2 Cr 8:11 - Chuj San Sebastian Bible

¹¹ 'Ix yij 'el Salomón chi 'ix yisl win sreyl Egipto 'a yol Schon̈b' David, yujto chuc schon̈b' 'ix. Mun chuc sb'o win yatut 'ix, yujto sna'a, to a 'ix yistzil win cha, man̈ smojc tz'aj 'ix 'a yatut David sreyl can chon̈b' Israel, yujto a jun tzo'n̈ lugar 'aj 'ochnc te scaxail strato Jehová, caw wal niwn yel'chi.

Chuj San Mateo Bible

¹¹ A vin̈aj Salomón chi', ix yiq'uel ix yisil vin̈ sreyal Egipto vin̈ b'aj cajan d'a schon̈ab' vin̈aj David, ix yic'anb'at ix vin̈ d'a junxo palacio ix sb'o vin̈ yicoc ix, yujto ix sna' vin̈ to man̈ smojoc scajnaj ix b'aj ec'nac sdespacho vin̈aj rey David, yujto ata' ec'nac te' scaxail strato Jehová, te nivan yelc'och jun lugar chi'.

2 Cr 8:11 Referans Kwoze

A Ch'an̈ B'ab'el Libro Yic Yab'ixal Eb' Rey 7:8

Ax pax yatut Salomón 'aj cajan, ata 'ay 'a yamq'uil 'el spatquil jun tzo'n̈ n̈a cha, lajn yaj sb'o yet' jun tzo'n̈ cha. Xya'n b'o junx n̈a yic 'ix yisl win faraón sreyl Egipto, atn 'ix yijnac Salomón chi yistziloc. Lajn wal yilx x'aj sb'o yet' jun tzo'n̈ xo cha.

A Ch'an̈ B'ab'el Libro Yic Yab'ixal Eb' Rey 3:1

'Ix nupn Salomón yet' 'ix yisl win sreyl Egipto, 'ixta x'aj yoch wach'c'ojlal 'a snan̈l chab' nacion̈ cha. 'Ix yi'n cot win 'ix, 'ix ya'n can 'a schon̈b' David, ya' sb'a wan swach' b'o yatut, yet' yatut Jehová, yet' pax muro tz'och oyn 'a spatquil Jerusalén.

A Schab'il Carta San Pedro 1:18

A jun paxti chi 'ochnc 'a satchan̈ cha, caw cab'jnac yet' qui chicn on̈, yujto xit'nc on̈ 'ec' yet' Cajlilec 'a jun tzaln chi 'on̈. Atn 'a jun tzaln chi 'aj wulnc 'emt Dios.

Ez 21:2

Ach 'anma', meltzjan̈ 'at q'ueln 'a stojlal chon̈b' Jerusalén, tzaln 'at a paxti 'a yib'n̈ jun tzo'n̈ yatutal 'aj tzyal sb'a eb' 'anma'. Tzaln yab' eb' et israelal to 'ay tas 'oj jawc 'a yib'n̈ eb'.

Ex 29:43

Atn wal ta 'oj in cha in b'a yet' eb' israel, ax jun lugar cha. 'Oj in sacb'tzoc yet' in poder, ax yochcn wico'oc.

Ex 3:5

'Ix yaln Dios 'ixtc 'a 'a: —Man̈ ach 'ochlc 'a tic, 'ij 'el a xan̈ab', yujto a jun lugar 'aj tzach jaw tic, an 'ay wico', an 'ayn 'ec' 'a tic.

2 Cr 8:10

'Ay pax 250 eb' 'aych gobernadoral, atn eb' tz'a'n mandar eb' tzmunlj 'a Salomón.