2 Ts 1:7 - Chuj San Sebastian Bible

⁷ Wan eyab'n syal quet' on̈. Palta at 'oj jawc pax Cajlil Jesús, ax ya'n Dios sniwnal qui c'ojlec. 'Oj cot Cajlilec yet' eb' yángel 'a satcha'an̈, atn eb' caw niwn spoder. A yic 'oj 'emloc eb', 'aych eb' 'a scal jun c'ac' tzn̈ilchji.

Chuj San Mateo Bible

⁷ Van eyab'an syaelal qued'oc. Palta ol ac'joc snivanil co c'ool yuj Dios ayic ol cot Cajal Jesús yed' eb' yángel d'a satchaan̈, aton eb' te nivan spoder. Ayic ol emuloc, yed'nac jun c'ac' n̈iln̈on sq'ue sc'ac'al.

2 Ts 1:7 Referans Kwoze

Apoc 14:13

Xlajw cha, xwab'n yoch jun paxti 'a satcha'an̈, 'ix yaln 'ixtc 'ayin: —Tz'ib'j junx 'oj wal tic: A ticnec, caw wach' yic eb' an̈ja 'aych 'a yol sc'ab' sYajlil yic tzchami, xchi jun paxti cha. Xyaln Yespíritu Dios 'ixtic: Caw yel yujto 'oj 'iljc eb' 'a smunljel. Ax jun ch'an̈ un̈ 'aj tz'ib'b'il can tastc wach' tzb'o eb', 'oj c'och yet' eb' 'a satcha'an̈, xchi.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Apoc 22:16

An Jesús in, 'ix in checb't jun wángel 'at yal jun tzo'n̈ tic 'ayach, sec 'oj alxc 'a eb' creyente 'a junjn iglesia. An tic, yin̈tl in can David, palta yuj in poder, pitzwnac 'el David cha. Lajn in 'icha jun niwquil c'anal sacb'su'un, caw tzictzni, xchi.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Apoc 21:4

Man̈x 'oj scha 'oc' eb'. A wal ta', man̈x 'a chamel, man̈x 'a 'oq'uel, man̈x 'a cusc'ojlal, man̈x 'a pax yailal. Yujto jantcn̈ej tas 'ay 'a yic yalan̈, 'e'nc xo, xchi.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

Lc 17:30

'Icha wal 'ajnc jun tiempoal cha, 'ixta 'oj 'aj wal jun c'u yic 'oj in jaw an 'Ochnc in 'Anmal tic.

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

Is 57:2

Junc'ojlal xoj tz'aj eb' 'aj tzc'ochi. A eb' tojl tzyutj sb'eyb'al 'a sat Dios 'a yolyib'n̈q'uinl tic, ax 'aj tzc'och eb' cha, to tz'ilj eb'.

Apoc 22:9

Palta xyaln 'ixtc 'ayin: —Man̈ a b'o 'ixtic, yujto an tic, ya'mal in pax servil Dios et'oc, yet' eb' et creyenteal. Atn eb' schecab', yet' jantcn̈ej eb' tzyiclni tas 'ix tz'ib'x can 'a jun libro tic. A 'a Dios tzal a b'a.

Apoc 22:6

Xlajw cha, xyaln jun ángel chi 'ayn 'ixtic: —A jun tzo'n̈ paxti tic, caw yel. Tztac' tza'ch yipc a c'ojol. A Dios Cajlil, a 'a'jnac paxtinc eb' schecab'. Atn checjnac cot jun yángel, yic tzwul ya'nc yojcoc 'el eb' tz'a'n servil, tas jun tzo'n̈ 'oj ujc muc'uc, xchi.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

A Sb'ab'el Carta San Pedro 3:22

paxnc q'ue 'a satcha'an̈. Ata 'ayc' 'a swach' c'ab' Dios ticnec. A tz'a'n mandar eb' ángel, yet' jun tzo'n̈ xo 'ay yopiso to 'ay spoder.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

A Ch'an̈ Carta D'a Eb' Hebreo 4:11

Yuj cha, ca'c wal 'ip cochc 'iljoc yuj Dios, sec wach' may junc on̈ec tzqui b'eylb'ej sb'eyb'al eb' ma'ix ya'ch 'a sc'ojl cha.

