2 Cr 5:7 - Chuj San Sebastian Bible

⁷ Xlajw cha, 'ix 'at ya'nc 'och eb' ya'mal 'och sti eb' 'anma te caxa chi 'a yet'ul, 'a jun Lugar to cojn Dios 'ay yico', 'a yaln̈ sc'axl jun tzo'n̈ yechl querubín 'a yol yatut Dios cha.

Chuj San Mateo Bible

⁷ Ix lajvi chi', ix b'at yac'anoch te' scaxail strato Jehová chi' eb' sacerdote d'a yol templo chi' d'a yichochc'ochi, aton d'a jun lugar Yicn̈ej Jehová Yaji, d'a yalan̈ sc'axil juntzan̈ yechel querubín.

2 Cr 5:7 Referans Kwoze

Salmos 132:8

Mamin Jehová, cotn̈ mu'c yet' scaxail a trato tzch'oxn 'el a poder, tzach 'at yet' 'a jun lugar 'aj tzb'o et'l 'aj 'oj a cani.

2 Cr 4:20

jun tzo'n̈ yet'l cantil to nab'a oro, jun tzo'n̈ cantil tz'ajx 'och 'a yojltac jun Lugar to cojn Dios 'ay yico',

1 Cr 22:19

Yuj cha, a ticnec 'a'c 'och wal 'a e c'ojol, yet' 'a e nab'en e sayn 'ec' Jehová qui Diosalec. Yamc 'och e b'on chan̈ jun scajnub' Jehová qui Diosalec, sec wach' 'oj 'och te scaxail strato 'a yojol, yet' jun tzo'n̈ syamc'ab'il yatut Dios to yic yaji, xchi rey David.

2 Cr 5:6

A rey Salomón yet' smasnil eb' yit israelal 'ix syam sb'a cha, b'ab'l scot eb' 'a yojltac te caxa cha, xlaj ya'nc eb' xajmb'al, atn no calnelu yet' no mam wacax. Caw niwn no xyac' eb', man̈xtzac b'ischj no'.

2 Cr 5:8

Jen̈n 'at sc'axl jun tzo'n̈ yechl querubín 'a yib'n̈ jun lugar 'aj 'ay te caxa cha, yet' 'a yib'n̈ eb' te scan̈nub'al.

2 Cr 6:11

An̈jtona', tox 'ix wa'ch te caxa 'aj 'ay 'ejm strato Jehová sb'ojnac quet'ec, xchi Salomón.

Ez 41:4

'Ix yechtan pax jun yojl 'och cha, lajn̈e metro junjn spac'b'il. Xlajw cha, xyaln 'ayn 'ixtic: A jun Lugar tic, cojn Dios 'ay yico', xchi 'ayin.

2 Cr 35:3

'Ix ya'n syam sb'a eb' levita tz'a'w servil 'a Jehová atn eb' cuywjum 'a sley Jehová 'a scal eb' yit israelal, xyaln 'a eb' 'ixtic: A ticnec man̈x 'oj e b'achb'eyc'oc te scaxail trato yet' sjolm e quelab'. Junxn̈ej 'aj tzcan te 'a yet'l 'a yol yatut Jehová, atn jun n̈a sb'ojnac Salomón, yunnal David sreyl chon̈b' Israel. A ticnec ata 'oj eyac' servil Jehová qui Diosalec, yet' pax 'a eb' quit israelalec.