cajlil wet'oc. Niwn xotj pax a c'ojl 'icha 'in. Lajn a chamc'ojlal wet'oc.

1 Jn 2:29

Cojquec xoni to a Jesucristo, caw tojl snab'en. Yuj cha, tznachj pax 'el cujec, toto tojl tzcutjec pax qui nab'en yet'oc, to 'ixta', yunnaln̈ec xo Dios.

1 Ts 2:14

Ex wu'tac, ex wanab', caw lajn ex 'aj yet' eb' creyente 'a junjn yiglesia Dios 'a yol yic Judea. A eb' cha, yic xo Cristo Jesús eb' quet'ec. Caw xyab' eb' syal yuj eb' yit israelal. An̈jtona', 'ixta ex. Xeyab' syal yuj eb' eyit chon̈b' jun xo.

1 Ts 1:6

Ax xo, xeyamch e b'eylb'an qui b'eyb'al on̈. Xe b'eylb'an pax sb'eyb'al Cajlilec. Wach'xam caw xeyab' syail, yic e chan spaxti Dios, palta caw tzaljc'ojlal chab'il eyu'uj. Yujto a Yespíritu Dios 'a'jnac e tzaljc'ojlal.

Jn 12:26

Toto 'ay mach tznib'j tzin 'a'n servil, yowlal tzb'eylb'ej in b'eyb'al tic. A eb' tzin 'a'n servil cha, 'oj 'aj eb' wet' 'a 'aj 'ayn 'eq'ui. Toto 'ay eb' tzin 'a'n servil, ax in Mam 'oj 'a'nc spac 'a eb', caw niwn yel'ch 'oj 'aj 'a sat.

Jn 10:27

A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.

Ex 23:2

Man̈ eya'ch e b'a yet' eb' tzb'on maysch'olnil. A yic 'ay junc tas tz'ajx eyala', tojln̈ej tzeyutj eyalni, man̈ eya'ch e b'a 'a tas tzyal smasnil eb' tu cha.

A Ch'an̈ Carta D'a Eb' Hebreo 6:12

Tzqui nib'j on̈, man̈ 'isjoc tzeyutj e b'a 'a yic Dios. B'eylb'ejc sb'eyb'al eb' caw tzya'ch sc'ojl 'a 'a, eb' caw te'n tzyutj sb'a. A eb' 'ixta tzyutj sb'a cha, wan yica'an eb' jun tzo'n̈ tas 'aj ya'jnac Dios sti yu'uj.

1 Co 11:1

Yuj cha, caw tze b'eylb'ej in b'eyb'al, 'icha tzwutj in b'eylb'an sb'eyb'al Cristo.

1 Co 4:16

Yuj cha, tzin tew 'ayex, caw tze b'eylb'ej in b'eyb'al tic.

Pr 12:11

Toto tzon̈ munljec 'a sat qui lu'um, caw 'ay tas tzqui c'uxec; ax toto cojn 'a tas may jac yel'chi, an̈jta tz'ec' tiempo cujec, to 'ixta', caw may qui nab'enec.

A Scarta San Pablo D'a Eb' Aj Filipos 3:17

Ex wu'tac, ex wanab', caw tze b'eylb'ej in b'eyb'al tic. An̈ tic on̈, tox xqui ch'ox jun wach' b'eyb'al eyil on̈. Yuj cha, 'iltec sb'eyb'al eb' lajn sb'eyb'al quet' on̈, sec tze b'eylb'ej pax 'ixta'.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

1 Jn 4:1

Ex chamc'ojlb'il wu'uj, toto 'ay eb' tzalni to yic Dios jun tzo'n̈ tas tz'ec' yal eb', man̈ e comn chac eyab' mu'c 'a eb'. Yowlal tze b'ab'l 'a'j prowal eb', toto yel a Dios 'aych yet' eb'. Yujto til wal eb' 'a'm 'es 'ay 'a yolyib'n̈q'uinl tic. Tzcob' yalch sb'a eb' schecb'oc Dios.