2 Cr 4:1 - Chuj San Sebastian Bible

¹ An̈jtona', 'ix ya'n b'o jun yet'l xajmb'al to nab'a bronce, b'aln̈e metro spac'b'il, b'aln̈e metro schiquin, nan̈l yol metro ste'il.

Chuj San Mateo Bible

¹ Ix schecpax vin̈aj Salomón chi' b'ojoc jun altar nab'a bronce, 9 metro ix aj sc'atul, 9 metro ix aj sat, nan̈al yoil metro ix ajq'ue schaan̈il.

2 Cr 4:1 Referans Kwoze

A Ch'an̈ B'ab'el Libro Yic Yab'ixal Eb' Rey 8:64

Atn wal 'a jun c'u cha, 'ix ya'cn 'och win rey chi yopiso spacl snan̈l jun 'amc' 'ay 'a yojltac yatut Jehová. Ata xyac' tz'a win no xajmb'al, yet' yofrendail sat 'awb'en, yet' xepual no xajmb'al yic junc'ojlal, yujto caw wal ma'ix yab' jun yet'l xajmb'al nab'a bronce 'ayc' 'a yojltac yatut Jehová cha, yujto caw wal niwn no'.

2 Cr 1:5

A pax jun yet'l xajmb'al to nab'a bronce ya'jnac b'o Bezaleel yunnal Uri, yixchicn Hur, ata 'aycn 'a Gabaón, 'a yojltac scajnub' Jehová. 'Ix 'at Salomón yet' smasnil eb' chon̈b' ta', yic tz'at sc'anb'noc sb'a eb' 'a Dios.

A Ch'an̈ B'ab'el Libro Yic Yab'ixal Eb' Rey 9:25

A yic xlajw sb'o 'el'ch jun yatut Dios chi yuj Salomón, 'a junjn ab'il 'ox 'ejm tzyac' q'ue win no xajmb'al tz'a 'a yib'n̈ yet'l xajmb'al yic Jehová, yet' no xajmb'al yic junc'ojlal. Tzn̈usn pax win incienso yet'oc.

A Ch'an̈ B'ab'el Libro Yic Yab'ixal Eb' Rey 8:22

Xlajw cha, x'och lin̈n Salomón 'a yojltac jun yet'l xajmb'al Jehová 'a sat smasnil eb' chon̈ab', xya'n q'ue sc'ab' 'a satcha'an̈,

2 Cr 8:12

'Ix ya'n win xajmb'al to tz'a smasnil 'a Jehová, xya'n tz'a 'a yib'n̈ yet'l xajmb'al xb'o 'a yojltac yatut Dios,

2 Cr 15:8

A yic xyab'n Asa jun tzo'n̈ paxti 'ix yal win schecb' Dios cha, 'ix 'och wal yip si'mb'il, yuj cha, 'ix yi'n 'el jun tzo'n̈ yechl comn dios yajb'entac 'ay 'a smasnil yol yic Judá, 'a yol yic Benjamín, yet' 'a jun tzo'n̈ chon̈b' yijnac 'eq'ui, jun tzo'n̈ 'ay 'a jolmctac witz 'a yol yic Efraín. 'Ix sb'on pax chan̈ jun yet'l xajmb'al 'ay 'a yojltac yatut Jehová.

2 Cr 7:7

'Ix ya'n 'och Salomón yopiso spacl snan̈l 'amc' 'ay 'a yojltac yatut Jehová, sec ata tz'ajx tz'a xajmb'al to tz'a smasnil, yet' xepual no xajmb'al yic junc'ojlal. Yujto a jun yet'l xajmb'al nab'a bronce ya'jnac b'o'oc, man̈xtzac yab' 'aj tzq'ue jun tzo'n̈ xajmb'al chi 'a yib'an̈, atn yofrendail 'ixm trigo yet' xepual no xajmb'al cha.

2 Cr 29:18

Xlajw cha, xc'och eb' 'a sdespacho win rey Ezequías, xyaln eb' 'ixtc 'a winac: Tic 'ix qui sacb'tzej smasnil yatut Jehová, jun yet'l xajmb'al 'aj tz'a xajmb'al to tz'a smasnil yet' smasnil syamc'ab'il, smexail 'ixm pan to yicn̈ej Jehová yaji, yet' pax smasnil syamc'ab'il.