2 Cr 8:5 - Chuj San Sebastian Bible

⁵ An̈jtona', 'ix sb'on pax chon̈b' Bet-horón 'a yib'n̈ q'ueta', yet' pax Bet-horón 'a yaln̈ 'ejmi, xya'n 'och smuroal sti jun tzo'n̈ chon̈b' cha, x'och spuertail, x'och q'uen q'uen yipnub'oc spuertail cha.

Chuj San Mateo Bible

⁵ An̈ejtona' ix sb'oxiq'ue chon̈ab' Bet-horón vin̈, jun ay d'a yib'an̈q'uei yed' Bet-horón ay d'a yalan̈emta. A juntzan̈ chon̈ab' chi', ayoch smuroal yed' spuertail. Aypaxoch c'atan q'uen q'ueen syamnub'aloc spuertail chi'.

2 Cr 8:5 Referans Kwoze

1 Cr 7:24

A 'ix Seera yisl Bería, sb'o chan̈ 'ix jun chon̈b' Bet-horón 'ay 'a yaln̈ 'emta yet' junx chon̈b' Bet-horón 'ay 'a yib'n̈ q'ue'i, yet' pax chon̈b' Uzen-seera.

2 Cr 14:7

Yuj cha, 'ix yaln 'ixtc 'a eb' 'aj Judá cha: Quib'oc chan̈ jun tzo'n̈ chon̈b' tic, tzqui b'onec pax 'och smuroal 'a spatquil, storreal yet' spuertail; a q'uen hierro tz'och yipnub'oc ya' sb'a a qui nacion̈ec tic 'ayc' 'a yol qui c'ab'ec. Yujto xca'c 'och 'a qui c'ojlec calnec qui b'a 'a Jehová qui Diosalec, yuj cha, a x'a'n junc'ojlal 'ayn̈ec yet' smasnil eb' cajn 'a qui tz'eyec, xchi. Yuj cha, caw wach' 'ix 'aj sb'o jun tzo'n̈ cha.

Josué 16:5

A smon̈jonal slum eb' yin̈tl Efraín, tz'el yich 'a stojlal 'aj tzq'uel c'u, 'a Atarot-adar masnto tzc'och 'a Bet-horón, lum 'a yib'n̈q'ue'i.

Josué 16:3

Tz'atx lum 'a stojlal 'aj tz'em c'u atn 'a slum eb' jafletita, masnto 'a smon̈jonal yic Bet-horón lum 'a yaln̈ 'ejmi, masnto tzc'och 'a Gezer, tz'elx c'och pax lum 'a a Mar Mediterráneo.

2 Cr 8:4

Sb'on pax chon̈b' Tadmor jun 'ejm xo 'a cusltac lu'um, yet' smasnil jun tzo'n̈ chon̈b' 'a yol yic Hamat, 'a 'aj tzmolx jun tzo'n̈ tas tzc'uxxi.

2 Cr 8:6

Sb'on pax chon̈b' Baalat, yet' smasnil jun tzo'n̈ chon̈b' 'aj tzmolx tas tzc'uxx yuj Salomón. An̈jtona', sb'on pax smasnil chon̈b' 'aj tzmolx caruaje yet' no chej yic owal, yet' smasnil tas 'ix snib'j Salomón tzb'o 'a Jerusalén, 'a Líbano, yet' 'a smasnil lum lum 'a yol smacb'en.