2 Ts 3:11 - Chuj San Sebastian Bible

¹¹ Tzcalb't jun tzo'n̈ tic 'ayex, yujto xcab' on̈, to 'ayx ab' caw matz yal e c'ojl tzex munlj ta'. Ton̈j tze comn 'a'j 'och e b'a 'a scal jun tzo'n̈ tas 'aj may eyaln eyico'.

Chuj San Mateo Bible

¹¹ Scalb'at juntzan̈ tic d'ayex yujto ix cab'i to ayex mach ex jaragana ex. Ton̈ej tze comon aq'uejoch e b'a d'a scal juntzan̈ tas b'aj malaj eyalan eyico'.

2 Ts 3:11 Referans Kwoze

1 Ti 5:13

A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.

A Sb'ab'el Carta San Pedro 4:15

Toto 'ayn̈ec tzcab'c syail, man̈ yujoc cab' ma'j cham 'anma', man̈ yujoc cab' 'elc'al, man̈ yujoc cab' junc tas 'ay yowlal yuj eb' yajal, man̈ yujoc cab' to tz'at qui comn 'a'c 'och qui b'a 'a junc 'aj may calnec quico'.

2 Ts 3:6

Ex wu'tac, ex wanab', a 'a sb'i Cajlil Jesucristo, tzcalb't jun tzo'n̈ xo checnb'il tic 'ayx on̈. Toto 'ay eb' creyente matz nib'j sb'o smunljel ta', toto matz b'eylb'ej eb' jun tzo'n̈ cuynb'il 'ec' caljnac can 'ayx on̈, caw matz tac' jun tzex 'ec' yet' eb'.

1 Ts 4:11

Caw tzeyac' eyip, sec tzex can 'a junc'ojlal. Man̈ eyactc can e b'on e munljel junjn ex. Sayc munljoc e b'a 'icha yaj caln can 'ayx on̈,

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.