2 Ts 1:5 - Chuj San Sebastian Bible

⁵ 'Ixta tz'aj scheclj 'eli, to caw tojl tzyutj Dios on̈ sb'eyc'ojlanec. Yujto tzyal eyu'uj, to smoj 'oj e c'och 'a yol sc'ab'. Yujn̈ej Dios, wan eyab'n syal ta'.

Chuj San Mateo Bible

⁵ Icha chi' tz'aj scheclajeli to tojol syutej Dios on̈ sch'olb'itani. Yuj chi' syala' to smoj tzex och b'aj ol yac' Yajalil, yujn̈ej to van eyab'an syaelal yuuj.

2 Ts 1:5 Referans Kwoze

A Scarta San Pablo D'a Eb' Aj Filipos 1:28

Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

Lc 20:35

Palta a eb' 'oj pitzwc pax 'a scal eb' chamnac, eb' smoj 'oj 'a'jc 'a jun tiempoal 'oj jawc cha, man̈x 'oj laj yi'lac sb'a eb' 'anma ta'.

2 Ti 2:12

Toto tzca' techjoc syal yet'oc, 'oj coch yajlil yet'oc. Toto 'ayn̈ tzcala, to man̈ on̈ yico'oc, ax yaln paxi, to man̈ on̈ yico'oc jun xo.

2 Ts 1:11

Yuj wal jun tic, tzon̈ leslwi eyuj 'a junjn c'u on̈. Tzqui c'an 'a qui Diosalec eyuj on̈, sec caw wach'x 'a sat, yujto a 'awtjnacx 'och yico'oc. Tzqui c'ann pax 'a on̈, sec tzyac' spoder 'ayex, sec tze b'eylb'ej smasnil tas wach' 'icha tze nib'ej. Ax e munlj pax 'a 'a, yujto tzeya'ch 'a e c'ojol.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

Salmos 99:4

Ach tic Mamin, Rey ach, tztac' oj smasnil, 'ay a chamc'ojlal 'a tas wach'. A tas wach' yet' tojlal, a chi xac' 'ayn̈ an̈ yin̈tl on̈ Jacob tic.

Apoc 16:7

Ax xwab'ni, 'ay jun 'ayc' 'a yet'l xajmb'al, xyaln pax 'ixtic: —Yel Mamin, Dios ach, smasnil tas tztac' o'oj. Caw yel tojl xotj a b'eyc'ojlan eb' 'anma', xchi.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

Apoc 3:4

Palta 'ay jaywn̈ ex 'a Sardis cha, ma'ex juw 'el xoni. 'Icha junc mach may 'aj tzb'on̈x xon jac spichul, 'ixta 'ex. Yuj cha, 'oj 'ajxoc 'och junjn e pichl caw sac. Ax e b'eyc' wet'oc, yujto e moj 'ixta 'oj eyaji.

1 Ts 2:14

Ex wu'tac, ex wanab', caw lajn ex 'aj yet' eb' creyente 'a junjn yiglesia Dios 'a yol yic Judea. A eb' cha, yic xo Cristo Jesús eb' quet'ec. Caw xyab' eb' syal yuj eb' yit israelal. An̈jtona', 'ixta ex. Xeyab' syal yuj eb' eyit chon̈b' jun xo.

A Scarta San Pablo D'a Eb' Aj Colosas 1:12

Ax eya'n yuj diosal 'a qui Mam Dios. A tzb'on qui nab'enec, sec 'ay calnec quic yet' jantcn̈ej eb' yic xo yaji, yujto yic on̈c xo sacq'uinal.

Ef 4:1

An tic, preso waji, yujto tzwac' servil Cajlilec. Tzin tew 'at 'ayex, caw wach' tzeyutj e b'eyb'al. Smoj 'ixta tzeyutj e b'a, yujto a Dios 'awtjnacx 'och yico'oc.

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

A Tas Sc'ulejnac Eb' Schecab' Jesús Hechos 13:46

Yuj cha, 'ix ste'wtzan sb'a Pablo chi yet' Bernabé. 'Ix yaln eb' 'ixtic: —Yowlal a 'ayx quit israelal tzqui b'ab'l alj 'el spaxti Dios on̈. Palta 'in matz e nib'j tzeya'ch e c'ojl 'a 'a. Am tze na'a, to man̈ smojc tze chaj e q'uinl 'a jun 'ejmn̈ej. Yuj cha, a ticnec, 'oj cal-l jun 'ab'x tic 'a eb' man̈ israeloc on̈.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Jeremías 9:24

An Jehová in, an tzwala, toto 'ay mach tznib'j tzyac' tzaljoc sc'ojol, tzalj cab'i', yujto tzin yojquej 'eli, chajtlto an ton Jehová in, wach' tzwutj in b'a 'a sat lum lum tic yet' chamc'ojlal yet' pax tojlal. Atn jun tzo'n̈ tic tzchaj in c'ojol, xchi Dios.

Salmos 111:7

A tas tzb'o'o, yel ton b'i'an tojol. A smasnil schecnb'il alb'il can yu'uj, yel tzyal eb'.

Salmos 72:2

sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.

Salmos 50:6

Ax satcha'an̈ a 'oj ch'oxnoc 'eli, to a Dios atn Juez, caw tojl tzyutj sb'eyc'ojlwi.

Salmos 33:5

A Dios tzchamc'ojlej tas wach' yet' tas tojol, tzch'oxn 'el schamc'ojlal 'a smasnil yolyib'n̈q'uinl tic.

Job 8:3

A Dios tztac' yuj smasnil, may 'aj tzjelmtej tas tojol, may 'aj tzyij 'ec' smacl junc mach.