2 Ts 1:10 - Chuj San Sebastian Bible

¹⁰ A 'a yic jun c'u yic 'oj jawc Cajlilec, caw niwn yel'ch 'oj 'aj 'a qui satc an̈ yic on̈c xo. Qui masnil an̈ creyente on̈ec, 'oj ca'c 'ejm qui b'a 'a 'a. Locn ex quet' ta 'on̈, yujto eya'jnac 'och e c'ojl 'a jun 'ab'x 'ec' caljnac 'ayx on̈.

Chuj San Mateo Bible

¹⁰ A d'a jun c'ual ayic ol javoc Cajal Jesús chi', te nivan ol aj yelc'och d'ayon̈ a on̈ yic on̈xo tic. Co masanil a on̈ creyente on̈ tic, ol caq'uem co b'a d'ay. Locan ex qued'oc yujto eyac'nac och jun ab'ix ec' calnac d'a e c'ool.

2 Ts 1:10 Referans Kwoze

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

1 Co 3:13

Palta a qui munljel junjn on̈ec, caw 'oj checljoc 'eli, a yic 'oj jawc jun c'u yic b'eyc'ojlal. 'Icha junc c'ac' tzjawi, 'ixta 'oj 'aj sjaw jun b'eyc'ojlal cha. Ax yajx prowal qui munljel junjn on̈ec, toto wach', mto ma'ay.

Jn 17:10

Jantcn̈ej eb' wico', ec xo pax yaj eb'. An̈jtona eb' eco', wic pax eb' et'oc. Atn eb' tic tzch'oxn 'eli, to caw niwn wel'chi.

Is 49:3

'Ix yaln 'ayn 'ixtic: Ach yin̈tl Israel in checb' 'aji, ojn̈ej ax checlj 'eli to niwn wel'chi, xchi.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

Nm 23:23

A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

2 Ts 2:13

Ex wu'tac, ex wanab', chamc'ojlb'ilx yuj Cajlilec. Yowlal caw tzca'n̈j yuj diosal 'a Dios eyuj on̈, yujto yictax pecti', sic'b'ilx can 'el yuj Dios quet' on̈, sec tzex colchj yuj Yespíritu. A tzex 'i'n 'och yico'oc Dios. Yuj cha, tzex colchj quet' on̈, yujto tzeya'ch pax e c'ojl 'a jun cuynb'il caw yel.

1 Co 1:6

Eyu'uj, 'ix checlj 'el yab'xil Cristo, chajtlto caw yel.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

2 Ti 1:18

A 'a jun c'u yic 'oj jawc Jesucristo cha, comnoc 'oj 'o'ch sc'ojl Cajlil 'a Onesíforo cha. Ojtac, til wal 'ejm ya'jnacn servil 'a chon̈b' Efeso 'a 'aj 'aych 'ec' cha.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.

2 Ts 1:12

Toto 'ixta tzeyutj e b'a, 'oj alxc wach' paxti 'a Cajlil Jesucristo eyu'uj. Ax Cristo 'oj ex yal pax wach'il. 'Ixta 'oj eyaji, yujto a qui Diosalec, yet' Cajlil Jesucristo, 'oj yac' swach'c'ojlal 'ayx quet' on̈.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

1 Ts 2:1

Ex wu'tac, ex wanab', eyojtac man̈ nab'an̈ejoc 'e'nc on̈ 'ayx on̈.

1 Ts 1:5

A yic 'ec' calnc 'el wach' 'ab'x yic colnb'il 'ayx on̈, man̈toc ton̈j 'e'nc on̈ paxtinc on̈. Yujto a Yespíritu Dios 'ochnc quet' on̈. Caw cojc si'mb'il on̈, to caw yel jun 'ab'x tic. Eyojtac, chajtl 'ec' cutjnac qui b'eyb'al 'a e cal on̈, sec caw wach' eyico'.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

Ef 3:10

Yuj cha, jantcn̈ej eb' 'aych yajlil 'a satcha'an̈, yet' eb' tz'a'n cuenta ta', yic xyiln eb' chajtl caj an̈ec yiglesia on̈ xo tic, 'ix wach' nachj 'el yuj eb', to man̈ jantcoc sjelnal Dios.

