2 Ts 2:1 - Chuj San Sebastian Bible

¹ A ticnec ex wu'tac, ex wanab', 'oj calb't eyab' on̈, chajtl 'oj 'aj sjaw Cajlil Jesucristo, ax on̈ smolb'tzanc yet'oc. Tzon̈ tew 'at 'ayx on̈,

Chuj San Mateo Bible

¹ A ticnaic, tzin tz'ib'ejb'at d'ayex chajtil ol aj sjavi Cajal Jesucristo, aton yic ol on̈ molchajoch yed'oc. Tzin tevib'at d'ayex to

2 Ts 2:1 Referans Kwoze

Mr 13:27

An tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinal. 'Oj 'ec' 'ijx cot eb' 'a 'aj tzlajw c'och yolyib'n̈q'uinal, masnto 'a yib' cha'an̈.

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

2 Ti 4:1

A yic 'oj jawc pax Cajlil Jesucristo 'a scha'ejmal, ax swach' 'och reyal, ax sb'eyc'ojlan smasnil 'anma chamnc xo, yet' eb' pitznto. Yuj cha, a 'a sat Dios yet' 'a sat Cajlil Jesucristo, tzcham wal waln 'at 'ayach.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

1 Ts 2:19

At 'a yic 'oj jawc Cajlil Jesucristo, ax cajc 'a yojltac. Eyu'uj, tzca'n 'och yipc qui c'ojl on̈, to 'oj qui cha spac on̈. Eyu'uj, ax qui chan qui tzaljc'ojlal on̈. Eyu'uj, 'oj qui cha spac qui munljel on̈, sec 'ay quel'ch on̈.

Mt 25:32

Ax junjn nacion̈al eb' 'anma', 'oj jawc eb' 'a wojltac. 'Icha junc 'ilm calnelu tzpoj 'elt no calnelu 'a scal no chiwo, 'ixta 'oj wutc in pojn snan̈l eb'.

Ef 1:10

A yic 'oj c'och stiempoal, 'oj 'el'choc jun snib'jnac cha. Yujto ata 'oj swach' 'a'c 'och smasnil mach yet' smasnil tas 'a yol sc'ab' Cristo. Wach'xam jun tzo'n̈ 'ay 'a satcha'an̈, yet' pax jun tzo'n̈ 'ay 'a yolyib'n̈q'uinl tic, junxn̈ej 'oj yutc ya'n 'och smasnil 'a yol sc'ab' cha.

Ro 12:1

Ex wu'tac, ex wanab', caw tz'o'ch sc'ojl Dios 'ayn̈ec. Yuj wal cha, tzin tew 'at 'ayex, to tzeya'ch e b'a 'a yol sc'ab'. 'Icha junc xajmb'al pitzan, tz'ajx yico'oc, 'ixta tzcutjec ca'n qui b'a 'a 'a. Toto 'ixta tzcutjec qui b'a, tzyal 'el'chi, yic on̈n̈ej Dios, tzca'nec servil 'a smasnil qui c'ojol, 'icha wal tznib'ej.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

2 Ts 1:3

Ex wu'tac, ex wanab', yowlal tzca'n̈j yuj diosal 'a Dios eyuj on̈. Smoj 'ixta tzcal eyuj on̈, yujto junjn c'u, yel xo wal tzeya'ch e c'ojl 'a Dios. An̈jtona', junjn ex, yel xo wal tzlaj e chamc'ojloc e b'a.