A Ch'an̈ Carta D'a Eb' Hebreo 4:9

Yuj cha, 'ay wal jun 'iljelal tzyac' Dios 'ayn̈ec an̈ yic on̈c xo.

A Ch'an̈ Carta D'a Eb' Hebreo 4:1

Ya'jnac can Dios sti', chajtlto tztac' tzon̈ 'ochc 'iljoc yu'uj. Yuj cha, caw ca'c cuenta qui b'a si'mb'il, sec toq'ue may junc mach 'a qui calc to ma'oj tzawnoc yoch 'iljoc yu'uj.

2 Ti 2:12

Toto tzca' techjoc syal yet'oc, 'oj coch yajlil yet'oc. Toto 'ayn̈ tzcala, to man̈ on̈ yico'oc, ax yaln paxi, to man̈ on̈ yico'oc jun xo.

A Scarta San Pablo D'a Eb' Aj Colosas 1:16

Yu'uj, b'onc smasnil tas 'ay 'a satcha'an̈, yet' tas 'ay 'a sat lum tic. Wach'xam jun tzo'n̈ tzquila, toxn̈ej jun tzo'n̈ matz quila, an̈j b'ojnac smasnil. Yet' pax smasnil jun tzo'n̈ xo eb' 'aych yajlil, eb' 'ay spoder, wach'xam matz tac' quiln eb', palta a b'ojnac eb', sec wach' tz'ajx servil yuj eb'.

Ef 1:2

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

A Tas Sc'ulejnac Eb' Schecab' Jesús Hechos 1:11

'Ix yaln eb' 'a eb' 'ixtic: —Ex winc 'aj Galilea, ¿tas yuj an̈ja q'ueln ex q'ue 'a satcha'an̈? A Jesús tic, 'ix 'ijx 'el 'a e cal, 'ix pax 'a satcha'an̈. 'Icha xeyil s'at tic, 'ixta 'oj jawc paxi, xchi eb' 'a eb'.

Jn 1:51

'Ix yaln pax Jesús 'ixtc 'a eb' 'ayc' yet' cha: —Wal yel tzwal 'ayex, 'oj eyila', jacn satcha'an̈. Ax eb' yángel Dios, 'ay eb' tz'eml 'a in tz'ey, 'ay eb' tzpaxx q'ue'i, yujto 'Ochnc in 'Anma'il, xchi Jesús 'a eb'.

Jn 1:3

A yet' jun chi sb'ojnac can Dios smasnil tas. Yujto a jun chi 'ix mol b'on smasnil yet'oc.

Lc 16:25

Palta xyaln cot Abraham chi 'ixtc 'a winac: Ach 'un, na coti chajtlto caw wach' ach 'ec' 'a yolyib'n̈q'uinal, ax Lázaro tic, caw may jac swach'l x'ec' yil ta'. Al ticnec, to wan yajx sniwnal sc'ojl 'a tic, ach xo, wan ab'n syal ticnec.

Mr 14:62

'Ix yaln Jesús 'ixtic: —An ton tic 'Ochnc in 'Anma'il, 'oj in eyila', wocn in 'ejm 'a swach' c'ab' Dios, atn jun niwn spoder. 'Oj eyil pax weml 'a scal 'asn 'a satcha'an̈, xchi.

Mr 8:38

A wal eb' 'anma 'a jun tiempoal tic, man̈oc 'a Dios tzya'ch eb' snab'en, caw maysch'olnil eb'. A eb' tzq'uixw wuj 'a sat eb' yit 'anma'il, tzq'uixw pax yuj in paxti', an̈jtona an 'Ochnc in 'Anmal tic, 'oj in q'uixw pax yuj eb' yic 'oj in jaw yet' spoder in Mam, yet' eb' ángel yic xo yaji, xchi.

Mt 26:64

—An ton 'icha tzal tic. Tzwal pax 'ayex, to an 'Ochnc in 'Anmal tic, 'oj in eyila', wocn in 'ejm 'a swach' c'ab' Dios, atn jun niwn spoder, 'oj eyil pax weml 'a scal 'asn 'a satcha'an̈, xchi.

Ex 3:2

Ata 'ix sch'ox sb'a jun yángel Jehová 'a scal jun te q'uix tzn̈ilchj sc'aq'uil; caw ow sn̈ilchj sc'a'l te', palta matz lajw te stz'a'i.

