2 Ts 2:8 - Chuj San Sebastian Bible

⁸ At wal ta 'oj checljoc can 'el jun win syajlil maysch'olnil cha. Palta a Cajlilec, 'oj yutz'c cham yet' yic'. A yic 'oj jawc Cajlilec 'a scal stzictznial, ax satcn 'ejm win yu'uj.

Chuj San Mateo Bible

⁸ Ato val ta' ol checlajcanel jun vin̈ yajal chucal chi'. Palta ayic ol javoc Cajal Jesús ol spucham vin̈ yajal chucal chi' yed' yic', axo stziquiquial ol ic'an satcanel vin̈. Palta ayic manto satel vin̈ chi', a tic ol sc'ulej vin̈:

2 Ts 2:8 Referans Kwoze

2 Ts 2:3

Caw man̈ e cha 'ixtxoc paxti e b'a. Yujto a 'a yic mantzac jaw Cajlilec, 'ay jun tiempoal, til wal mach 'oj sutmj pax 'och 'ajc'ojlal 'a Dios. Atta 'oj checljoc 'el jun win syajlil maysch'olnil. A win cha, yowlal 'oj 'ajxc can 'at 'a yailal.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Apoc 20:10

Ax win diablo, win 'ix 'ixtn paxti eb' cha, 'oj julx can 'at 'a scal jun niwquil c'ac' tzn̈ilchji, caln yaj yet' azufre, 'icha pama', atn 'aj julb'il can 'at jun noc' sb'i, yet' jun cob' yaljnac 'och sb'a schecb'oc Dios. Sc'ual yac'wlil 'oj yab' eb' syal ta 'a smasnil tiempo.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

Apoc 2:16

Yuj cha, nac e b'a. Toto ma'ay, 'oj in c'och 'ayx muc'uc. Ax wa'n owl eyet' ax 'ixta tzeyutj e b'a, atn yet' jun espada 'ay 'elt 'a yol in ti'.

1 Jn 5:18

Cojquec, toto yel yunnaln̈ec xo Dios, man̈x 'oj qui b'eylb'oquec maysch'olnil, yujto a Yunnal tzon̈ tan̈wniec. Yuj cha, man̈xtzac stac' on̈ yixtnec win diablo.

A Ch'an̈ Carta D'a Eb' Hebreo 10:27

Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios.

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

2 Ti 1:10

At yic swulc' qui Colmal Jesucristo, atta 'ix checlj 'el swach'c'ojlal Dios 'ayon̈. A Jesucristo x'a'n lajwc spoder chamel. Yuj jun wach' 'ab'x yic colnb'il, xcheclj 'eli, to a tz'a'n qui q'uinl 'a jun 'ejmn̈ej. Yuj cha, man̈x 'a yel'ch chaml 'ayn̈ ticnec.

Dn 7:26

Palta ax 'a yic jun c'u yic 'oj 'och b'eyc'ojlal, 'oj 'ijxoc 'ec' yopiso cha, ax sat 'ejm 'a jun 'ejmn̈ej.

Job 4:9

'Icha tz'aj satl tas yuj chacxuxm'ic', 'ixta tzyutj Dios satn 'el eb' tzb'on maysch'olnil chi yuj yowl sc'ojol.

Apoc 1:16

A 'a yol sc'ab' 'a swach', ata yamb'il uque c'anal yu'uj. A 'a yol sti', 'ay 'elt jun espada chab' ye, caw jay. Ax sat, lajn yilx 'icha c'u 'a yic caw ow yoc.

1 Jn 3:12

Yuj cha, matz tac' lajn tzcutjec qui b'a 'icha yutjnac sb'a win Caín. A win cha, yic win diablo winac. Yuj cha, smiln cham win jun yu'tac. 'Ixta yutjnac sb'a winac, yujto tojl snab'en jun yu'tac cha. Ax winac, man̈ tojloc snab'en.

