2 Cr 9:23 - Chuj San Sebastian Bible

²³ A smasnil eb' rey cha, 'ix jaw eb' 'a Salomón, yic tzwul yilnc eb', mto wul yab'nc pax eb' jantc wal sjelnal x'ajx yuj Dios.

Chuj San Mateo Bible

²³ Masanil eb' vin̈ rey chi', ix javi eb' vin̈ d'a vin̈ yic tzul yilan eb' vin̈, ma tzul yab'an eb' vin̈ jantac sjelanil vin̈ ix ac'ji yuj Dios.

2 Cr 9:23 Referans Kwoze

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

Pr 2:6

A Jehová a tz'a'n qui jelnal, a spaxti tz'a'n cojcoc 'el wach' nab'enal.

A Ch'an̈ B'ab'el Libro Yic Yab'ixal Eb' Rey 4:34

A 'a smasnil nacion̈ 'aj 'ix c'och yab'xil sjelnal Salomón, 'ix cot eb' 'anma yet' eb' rey, yic tzwul 'ab'xnoc eb' 'a 'a.

Ef 1:17

A sDiosal Cajlil Jesucristo, atn qui Mamc caw niwn yel'chi. Tzin c'an 'a 'a, sec 'oj yac' sjelnal 'ayx yuj Yespíritu, sec 'oj wach' nachjc 'el eyu'uj, tas 'ac'b'il cojcoquec 'eli. 'Ixta to b'i'an, ax e wach' 'ojcan 'el qui Mam Dios.

1 Co 12:8

Yuj Yespíritu tic, 'ay eb' tztac' yaln sjelnal Dios, 'ay pax eb' tznachj 'el yuj scuywji.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

Dn 5:11

A 'a yol a macb'en 'aj 'aych 'och reyl tic, 'ay jun winc caw tztac' snachj 'el yu'uj. Caw 'aych sjelnal jun tzo'n̈ dios 'a 'a. A 'a yol stiempoal win a mam 'icham, a jun winc cha, 'ix sch'oxli to caw 'ay jun snab'en caw wach', caw jelan, 'icha sjelnal jun tzo'n̈ dios. Yuj cha, ax a mam 'ichm Nabucodonosor, a x'a'n 'och syajlilc smasnil eb' 'ay tas tztac' yu'uj, eb' tzchumn yet' c'anal, yet' pax eb' tztac' snan 'el paxti 'a jun nacion̈ tic.

Dn 1:17

A ewin quelm tic schan̈wn̈il, a Dios 'ix 'a'n snab'en ewinac, xya'n sjelnal ewin scuyn smasnil jun tzo'n̈ ch'an̈ u'un̈. Ax Daniel 'ix 'ajx sjelnal snan 'el jun tzo'n̈ wayich, yet' jun tzo'n̈ 'ilwal.

Is 11:10

A 'a jun tiempoal cha, 'oj sch'oxl sb'a jun yin̈tl Isaí cha. Til wal 'anma 'oj cot 'a jun tzo'n̈ xo nacion̈, ax sayn 'ec' eb' 'aj 'ayc' cha, caw niwn yel'ch 'a sat eb'.

Is 11:2

A jun cha, 'aychn̈ej Yespíritu Jehová yet'oc, 'oj yac' sjelnal, 'oj yac' wach' nab'enal 'a 'a, 'oj yac' tojlal, 'oj yac' yip, 'oj yac' spoder, 'oj ya'n yojcoc 'el tas tznib'j Jehová, ax syiclni.

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

2 Cr 9:22

A rey Salomón, 'ec'b'al sricoal yet' sjelnal 'a yib'n̈ smasnil eb' rey 'a yolyib'n̈q'uinl tic.

2 Cr 9:24

A eb' tzjaw 'a junjn ab'il, 'ix yij cot eb' siylab' 'a 'a: 'Icha q'uen plata, oro, pichul, yamc'ab' yic owal, perjuma, no cawyu chej yet' no mula.