Ex 19:18

Caw wal xq'ue stab'l sjolm lum Sinaí cha, yujto 'ix 'eml Jehová 'a scal jun c'ac'. 'Icha wal sq'ue stab'l junc jorna, 'ixta wal xq'ue stab'l lu'um, x'ib'x lum witz chi si'mb'il.

Is 66:15

Yujto a 'a scal c'ac' 'aychi ax sjawi, a scaruaje 'aj 'aychi, lajn wal sb'ey 'icha chacxuxm'ic'. 'Oj jawc wul yi'l yowl sc'ojl 'a eb' 'ajc'ojl cha. Lajn wal yowl sc'ojl chi 'icha sq'ue wan snich c'ac'.

Ez 1:13

A 'a scal eb' querubín cha, ata 'ay jun tas caw tzxexni 'icha stzac'ac', 'icha pax yilx junc tziclab'il taj tzn̈iln̈ni, 'ixta jun c'ac' cha, ax 'a scal, ata tzlaj 'elt letz'lo'om.

Dn 7:9

'Ix in yamn̈ej 'och wilni, 'ix 'ajx 'ejm jun tzo'n̈ despacho, ax Dios, atn jun 'ayc' 'a jun 'ejmn̈ej, x'em wocn 'a yib'n̈ jun yico'. Caw sac yilx spichl 'icha yilx q'uen sacb'acum. Ax xil sjolom, caw sac yilx 'icha sac lana. A sdespacho cha, 'ay setetal, 'icha to tzn̈ilchj sc'aq'uil.

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

1 Co 3:13

Palta a qui munljel junjn on̈ec, caw 'oj checljoc 'eli, a yic 'oj jawc jun c'u yic b'eyc'ojlal. 'Icha junc c'ac' tzjawi, 'ixta 'oj 'aj sjaw jun b'eyc'ojlal cha. Ax yajx prowal qui munljel junjn on̈ec, toto wach', mto ma'ay.

1 Ts 3:13

A 'a yic 'oj jawc pax Cajlil Jesucristo, qui masnil an̈ yic on̈c xo, junn̈j 'oj cajc yet'oc. Tzqui nib'j on̈, a tzwach' 'a'n te'nb'oc e nab'en, sec an̈ja caw wach' e b'eyb'al, may jac e mul 'a yojltac qui Mam Dios 'a jun tiempoal cha.

A Ch'an̈ Carta D'a Eb' Hebreo 10:27

Toto 'ixta', cojxn jun niwn yailal tzqui tan̈wjec, yet' jun c'ac' tzn̈ilchji. Smoj caw tzon̈ xiwc yu'uj. Yuj jun c'ac' cha, ax slajw 'el eb' 'ajc'ojl yajch 'a Dios.

A Ch'an̈ Carta D'a Eb' Hebreo 12:29

yujto a qui Diosalec, lajn 'icha junc c'ac', caw tzlajw stz'a smasnil tas yu'uj.

A Schab'il Carta San Pedro 3:7

A satcha'an̈ yet' sat lum tic, an̈ja 'ayc' ticnec. Palta yaljnac can Dios, to yowlal 'oj cann̈j 'ixtic, masnto 'oj 'ajxc 'emt c'ac' 'a 'a. Atta 'oj jawc jun c'u yic b'eyc'ojlal. Ax eb' may yel'ch Dios 'a sat, 'oj satcn 'el eb' 'a jun 'ejmn̈ej ta'.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.

Apoc 6:11

Xlajw cha, 'a junjn eb', 'ix 'ajx spichl eb' caw sac. 'Ix alx 'a eb', to tz'ilj eb' jac xo, masnto 'oj tz'acwc sb'isl eb' yit creyenteal eb' tot 'oj milxoc cham 'icha eb', atn eb' ya'mal servil Cristo yet' eb'.

Apoc 14:10

a eb' cha, yowlal 'oj jawc jun niwn yailal 'a yib'n̈ eb' yuj Dios. 'Icha junc yal uva tzjaw sti', caw ow, may jac a 'ay't 'a scal, 'ixta wal yowl sc'ojl Dios 'oj yac' 'a eb'. Caw wal ow si'mb'il. 'Oj yab' eb' syal 'a scal c'ac' yet' azufre 'a yojltac eb' yángel Dios, yet' 'a yojltac jun tzcuch Calnelu.