2 Ti 3:4 - Chuj San Sebastian Bible

⁴ A yic 'oj jawc jun tiempoal cha, 'oj ya'ch eb' 'es 'a yib'n̈ eb' swach'c'ojol. Ma'oj xiw xon eb' sb'on maysch'olnil. 'Oj cob' yalch sb'a eb' jelnal. Cojn 'a tas 'oj snib'c 'och eb' yet' sniwnal, ata 'oj ya'ch eb' snab'en. Ax 'a Dios, may jac schamc'ojlal eb'.

Chuj San Mateo Bible

⁴ Ayic ol javoc jun tiempoal chi', ol yac'och es eb' d'a yib'an̈ eb' svach'c'ool. Man̈ ol xiv jab'oc eb' sc'ulan chucal. Ol laj yaloch sb'a eb' jelanil. An̈ej d'a tas sgana snivanil eb' b'aj ol yac'och spensar. Man̈ xajanoc Dios yuj eb'.

2 Ti 3:4 Referans Kwoze

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.

1 Ti 3:6

A eb' 'unn creyente to, matz tac' yajx yopiso eb', yujto 'ay smay ton̈j tzb'an̈ sb'a eb'. Toto 'ixta tzyutj sb'a eb', 'ay smay tz'ajx can 'och yailal 'a yib'n̈ eb' 'icha x'aj win diablo.

San Judas 1:19

Yuj eb' cha, 'oj spojl sb'a eb' yic xo Dios. An̈j jun tzo'n̈ tas tznib'j 'och eb' yet' sniwnal 'aj tzya'ch snab'en. May Yespíritu Dios 'aych 'a eb'.

Ro 16:18

Yujto a eb' cha, man̈oc Cajlil Jesucristo tzyac' servil eb', an̈j jun tzo'n̈ tas tznib'j 'och sniwnal eb', an̈j tzyac' servil eb', caw tzyixtj paxti eb' jun tzo'n̈ eb' mantzac nachj 'el yu'uj. C'un tzcob' yutc eb' yalni, 'icha to wach' cob' chi tzyal eb', palta man̈ wach'oc.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

1 Ti 5:6

Palta 'ay pax eb' 'ix chamnc yichmil, cojxn 'a tas tznib'ej, ata tzya'ch eb' snab'en. Yuj cha, wach'xam pitzn eb' 'a sat 'anma', palta ax 'a sat Dios, chamnc xo eb'.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

A Tas Sc'ulejnac Eb' Schecab' Jesús Hechos 7:52

A eb' schecb' Dios pecti', c'uxn xlaj yab' eb' syal yuj eb' qui mam quichmec cha. 'Ay jun tzo'n̈ eb' aljnac cani, chajtlto 'oj jawc jun tojl snab'en, 'ix milx cham eb' yuj eb'. Ax yic 'ix jaw jun cha, ax xo xeya'ch 'a yol sc'ab' chamel, xeya'n milxc chamoc.

A Tas Sc'ulejnac Eb' Schecab' Jesús Hechos 19:36

May junc mach tztac' yalni, to 'es jun tzo'n̈ tzwal tic. Yuj cha, sictac tzex 'aji. Nac wal si'mb'il, sec may junc tas tze comn b'o'ej.