1 Jn 2:13

Ax xo 'ichm creyente ex, tzin tz'ib'j 'at pax 'ayex, yujto eyojc xo jun 'ayc' xoni, yictax mantzac b'o yolyib'n̈q'uinl tic. Ax xo te'n exx 'a e creyenteal, tzin tz'ib'n 'at pax 'ayex, yujto xcan win diablo 'a yaln̈ eyu'uj. An̈jtona ex 'ac' creyente, eyojc xo qui Mam Dios. Yuj cha, tzin tz'ib'n 'at 'ayex.

2 Ti 4:1

A yic 'oj jawc pax Cajlil Jesucristo 'a scha'ejmal, ax swach' 'och reyal, ax sb'eyc'ojlan smasnil 'anma chamnc xo, yet' eb' pitznto. Yuj cha, a 'a sat Dios yet' 'a sat Cajlil Jesucristo, tzcham wal waln 'at 'ayach.

1 Ti 6:14

Caw tza yiclj jun tzo'n̈ checnb'il tic si'mb'il. Caw wach'n̈j tzotj a b'eyb'al, masnto 'oj jawc Cajlil Jesucristo.

Mt 13:38

Ax jun lum cha, tzyal 'el'chi atn yolyib'n̈q'uinl tic. A jun tzo'n̈ wach' 'in̈t cha, atn eb' 'anma 'ayx 'och 'a yol sc'ab' Dios. Ax jun tzo'n̈ 'ac trigo cha, atn eb' yic win diablo.

Mt 13:19

A jun tzo'n̈ 'in̈t stz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, chajtl tz'aj eb' yoch 'a yol sc'ab', palta matz nachj 'el yuj eb'. Ax win diablo tzc'och 'a eb', tzyi'n 'el win spaxti Dios 'a snab'en eb'.

Os 6:5

Yuj cha ex in satn 'eli, 'icha wutjnac wa'n yal eb' in checb' 'ayex. Yuj in paxti', ex in satn 'eli. Caw checl eyailal xwa'chi, lajn wal 'icha yoc c'u.

Salmos 18:15

'Ix checlj chan̈ yich a mar o'oj, ax sb'achnub'al yaln̈ yolyib'n̈q'uinal 'ix 'ilxi, yujto caw 'ip ach 'awj Mamin Jehová, caw ow pax jun 'ic' 'ix a' coti.

Is 30:28

A spaxti Jehová, a tz'i'n cot tas tzsatn 'el eb' 'ajc'ojol, 'icha junc a a tz'el pulnjoc 'a sb'e, tzq'uel xab'l yich a 'a qui jaj, 'ixta jun cha. 'Oj 'ijxoc 'at eb' yuj Jehová 'icha tz'aj stzicxchan̈ stzab'il 'ixm trigo 'a cha'an̈. 'Icha wal to 'oj ya'ch sfreno eb' chon̈b' cha, ax yi'n 'at eb' 'a 'aj 'oj satcn 'eli.

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Dn 8:25

Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

1 Co 1:28

A Dios tzsi'n chan̈ pax eb' may jac yopiso 'a sat eb' 'anma', yet' eb' patcab'il can 'el yuj eb', atn eb' may xon yel'chi. 'Ixta tzyutj Dios sch'oxni, to a eb' 'ay yel'ch 'a sat eb' 'anma', toxn may jac yel'ch eb' 'a sat Dios.

Apoc 13:5

'Ix 'ajx pax spermiso jun noc' sb'i cha, yic tzyaln jun tzo'n̈ maysch'olnil yet' b'uchwal paxti 'a Dios. 42 'ujl 'ix 'ajx spermiso ya'n yajlil.

A Ch'an̈ Schab'l Libro Samuel 23:7

Toto 'ay junc mach tznib'n yamnc te', yowlal tzc'an junc q'uen hierro mto yoc lanza, yic tzluchn 'at te 'a scal c'ac' cha, sec tz'a te smasnil 'a jun 'ejmn̈ej, xchi David.