2 Cr 7:2 - Chuj San Sebastian Bible

² yuj cha, a eb' ya'mal 'och sti eb' 'anma 'a Dios, man̈x 'ic stac' yoch eb' 'a yojol.

Chuj San Mateo Bible

² Yuj chi' majxo yal-laj yoch eb' sacerdote d'a yool chi'.

2 Cr 7:2 Referans Kwoze

Apoc 15:8

Ax jun Lugar cha, caw q'uic' x'aj 'ejm tab' 'a yojl yuj stzictznil Dios yet' spoder. May junc mach 'ix stac' scomn 'och ta', masnto xlajw uque yailal xyij 'at eb' ángel chi yucwn̈il.

2 Cr 5:14

Yuj jun 'asn cha, man̈x 'ic stac' yoch eb' ya'mal 'och sti eb' 'anma yiln yopiso ta', yujto xmacchj 'el yojl chi yuj stzictznil Jehová.

Ex 24:17

'Ix sch'ox sb'a stzictznil Jehová 'a scal jun 'asn cha, xyil eb' israel jun chi 'a sjolm lum witz cha. Lajn wal yilx jun chi 'icha junc niwquil c'ac' tzon̈ tz'a yu'uj.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

A Ch'an̈ B'ab'el Libro Yic Yab'ixal Eb' Rey 8:10

Ax yic xlajw yelt eb' ya'mal 'och sti eb' 'anma 'a yojl yatut Jehová cha, caw xb'ut'j 'el yojl chi yuj 'asun.

2 Cr 5:13

Xlajw cha, junn̈j xyutj eb' yutz'n strompeta cha, junn̈j xyutj eb' sjaj sb'itni, junn̈j xyutj pax eb' yaln wach' paxti', yuj yaln eb' yuj diosal 'a Jehová. 'Ix 'utz'x trompeta, 'ix yucx platillo, yet' jun tzo'n̈ xo yamc'ab', yic tz'och b'it 'a Dios. Ya' sb'a wan sb'itn eb', 'ix yaln eb' 'ixtic: Calc wach' paxti 'a Jehová, yujto yel xo wach' snab'en, yujto 'ay schamc'ojlal 'a jun 'ejmn̈ej, xchi eb' 'a sb'it. A 'a yic jun rato cha, 'ix macchj 'el yol yatut Jehová chi yuj jun 'asun.

Salmos 26:8

Mamin Jehová, tzin chamc'ojlej atut 'a 'ajtil cajn ach 'eq'ui, 'a 'ajtil tzb'inax a b'i.