Ef 2:7

'Ixta xyutj Dios 'ayn̈ec, sec wach' a yic 'oj jawc jun tiempoal, an̈j 'ijnoc 'oj sch'oxo', to niwn schamc'ojlal 'ayn̈ec. Ax sch'oxn pax swach'c'ojlal 'ayn̈ec, yujto junxn̈ej cajc yet' Cristo Jesús.

Ef 1:14

Yuj Yespíritu 'aych 'ayn̈ec, yuj cha, cojtac to 'oj qui chac jun quic 'oj yac' Dios 'ayn̈ec. Atta 'oj checljoc 'el qui colnb'ilec an̈ yic on̈c xo tic. Ata 'oj alxc wach' paxti 'a 'a, chajtlto caw niwn swach'il.

Ef 1:12

An̈ tic on̈, qui b'ab'l 'a'jnac 'och Cristo yipc qui c'ojl on̈. Yuj cha, x'el 'a sc'ojl Dios to cuj on̈, tzalx wach' paxti 'a 'a, chajtlto caw niwn swach'il.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

Gl 1:24

Yuj cha, laj yalnc eb' wach' paxti 'a Dios wu'uj.

Jn 11:4

Xlajw yab'n Jesús tas 'ix yalb't eb', 'ix yaln 'ixtic: —A jun yab'il cha, ma'oj cham win yuj 'a jun 'ejmn̈ej. 'Ix yamchj win yuj jun yab'il cha, sec 'oj sch'ox Dios to caw niwn yel'chi. Ax scheclj pax 'eli, to caw niwn wel'ch pax an Yunnaln Dios tic, xchi Jesús.

Lc 10:12

An tzwal 'ayex, at yic 'oj jawc jun c'u yic sb'eyc'ojlal Dios, yel xo wal niwn yailal 'oj 'ajxc 'a eb' 'aj chon̈b' chi 'a yib'n̈ eb' 'aj Sodoma.

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

Mt 24:36

Palta may mach 'ojtnac, 'aja c'u, jantc yorail 'oj in jawi. An̈jtona eb' ángel 'ay 'a satcha'an̈, man̈ yojcoc eb'. An xo tic, yunnaln Dios, palta man̈ wojcoc paxi, cojxn Dios Mamb'il a 'ojtnac.

Mt 7:22

At 'a yic 'oj jawc jun c'u cha, til wal eb' 'oj laj alnc 'ayn 'ixtic: Mamin, Mamin, caw x'ec' cal-l ab'xil on̈, yuj a poder quijnac 'el jun tzo'n̈ demonio 'a eb' 'anma 'on̈. An̈jtona', yuj a poder til wal milagro qui ch'oxjnac on̈, 'oj schic eb' 'ayin.

Malaquías 3:17

A Jehová tztac' yuj smasnil, a tzaln 'ixtic: 'Ay jun c'ual, 'oj in b'eyc'ojloc eb' 'anma', a eb' 'ay wel'ch 'a sat, caw 'oj in si'cn 'el eb', yic tz'ochcn eb' wico'oc. 'Icha junc mamb'il tz'o'ch sc'ojl 'a junc yunnal tz'a'n servil, 'ixta wal 'oj 'aj yo'ch in c'ojl 'a eb'.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Is 43:21

B'ob'ilx wu'uj, yic tzeyaln wach' paxti 'ayin.

Salmos 68:35

Caw satjub'tac yilx yaj Dios 'a yol scajnub'. A qui Diosalec an̈ israel on̈ec tic, tzyac' qui jelnalec yet' quip. ¡Alx cab' wach' paxti 'a qui Diosalec!

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

1 Ts 2:12

Caln pax 'ayx on̈, to caw wach' tzeyutj e b'eyb'al, 'icha tznib'j Dios. A on̈ 'awtnec 'och 'a yol sc'ab', sec 'oj tz'acwc qui wach'lec 'icha swach'il.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.