2 Cr 34:7 - Chuj San Sebastian Bible

⁷ A yic 'ix lajw sma'n poj jun tzo'n̈ yet'l xajmb'al, jun tzo'n̈ sch'oxnb'il Aserá cha, jun tzo'n̈ yechl tzeyb'il b'o'oc, yet' pax smasnil jun tzo'n̈ xo yechl 'a smasnil yol yic Israel, 'ixta to b'i'an, 'ix paxx cot 'a Jerusalén.

Chuj San Mateo Bible

⁷ Ayic ix lajvi smac'jicanpoj masanil juntzan̈ altar, juntzan̈ yechel comon dios Asera yed' juntzan̈xo yechel comon dios, choc' ix ajcani, ix mac'jipaxcanpoj masanil altar b'aj stz'a incienso d'a masanil yol yic Israel chi'. Ichato chi' ix meltzajxi vin̈ d'a Jerusalén.

2 Cr 34:7 Referans Kwoze

2 Cr 31:1

A yic tox 'ix lajw jun q'uin̈ cha, smasnil eb' israel yamn yaj ta', 'ix 'at eb' 'a smasnil chon̈b' 'a yol yic Judá, 'ix sma'n poj eb' jun tzo'n̈ q'uen 'aj tzyal sb'a eb' 'anma', yet' jun tzo'n̈ sch'oxnb'il comn dios Aserá. 'Ix sma'n juwc eb' jun tzo'n̈ macsej 'a jolmctac witz, yet' jun tzo'n̈ yet'l xajmb'al 'ay 'a smasnil yol yic Judá, 'a yol yic Benjamín, 'a yol yic Efraín yet' pax 'a yol yic Manasés, masnto xlajw smasnil. Xlajw cha, 'ix paxx smasnil eb' israel 'a schon̈ab', junjn eb' 'ix 'at 'a slu'um.

Dt 9:21

Yuj ton wal jun yechl wacx cha, x'och e mul. Yuj cha, xin tza'n cot jun yechl wacx cha, xin ma'n pojoc, xin juln 'at 'a scal c'ac', xin tenn chojoc, xwa'n 'at 'a yol a a tzcot 'a jolm witz.

2 Cr 34:1

A Josías cha, wajxque ab'il sq'uinal yic schan 'el yich ya'n reyal, 31 ab'il 'ix yac' reyl 'a Jerusalén.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

Lv 26:30

'Oj laj in mac' poj jun tzo'n̈ yet'l e diosal 'aj tzeyal e b'a, ax in ma'n poj yet'l 'aj tz'a incienso. 'Oj in molb'tzoc 'och b'uln e niwnal chamnc chi 'a yib'n̈ jun tzo'n̈ e diosal may spixn cha. 'Ixta wal 'oj wutc in ch'oxn 'eli, to man̈xtzac ex in nib'j wila'.

A Ch'an̈ Schab'il Libro Yic Yab'ixal Eb' Rey 23:19

'Icha 'ix yutj Josías a' Bet-el, 'ixta pax xyutj ya'n juwc 'el jun tzo'n̈ macsej 'a jolmctac witz, b'ob'il yuj eb' sreyl Israel 'a jun tzo'n̈ chon̈b' 'a yol yic Samaria, jun tzo'n̈ to tzuntzn cot yowl sc'ojl Jehová.

2 Cr 14:5

An̈jtona', 'ix yi'n pax 'el smacsej eb' 'anma 'a jolmctac witz, yet' pax jun tzo'n̈ yechl 'a jun tzo'n̈ chon̈b' 'a yol yic Judá. Caw 'ay junc'ojlal 'a yol stiempoal win Asa yic xya'n reyal.

Is 17:8

Man̈x 'oj 'at yil eb' jun tzo'n̈ yet'l xajmb'al b'ob'il yu'uj, atn jun tzo'n̈ tzya'ch eb' yipc sc'ojol. Man̈x 'a yel'ch jun tzo'n̈ te te sch'oxnb'il sdiosal eb' tzcuch Asera, yet' jun tzo'n̈ yet'l xajmb'al eb' 'aj tzn̈us incienso.

Miqueas 1:7

Caw choc' 'oj wutc can jun tzo'n̈ yechel, c'uxn 'oj in satl jun tzo'n̈ comn dios cha. Smasnil jun tzo'n̈ yelwnub'l yol yet'l eb' comn dios cha, 'oj in n̈uscn tz'a'oc. Yujto a yet' q'uen tumn yic 'ajmulal 'ajxnac b'o'oc, yuj cha, a jantc to ma'oj tz'a'oc, 'oj c'anxoc pax jun 'ejm xo 'a 'ajmulal, xchi Dios.

A Ch'an̈ Schab'il Libro Yic Yab'ixal Eb' Rey 10:26

'ix yi'n 'elt eb' jun tzo'n̈ yechel, 'ix sn̈usntz'a eb'.

A Ch'an̈ Schab'il Libro Yic Yab'ixal Eb' Rey 23:15

'Ixta pax x'aj yet'l xajmb'al 'a Bet-el, yet' jun b'ob'il can yuj Jeroboam yunnal Nabat, atn jun xjucb'tzan eb' yit israelal 'a maysch'olnil. 'Ix ya'n pax Josías chi ma'xoc poj jun tzo'n̈ cha, pococ x'ajcni, 'ix ya'n n̈usxoc. 'Ix ya'n 'ajxc 'och sc'a'l jun comn dios Asera cha.

2 Cr 14:2

A tas sb'o Asa cha, caw wach', caw tojl 'a sat Jehová sDiosal.